LECCIÓN 17
Jesusca ¿imashinata can?
Cai alpapi cashpa Jesús imacunatalla rurashcata, imacunatalla nishcata yachajushpaca, paita ashtahuan rijsishpami paiman ashtahuan quimirishun. Shinallata Jehová Diosmanbashmi ashtahuan quimirishun. Shinapash Jesusca ¿imashina cashcatata ricuchirca? ¿Imashinata Jesuspa ejemplotaca cati ushapanchi?
1. Jesusca ¿imapita paipa Taitahuanga igual can?
Jesusca ashtaca ashtaca huatacunatami paipa Taita imacunatalla rurajta ricushpa, paimanda yachajushpa causashca. Chaimandami Jesusca paipa Taitashnallata tucuita ruran (Juan 5:19, liipangui). Jesusca paipa Taita imashna cashcataca alipachami ricuchin. Chaimandami paillata: “Ñucata ricushcacunaca, ñuca Taitatapashmi ricushca” nircami (Juan 14:9). Jesús imashina cajta ashtahuan rijsishpaca Jehová Diostapashmi ashtahuan rijsishun. Por ejemplo, Jesusca gentecunata juyaihuanmi tratarca. Chaica Jehová Diospash quiquinda juyashcatami ricuchin.
2. Jesusca ¿imashinata paipa Taitata juyashcataca ricuchirca?
Jesusca “cai mundopi gentecuna ñuca Taitata ñuca juyajta yachachunmi, ñuca Taita imata mandashcata rurajuni” nircami (Juan 14:31). Jesús cai alpapi cashpaca paipa Taitata tucuipi cazushpami paita ninanda juyashcata ricuchirca. Shinallata paipa Taitamanda shujcunaman parlanata, shujcunapash paipa Taitapa amigocuna tucuchun ayudanatami ninanda gushtarca (Juan 14:23).
3. Gentecunata juyashcataca ¿imashinata Jesusca ricuchishca?
Bibliapica Jesús tucui gentecunata juyashcatami ricuchin (Proverbios 8:31). Gentecunata juyashcataca paicunata cushichishpa, ayudashpapashmi Jesusca ricuchirca. Ayudashcamanda imatapash pagachunga na shuyarcachu. Jesús rurashca milagrocunaca pai poderta charishcata ricuchingapallaca na carcachu. Ashtahuangarin gentecunata ninanda juyashpa llaquishcata ricuchingapami milagrocunataca rurarca (Marcos 1:40-42). Jesusca tucuicunatami ali, igual tratarca. Paipa yachachishcacunaca paita uyaj gentecuna cushilla sintirichun, shuj alipacha esperanzata charichunbashmi ayudarca. Ashtahuanbash tucui gentecunata juyaimandaca paipa causaitapash cungapaj dispuestomi carca. Jesusca paipa yachachishcacunata cazushpa causajcunataca ninandami juyan (Juan 15:13, 14, liipangui).
ASHTAHUAN YACHAJUPASHUNCHI
Cunanga Jesús imashina cashcatami ashtahuan ricugripanchi. Shinallata paishna shujcunata juyaj, na mitsashpa caraj canatapash imashina ricuchi ushashcatami yachajugripanchi.
4. Jesusca paipa Taitataca ninandami juyan
Jesusca paipa ejemplohuanmi Taita Diosta juyashcata imashina ricuchina cashcata yachachirca. Lucas 6:12; Juan 15:10 y 17:26ta liipangui. Cada textota liishca jipaca cai tapuita contestapangui:
-
Jesuspa ejemplota catishpa ¿imashinata Jehová Diosta juyashcataca ricuchi ushapanchi?
Jesusca paipa Taitata juyashcatami ricuchirca. Shinallata paipa Taitahuanga cutin cutinmi parlan carca
5. Jesusca ayudata minishtinajuj gentecunamandaca preocuparinmi
Jesusca paipilla preocuparinapa randica shujcunamandami ashtahuan preocuparin carca. Jesús shaijushca cashpapash paipa tiempota, paipa fuerzatapash shujcunata ayudangapami utilizarca. Marcos 6:30manda 44caman liishpa, cai tapuicunata contestapangui:
-
Jesusca ¿imashinata shujcunamanda preocuparishcataca ricuchirca? (Versículo 31, 34, 41 y 42ta ricupangui).
-
Jesusca ¿imamandata chai gentecunataca ayudarca? (Versículo 34ta ricupangui).
-
Jesusca paipa Taita imashina cashcataca alipachami ricuchin. Shinaca Jehová Diosmandaca ¿imatata yachajui ushapangui?
-
¿Imashinata Jesús cuenda shujcunapi preocuparishcata ricuchi ushapanchi?
6. Jesusca na mitsashpa caranatami yachan
Jesusca ashtaca cosascunata na charishpapash shujcunaman caranatami gushtan carca. Ñucanchicunapash shinallata rurana cashcatami nirca. Hechos 20:35ta liishpa, cai tapuita contestapangui:
-
Jesús nishcashnaca ¿imata rurashpata cushilla sintirishun?
VIDEOTA ricushpa, cai tapuita contestapangui:
-
Na ashtaca cosascunata charishpapash ¿imagucunatallata carai ushapanchi?
¿Yachaparcanguichu?
Bibliapica Jesuspa shutipi oracionda rurana cashcatami yachachin (Juan 16:23, 24, liipangui). Jesuspa shutipi mañashpaca Jehová Diospa amigo tucuchun imacunatalla Jesús rurashcata agradicishcatami ricuchipanchi.
HUAQUINGUNACA, “Taita Diosca gentecuna sufrinajujta ricushpapash imatapash na ruranllu” ninmi.
-
Jesuspa ruraicunaca ¿Jehová Dios ñucanchimanda preocuparin cashcatachu ricuchin?
YARINGAPAJ
Jesusca Jehová Diostapash, gentecunatapash ninandami juyan. Jesusca paipa Taitashnami can. Chaimandami Jesusta rijsishpaca, Jehová Diostapash ashtahuan rijsi ushapangui.
¿Imatata yachajupashcanchi?
-
Jehová Diosta juyashcataca ¿imashinata Jesushna ricuchi ushapanchi?
-
Gentecunata juyashcataca ¿imashinata Jesushna ricuchi ushapanchi?
-
Jesús imashina cashcata ricushca jipaca ¿imatata paimandaca ashtahuan gushtaparcangui?
CAITAPASH RICUPAI
Jesusmanda ima ali cualidadcunata yachajui ushashcata ricupai.
“Jesuspa ejemplota catipashunchi” (Jesús: el camino, la verdad y la vida, página 317)
Imamanda Jesuspa shutipi mañana cashcata yachajupai.
“¿Imamandata Jesuspa shutipi mañana canchi?” (Villajun revista, 1 de febrero de 2008)
Jesuspa ñavipash, cuerpopash imashina cashcata Biblipi villajta o na villajta ricupai
“Jesuspa ñavipash, cuerpopash ¿imashinata carca?” (jw.org paginapi ricupangui)
Jesusca huarmigucunataca ¿imashinata tratarca? Chaimandaca ¿imatata yachajui ushapanchi?
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
