ЛЕКЦИЈА 17
Саво тано о Исус?
Кеда сикљоваја башо буќа со вакерѓа хем со керѓа о Исус ки Пхув, ка дикха особине кола со ка керен те манга те ова леа попаше хем лескере Дадеа, е Јеховаја. Кола тане несаве таро адала шуже особине хем сар шај амен да те сикава лен ко амаро живото?
1. Ки која смисла о Исус тано сар пло Дад?
О Исус ко небо сине заедно пле Дадеа хем бут милијарде берша сиклило лестар. Адалеске ов размислинела, осетинела хем постапинела сар пло Дад. (Читин Јован 5:19.) Уствари, о Исус добором шукар сикавела пле Дадескере особине со вакерѓа: „Кој дикхља ма ман, дикхља ме Даде да“ (Јован 14:9). Кобор повише ка сикљове башо адава саво тано о Исус, добором пошукар ка запознајне е Јехова. На пример, адава сар о Исус грижинѓа пе е манушенге, сикавела кобор о Јехова грижинела пе туке.
2. Сар о Исус сикавѓа кај мангела е Јехова?
О Исус вакерѓа: „Те шај о свето те џанел кај мангава е Даде, адалеске керава аѓаар сар со заповединѓа манге о Дад те керав“ (Јован 14:31). Џикоте сине ки Пхув, о Исус сикавѓа кај бут мангела пле Даде аѓаар со сине леске послушно, чак кеда сине пхаро. Исто аѓаар, адалеске со о Исус бут мангела сине пле Даде ов секогаш мангела сине те керел лафи баши лесте хем те поможинел е јаверенге да те овен паше амала леа (Јован 14:23).
3. Сар о Исус сикавѓа кај мангела е манушен?
И Библија вакерела кај о Исус бут мангела е манушен хем кај ола секогаш сине лескоро посебно бахталипе (Изреки 8:31). Ов сикавѓа пло мангипе аѓаар со охрабринѓа хем несебично поможинѓа е манушенге. О чудија со керѓа на сикавѓе само лескири моќ, него хем лескоро сочувство (Марко 1:40-42). Ов понашинѓа пе љубезно секоле јекхеа хем на сине ле предрасуде спрема никасте. Лескере лафија утешинѓе хем денѓе надеж са е искрена манушенге со шунѓе ле. Адалеске со мангела сине е манушен о Исус сине спремно те цидел муке хем те мерел. Ама, ов посебно мангела околен со икерена пе ко лескере сикљојба. (Читин Јован 15:13, 14.)
ДОЗНАЈН ПОВИШЕ
Сикљов повише башо е Исусескере особине хем дикх сар шај ту да те сикаве мангипе хем те ове дарежливо сар лесте.
4. О Исус мангела пле Даде
О Исус пле примереа сикавѓа сар те сикава амаро мангипе е Девлеске. Читин Лука 6:12 хем Јован 15:10; 17:26. Пало секова стихо, керен лафи башо акава пучибе:
-
Сар шај те џа пало е Исусескоро пример хем те сикава кај мангаја е Јехова?
О Исус мангела сине пле Даде сој ко небо хем бут пути керела сине леа лафи ки молитва
5. О Исус грижинела пе е јаверенге
О Исус повише грижинѓа пе е јаверенге него песке. Чак кеда сине уморно ов трошинела сине пло време хем пли сила те поможинел е манушенге. Читин Марко 6:30-44, а пало адава керен лафи башо акала пучиба:
-
Ко кола начинија о Исус сикавѓа кај грижинела пе е јаверенге? (Дикх о стихија 31, 34, 41 хем 42.)
-
Со поттикнинѓа е Исусе те поможинел е манушенге? (Дикх о стихо 34.)
-
Адалеске со о Исус сикавела пле Дадескере особине, со сикљоваја башо Јехова таро акава извештај?
-
Ко кола начинија шај те џа пало е Исусескоро пример хем те сикава кај грижинаја амен е јаверенге?
6. О Исус тано дарежливо
Иако на сине ле бут материјална буќа, о Исус сине дарежливо хем поттикнинѓа амен да те ова дарежлива. Читин Дела 20:35, а пало адава керен лафи башо акава пучибе:
-
Спрема е Исусескере лафија, со ка керел амен бахтале?
Дикх о ВИДЕОКЛИПИ, а пало адава керен лафи башо акава пучибе:
-
Ко кола начинија шај те да, чак ако нане амен бут?
Дали џанљан?
И Библија сикавела амен те молина амен е Јеховаске ко е Исусескоро анав. (Читин Јован 16:23, 24.) Кеда молинаја амен аѓаар, амен сикаваја кај сием благодарна башо са со керѓа о Исус те шај те ова паше амала е Јеховаја.
НЕСАВЕ ШАЈ ВАКЕРЕНА: „О Девел на грижинела пе аменге кеда цидаја муке“.
-
О Исус сикавела пле Дадескере особине. Сар адава сикавела кај о Јехова грижинела пе аменге?
СО СИКЛИЛЕМ
О Исус мангела е Јехова хем е манушен. Адалеске со о Исус тано сар пло Дад, кобор повише ка запознајне е Исусе добором повише ка запознајне е Јехова.
Сар ка одговорине?
-
Сар шај те џа пало е Исусескоро пример хем те сикава кај мангаја е Јехова?
-
Сар шај те џа пало е Исусескоро пример хем те сикава кај мангаја е манушен?
-
Која е Исусескири особина свиџинела пе туке највише?
ИСТРАЖИН
Дикх несаве таро е Исусескере особине со шај амен да те сикава лен.
„Биди како Исус...“ (Исус — патот, вистината и животот, страна 317)
Сикљов која важно улога иси е Исусе ко молитве.
„Зошто да се молиме во името на Исус?“ (Стражарска кула таро 1 февруари 2008)
Дали и Библија вакерела нешто башо адава сар изглединела сине о Исус?
Со шај те сикљова таро адава сар о Исус понашинела пе сине е џувленцар?
„Бог ги почитува жените“ (Стражарска кула таро 1 септември 2012)
Шај исто ка интересинел тут
НАЈЧЕСТА ПУЧИБА
Сар изглединела о библиско курси со нудинена е Јеховаскере сведокија?
Џикоте икерела пе о бесплатно библиско курси, шај те користине било кова превод тари Библија. Ко курси шај те канине некас тари тли фамилија или несаве амале.
