JW Library^® “Lo nuevo” nisqapi, chaymantapas jw.org “Chayllaraq lloqsimuqkuna” nisqapin mosoq qelqakuna videokuna lloqsimun. ¿Imaynatan chaykunawan yanapachikusunman?

• Sapa kutinmi lloqsimun mosoq qelqakuna mosoq videokuna ima, chaytan tarillawaqtaq “Lo nuevo” nisqapi. Chaypin chayllaraq lloqsimuq yachachikuykunata churakun descarganaykipaq. ¿Imaynatan chay mosoq qelqakunata tariwaq? Chaypaqqa “Lo nuevo” nisqa parteman jaykuy, jinaspa mosoq lloqsimuq qelqakunaman jaykuy, chaypin ordenpi tarinki chayllaraq lloqsimuq yachachikuykunata.

• Chaypin kashan chayllaraq lloqsimuq revistakunapas, manapaschá chay revistakunataqa jujllapichu tukunanchiskama leerusun. Ichaqa churasunmanmi “Favoritos” nisqaman facil-llata tarinanchispaq, chhaynapi pisi-pisimanta leenanchispaq. Leeyta tukuspataq “Favoritos” nisqamanta orqopusunman.

JW Library nisqapiqa manan llapa chayllaraq lloqsimuq yachachikuykunachu rijurin. Wakin yachachikuykunaqa jw.org nisqallapin kashan, chaykunan kashan: “comunicados, noticias” nisqakuna. Chhaynaqa amapuni qonqasunchu “Chayllaraq lloqsimuqkuna” nisqata qhawaytaqa. Chaypin tarisun chayllaraq lloqsimuq mosoq yachachikuykunata videokunata ima.