Apocalipsis 7:1-17
7 Nda̱wa̱á dí rígi̱ ndi̱ñu̱u̱n a̱jkhui̱i̱n ángeles guájun náa a̱jkhu̱ níʼkhóo ku̱ba̱ʼ. Kúwá rurikháá giñánʼ dí na̱ʼkha̱ náa a̱jkhu̱ níʼkhóo ku̱ba̱ʼ, mu xáxnúu giñánʼ náa tsu̱du̱u̱ ku̱ba̱ʼ ni má náa lamáa* ni má náa nimbá ixi̱.
2 Ma̱ngaa ndi̱yo̱o̱ i̱mba̱a̱ ángel bi̱ na̱ʼkha̱ ratsimuu náa nagájnuu a̱jkha̱ʼ,* kayá mbá sello ndrígóo Dios ndaʼya, niʼthún ga̱jma̱a̱ aʼwá gakhi̱i̱ a̱jkhui̱i̱n ángeles bi̱ nikhánún awan rí munigínáa ku̱ba̱ʼ ga̱jma̱a̱ lamáa.
3 Niʼthún: “¡Xúnigawíínʼ ku̱ba̱ʼ ni má lamáa ni má ixi̱, asndu índo̱ gúdramalú sello+ náa xkídúnʼ ñumbáá ndrígóo Dios ndrígúlú!”.+
4 Nidxawuun rí bi̱ nindrigú sello: Ni̱ndxu̱ún mbá 144,000+ bi̱ naguwáʼ náa xúgíʼ xuajin majkhaʼ* ndrígu̱ún e̱ji̱i̱n Israel.+
5 Náa xuajin chíʼgíiʼ* ndrígóo Judá mbá 12,000 nindrigú sello,náa xuajin chíʼgíiʼ ndrígóo Rubén 12,000,náa xuajin chíʼgíiʼ ndrígóo Gad 12,000,
6 náa xuajin chíʼgíiʼ ndrígóo Aser 12,000,náa xuajin chíʼgíiʼ ndrígóo Neftalí 12,000,náa xuajin chíʼgíiʼ ndrígóo Manasés+ 12,000,
7 náa xuajin chíʼgíiʼ ndrígóo Simeón 12,000,náa xuajin chíʼgíiʼ ndrígóo Leví 12,000,náa xuajin chíʼgíiʼ ndrígóo Isacar 12,000,
8 náa xuajin chíʼgíiʼ ndrígóo Zabulón 12,000,náa xuajin chíʼgíiʼ ndrígóo José 12,000,ma̱ngaa náa xuajin chíʼgíiʼ ndrígóo Benjamín 12,000 nindrigú sello.
9 Nda̱wa̱á dí rígi̱ ndiñu̱u̱n mbaʼin xa̱bu̱ rí asndu nimbáa xáʼngo̱o̱ gáguxnii. Bi̱ naguwáʼ náa xuajin mba̱ʼu̱, xuajin majkhaʼ, xúgíinʼ enii xa̱bu̱, ga̱jma̱a̱ bi̱ nuthi mixtiʼkhu ajngáa+ bi̱ guájun náa inuu xílí ga̱jma̱a̱ náa inuu A̱ʼdá múgú. Kugíʼ xtíin miʼxá mbi̱jua̱,+ ma̱ngaa kuda ida náa ñawúúnʼ.+
10 Nundxa̱ʼwa̱ ga̱jma̱a̱ aʼwá gakhi̱i̱: “¡Rí nikáwáánʼlú, gíʼmáánʼ náa Dios ndrígúlú bi̱ gíʼ náa xílí*+ ga̱jma̱a̱ náa A̱ʼdá múgú!”.+
11 Xúgíinʼ ángeles bi̱ guájun náa mbájndi rawuunʼ xílí ga̱jma̱a̱ náa kúwá bi̱ kuya̱ edxu̱u̱+ ma̱ngaa náa a̱jkhui̱i̱n querubines* nismbati̱gu̱u̱n náa inuu xílí ga̱jma̱a̱ ndiyamajkuíí Dios.
12 Nithi: “¡Xúʼko̱ gáʼni!* Dios ndrígúlú gíʼdoo ku̱ma̱ ga̱jma̱a̱ tsiaki̱i̱, ikhaa kaʼyoo magruigú gamajkhu ga̱jma̱a̱ maguma mba̱a̱, xúgíinʼ gíʼmaa muni̱ mba̱a̱, muxna̱a̱ núma̱aʼ asndu kámuu.+ Xúʼko̱ gáʼni”.
13 Ikhú mbáa bi̱ kayá edxu̱u̱ nirajxu̱ʼ: “Tsíin ni̱ndxu̱ún bi̱ nagún bi̱ kugíʼ xtíin miʼxá mbi̱jua̱+ ga̱jma̱a̱ náá eguwáʼ xá.”
14 Ikha jngóo mbá nacha̱ niriʼña̱a̱: “Tátá, ikháán nindxa̱a̱ʼ bi̱ natayáá”. Ikhú ikhaa niʼthúnʼ: “Ikhiin ni̱ndxu̱ún bi̱ nagájnaán náa majphú mba̱a̱ ga̱ʼkhu̱+ ma̱ngaa nijña̱a̱ xtíñún rí mbi̱jua̱, rí asndu niʼni̱i̱ miʼxá ga̱jma̱a̱ eʼdiuu A̱ʼdá múgú.+
15 Ikha jngóo guájun náa inuu xílí ndrígóo Dios ga̱jma̱a̱ nuni̱ ñajuunʼ mitsúʼkháan mbiʼíí mbruʼun náa goʼwóo, ga̱jma̱a̱ bi̱ gíʼ náa xílí+ maxtri̱ga̱ guʼwá xtíin náa ikhiin.*+
16 Ni xáxkidxu̱u̱n, ni xátangi̱i̱n makándawúnʼ, ni má a̱jkha̱ʼ xáʼni gíníin, ni má nimbá rí mijkha xáʼni gíníin.+
17 Numuu rí A̱ʼdá múgú+ bi̱ wíji̱ náa inuu xílí mañewu̱u̱n+ ga̱jma̱a̱ maʼga kagui̱i̱n náa iduu iyaʼ rí ndaʼya.+ Ga̱jma̱a̱ Dios makúdíi mbá kayuuʼ iyooʼ idún”.+
