Miqueas 3:1-12

  • Nuxrui̱gi̱i̱n bi̱ kuya̱ edxu̱u̱ mangiin profeta (1-12)

    • Núma̱aʼ má ga̱jma̱a̱ numuu espíritu ndrígóo Jeobá, Miqueas nigiʼdoo tsiaki̱i̱ (8)

    • Ndxajkun nudaaʼ mu musngáa (11)

    • Jerusalén mani̱ndxu̱u̱ xóo mbá ru̱tsu̱u̱ dí niguma gámbáa (12)

3  Ikhúún ni̱tha̱: “Mbá péñu* gudxawíín bi̱ ku̱ya̱ edxu̱u̱ náa goʼwóo Jacob,ga̱jma̱a̱ ikháanʼla bi̱ nutañájúúnʼ xa̱bu̱ Israel.+ Lá rakáʼyala mu̱ni̱ rí jmbu ráʼ.  2  Mú ikháanʼ nawi̱ya̱la kuya̱a̱ rí májánʼ+ ga̱jma̱a̱ nandala kuya̱a̱ dí ra̱májánʼ,+ga̱jma̱a̱ ikháanʼla nuriʼíí xtún xa̱bu̱ xuajñunʼ ga̱jma̱a̱ nundrígú xuñúúnʼ i̱ndó i̱tsu̱ún guanúu.+  3  Ma̱ngaa naphula xuñúúnʼ xa̱bu̱ xuajñunʼ,+nuriʼíí xtún,nuxpígaʼ i̱tsu̱ún ga̱jma̱a̱ nurujkuiinla,+xóo xuwiʼ ga̱jma̱a̱ itsu̱ rí na̱ʼga̱ náa daan.  4  Mbiʼi má rúʼko̱ munda̱ʼa̱a̱ Jeobá rí mambáñún,mú ikhaa xáriʼñún. Ikhú má, ikhaa markaʼwu inuu náa ikhiin+ga̱jma̱a̱ numuu dí ra̱májánʼ eni̱.+  5  Rígi̱ rí naʼthí Jeobá ga̱jma̱a̱ numún profetas bi̱ nuni̱ dí magajnúriñu̱u̱ʼ xa̱bu̱ xuajñunʼ,+bi̱ nuthi ‹¡Rígá tsímáá!›+ índo̱ guáʼdáá rí naʼphu̱*+mú nuniratamijná muxmijná gajmiún bi̱ nda̱a̱ rí exnún mu̱phu̱:  6  ‹Ikháanʼ makuwáanʼla náa mikína,+ xáwasngájmala* nimbá,+náa ikháanʼla i̱ndó marigá mikína, xúni̱ xawan. A̱jkha̱ʼ marámáaʼ náa profetasga̱jma̱a̱ rí mbiʼi mani̱ndxu̱u̱ mbruʼun náa ikhiin.+  7  Xa̱bu̱ bi̱ nawasngájmún magajnúu gamajkhún,+ga̱jma̱a̱ xa̱bu̱ xawan, majmáa a̱jkiu̱ún. Xúgíinʼ mbaʼyóoʼ muruguáá rawúúnʼ,*numuu rí Dios xáriʼñún›”.  8  Mú ikhúún, núma̱aʼ má ga̱jma̱a̱ numuu espíritu ndrígóo Jeobá, gúʼdoʼ tsiaki̱i̱,nambáyúʼ mu xámíñúʼ ma̱ni̱ rí jmbu,mathu̱u̱n Jacob rí nakujximínáʼ ma̱ngaa aʼkhá rí nikudaminaʼ Israel.  9  Gudxawíín rígi̱ bi̱ kuya̱ edxu̱u̱ náa goʼwóo Jacob,ga̱jma̱a̱ ikháanʼla bi̱ nutañajúúnʼ xa̱bu̱ Israel,+ikháanʼla bi̱ nuni̱ rí májánʼ mani̱ndxu̱u̱ ra̱májánʼ,+ 10  nuʼgíʼla Sion ga̱jma̱a̱ eʼdiún xa̱bu̱ ma̱ngaa nuni̱ dí raʼkhí mu muʼgíʼ Jerusalén.+ 11  Bi̱ kuya̱ edxu̱u̱ náa ikháanʼla nundrigú regalo mu mumbayíí mbáa xa̱bu̱ índo̱ nunimbaníí numuu,+ndxajkun bi̱ guaʼdiinla nudaaʼ mu musngáa+ga̱jma̱a̱ profeta bi̱ kúwá náa ikháanʼ nuruma mu muni̱ xawan.+ Maski ajndu nuni̱ xígi̱ kaʼnii, numbayúmíjná náa Jeobá,+ nuthi: “Lá na̱nguá xtáa Jeobá ga̱jma̱á nindxu̱lú ráʼ. Xáʼkha̱ nimbá gamiéjunʼ náa ikháánʼlú”.+ 12  Ga̱jma̱a̱ numuu rí ikháanʼla nikiéʼkala,Sion mani̱ndxu̱u̱ xóo mbá ku̱ba̱ʼ dí muxnáá xku̱bi̱,Jerusalén mani̱ndxu̱u̱ xóo mbá ru̱tsu̱u̱ dí niguma gámbáa+náa kúbá dí grígu Guʼwá* mani̱ndxu̱u̱ xóo mbá bíjní náa rígá i̱ndó ixi̱.+

Mbaʼa nota

^ O “Gu̱ni̱ mbá rí májánʼ”.
^ Náa ajngáa hebreo naʼthí, “naʼphu̱xpa̱ ga̱jma̱a̱ iñúúnʼ”.
^ O “visión”.
^ O “muruguáá stawúúnʼ”.
^ O “náa bíjní dí grígu guʼwá rí nduyamajkuíí Dios”.

Copyrights ndrígóo i̱yi̱i̱ʼ rígi̱