Kolobetso Baholo ba entse litokisetso tsa hore batho ba il’o kolobetsoa, ba kolobetsoe ka mor’a lenaneo la Moqebelo hoseng, ho latela maemo a moo le lulang.

Menehelo Kopano ena e tl’o fetoleloa ka lipuo tse fetang 500. Monehelo oa hao oa boithatelo, o tšehetsa mosebetsi ona o etsoang lefatšeng lohle. Ha u batla ho ntša monehelo u sebelisa Inthanete, u ka kena ho donate.jw.org. Menehelo eohle e ananeloa haholo. Sehlopha se Busang se lakatsa ho u leboha ka hore ebe u tšehetsa mesebetsi e amanang le ’Muso ka seatla se bulehileng.