Mikea 3:1-12
3 Ke ile ka re: “Ke kopa le mamele, lona dihlooho tsa ditloholo tsa JakoboLe lona baetapele ba setjhaba sa Iseraele.+
Na ha se mosebetsi wa lona ho tseba hore na toka keng?
2 Le hloile dintho tse ntle+ empa le rata tse mpe.+
Le ebola batho ba ka letlalo ebile le tlosa nama masapong a bona.+
3 Le boetse le ja nama ya batho ba ka+Ebile le ba ebola letlalo,Le roba masapo a bona+ le ho a silakanyaJwalo ka masapo le nama tse phehilweng ka pitseng.*
4 Ka nako eo, ba tla llela ho Jehova ba kopa thusoEmpa a ke ke a ba araba.
O tla ba furalla+
Ka lebaka la diketso tsa bona tse mpe.+
5 Jehova o re ho baprofeta ba kgelosang batho ba hae,+Ba reng ‘Kgotso,’+ ha ba ena le seo ba ka se hlafunang+Empa ha motho a sa ba fe seo ba ka se hlafunang, ba a mo lwantsha:
6 ‘Bosiu bo tla fihla+ empa le ke ke la ba le pono.+
Ho tla ba lefifi mme le ke ke la kgona ho sebedisa bonohe.
Letsatsi le tla dikella baprofeta,Ho be lefifi motshehare bakeng sa bona.+
7 Ba bonang dipono ba tla hlajwa ke dihlong+Le dinohe di tla swetseha.
Kaofela ha bona ba tla ikwahela melomo*Ka ha Modimo ha a ba arabe.’”
8 Ha e le nna, ke na le matla ka lebaka la moya wa Jehova.
O nthusa hore ke sebetse dintho ka toka ebile o mpha sebeteE le hore nka bolella Jakobo ka borabele ba hae le Iseraele ka sebe sa hae.
9 Ke kopa le mamele sena, lona dihlooho tsa ditloholo tsa JakoboLe lona baetapele ba setjhaba sa Iseraele,+Ba hloileng toka le ba fetolang dintho tse ntle hore e be tse mpe,+
10 Ba hahang Sione ka ho bolaya batho le ba hahang Jerusalema ka ho etsa dintho tse sa lokang.+
11 Baetapele* ba hae ba batla ho fuwa tjotjo hore ba ahlole,+Baprista ba hae ba batla tjhelete hore ba rute,+Baprofeta ba hae bona ba sebedisa bonohe hore ba fumane tjhelete.*+
Le ha ho le jwalo, ba tshepile Jehova* ba re:
“Jehova o na le rona.+
Ha ho na tlokotsi e tla re hlahela.”+
12 Ka lebaka la hao,Sione e tla lengwa jwalo ka tshimo,Jerusalema e fetohe qubu ya majwe+Mme thaba ya tempele* e tla tshwana le leralla le nang le difate.*+
