¿Ima ninmi Biblia?

Yaqa llapa “cristianon” kani niqkunan creenku “Santísima trinidad” nisqapi, ichaqa manan Bibliapiqa maypipas rijurinchu chay yachachikuyqa, chhaynatan juj libropipas nin: “Manan ‘Trinidad’ nisqa palabrapas ni explicacionninpas rijurinchu Mosoq Testamentopiqa [...]. Chay yachachikuy rijurinanpaqqa pachaj-pachaj watakunan pasaran askha kutipitaqmi chayta yachachiqkuna mana acuerdopichu karanku”, nispa (Enciclopedia Británica).

Chaymantapas manan Bibliapiqa maypipas rimanchu Diosqa kinsapas kanman jinataqa. Leesun ima ninmi wakin textokuna chayta.

Deuteronomio 6:4 textopi nin: “Diosninchis Señor Diosqa ch’ullallan”, nispa.

Salmo 83:18 textopi nin: “Qanllapuni teqsimuyuntinpi Ancha Hatun Dios kasqaykita reqsichunku”, nispa.

Juan 17:3 textopi nin: “Paykuna wiñay kausayta chaskinankupaqqa qan sapallan cheqaq Diostan reqsinanku, reqsinallankutaqmi kachamusqayki Jesucristotapas”, nispa.

Gálatas 3:20 textopi nin: “Diosmi ichaqa ch’ullalla”, nispa.

Chhaynatataq Biblia nin chayqa, ¿imaraykun askha religionkunapi yachachinku “Diosqa trinidadmi” nispa?