Agllashca temata ricungapaj

Temacunata ricungapaj

 LECCIÓN 04

¿Taita Diosca pita can?

¿Taita Diosca pita can?

Pundamandapachami gentecunaca yanga dioscunata adorashpa causan cashca. Shinapash Bibliapica “ñucanchi Taita Diosca, tucui dioscunatapash yali jatun Dios” cajtami ricuchin (2 Crónicas 2:5). Shinapash ¿paica pita can? ¿Imamandata tucui dioscunatapash yali jatun cajta nipanchi? Cai leccionbica Taita Dios imata yachajuchun munashcatami ricugripanchi.

1. Taita Diosca ¿ima shutita can? Pai paipa shutita rijsichun munashcataca ¿imashinata yachapanchi?

Bibliapica Taita Diosllatami “Ñucaca Jehovami cani. Chaimi ñucapa shuti” ninmi (Isaías 42:​8, TNM). Jehová shutica hebreo shimimanda japishcami can. Huaquin alipacha estudiashcacunaca Jehová shutica “ima tucuna cashpapash tucunlla” cashcatami ricuchin nin. Jehová Diosca paipa shutita rijsichunmi munan (Éxodo 3:15). Chaimandami paipa shutitaca 7 mil yali viajecunata * Bibliapica escribichishca. Jehová shutica Taita Diospallami can. Chaimi Bibliapica Jehová Diosca ‘jahua pachapipash, cai pachapipash paillami Taita Dios’ can nin (Deuteronomio 4:39).

2. Jehová Diosmandaca ¿imatata Bibliapica nin?

Gentecunaca ashtaca dioscunatami adoran. Shinapash Bibliapica Jehová Diosllami ciertopacha Dios can ninmi. ¿Imamandata shina nin? Huaquin razongunami tian. Por ejemplo, Jehová Diosllami tucui autoridadta charin. Paillami cai “tucui alpamanda ashtahuan Jatun Dios” can (Salmo 83:​18, TNM). Jehová Diosca “tucui ushaita charij” caimandami, pai ima munashcatapash rurai ushan. Jehová Diosmi “tucui imatapash” rurashca. Paica cai alpata, cai alpapi tucui ima tiashcatapashmi rurashca (Apocalipsis 4:​8, 11). Jehová Diosllami siempre tiashca y siempremi tiashpa catinga (Salmo 90:2).

 ASHTAHUAN YACHAJUPASHUNCHI

Cunanga Taita Dios paipalla shuj shutita charishcatami ricugripanchi. Shinallata Taita Dios paipa shutita imashina ñucanchicunaman yachachijta, imamanda chai shutita yachana importante cashcatapashmi ricugripanchi.

3. Taita Diosca paipalla shuj shutitami charin

¿Pihuanbash parlangapaca shutipi cayanaca minishtirinllu? Chaita yachangapaca, VIDEOTA ricushpa, cai tapuita contestapangui:

  • ¿Pitapash señor nishpa cayanaca, shutipipacha cayanahuanga igualchu can?

Bibliapica gentecuna tauca dioscunata adoran cashcatami ricuchin. Salmo 136:​1​manda 3​caman liishpa, cai tapuita contestapangui:

  • ¿Pitata ‘dioscunapa Taita Dios’, shinallata “mandajcunata Jatun Mandaj” nishpa rijsin?

 4. Jehová Diosca paita paipa shutipi rijsichunmi munan

Jehová Dios paipa shutita quiquin rijsichun munashcataca ¿imamandata seguropacha caita ushapangui? VIDEOTA ricushpa, cai tapuita contestapangui:

  • Jehová Dios paipa shutita rijsichun munashcataca ¿imashinata yachapanchi?

Jehová Diosca tucuicuna paipa shutipi parlachunmi munan. Romanos 10:13ta liishpa, cai tapuicunata contestapangui:

  • ¿Jehová shutita utilizanaca minishtirishcachu can?

  • Pipash quiquinda shutipi parlajpica ¿imashinata sintiripangui?

  • Jehová Diosta shutipi quiquin parlajpica ¿imashinashi paica sintiringa?

5. Jehová Diosca quiquin paipa amigo tucuchunmi munan

Camboya llactamanda Soten shuti huarmiguca Jehová Diospa shutita yachanaca “tucuita yali alipachami” can nircami. VIDEOTA ricushpa, cai tapuita contestapangui:

  • Videopi ricushcashnaca, Taita Diospa shutita yachanaca ¿imashinata Soten panigutaca ayudarca?

Pihuanbash amigo tucungapaca paipa shutitarami yachana capanchi. Santiago 4:8 callari parteta liishpa, cai tapuicunata contestapangui:

  • Jehová Diosca ¿imata rurachunda munan?

  • Taita Diospa shutita yachana, paita paipa shutipi parlanaca ¿paiman ashtahuan quimirichun ayudaita ushanllu?

HUAQUINGUNACA, “Shujlla Dios tiashcamandaca, shutipi parlanaca na minishtirinllu” ninmi.

  • ¿Taita Diospa shuti Jehová cashcataca cripanguichu?

  • Taita Dios paipa shutita utilizachun munashcataca ¿imashinata shujcunamanga intindichipanguiman?

 YARINGAPAJ

Taita Diosca paipalla shuj shutitami charin. Chai shutica Jehovami can. Paica chai shutita utilizashpa paihuan parlachunmi munan. Shina rurashpami paipa ali amigocuna tucuita ushapanchi.

¿Imatata yachajupashcanchi?

  • Gentecuna adorashca dioscunamandaca ¿imapita Jehová Diosca diferentepacha can?

  • Jehová Diostaca ¿imamandata paipa shutipi parlana capanchi?

  • ¿Imamandata Taita Diosca quiquin paipa amigo tucuchun munashcataca yachapangui?

Caita rurapai

CAITAPASH RICUPAI

Jehová Dios ciertopacha tiashcata cringapaj 5 yuyaicunata ricupai.

“¿Ciertopachachu Taita Diosca tian?” (jw.org paginapi ricupangui)

Taita Dios siempre tiashcata imamanda cri ushashcata ricupai.

“¿Pita Taita Diostaca rurarca?” (Villajun revista, 1 de mayo de 2015)

Punda tiempopi Taita Diospa shutita imashinapacha nin cashcata na yachashpapash, shutipi parlana imamanda ali cashcata ricupai

“¿Pita can Jehová?” (jw.org paginapi ricupangui)

¿Taita Diosta shutipi parlanaca minishtirinllu? Taita Dios paipalla shuj shutita charishcata ricupai.

“¿Taita Diosca mashna shuticunatata charin?” (jw.org paginapi ricupangui)

^ párr. 5 La Biblia. Traducción del Nuevo Mundo español shimi Bibliapi, Apéndice A4​pimi shuj Bibliacunapi imamanda Jehová shutita anchuchishcata, shinallata Jehová shuti imata ningapaj munashcata yachangapaj ashtahuan informacionda ricui ushapangui.