Shuj shuj llactacunamanda cashpa, shuj shuj costumbrecunata charishpa, shuj shuj shimicunata parlaj cashpapash tucuicunami Jehová Diosta jatunyachina munaita charinchi. Jehová Dios Bibliata escribichishcamanda, tucui cosascunata rurashcamanda paitalla jatunyachingapaj munapanchi. Shinallata Jesuspa chaquita catingapapashmi esforzarinchi, Jesusta catijcuna caimandapash ninandami cushijunchi. Jesusta catijcuna caimandaca, tucuicunallatami Bibliamanda yachachingapaj, Diospa Reinomandashpa villachingapaj tiempota llujchinchi. Jehová Diosmanda, paipa Reinomandapash villachishcamandami ñucanchitaca testigo de Jehovacuna nishpa rijsin. Jw.org paginapica huahuacunapa, jovengunapa, taitamamacunapapash shuj shuj videocunatami ricuita ushapangui. Cai paginapica Bibliatapashmi lii ushapangui, shinallata testigo de Jehovacuna imatalla crijtapashmi yachajui ushapangui.