Capitulo 37

¿Listoñachu kashayman bautizakunaypaq?

Cheqaqchu manachu chayta kutichiy:

Diosta serviqkunaqa llapankun bautizakunanku.

□ Cheqaqmi

□ Manan cheqaqchu

Bautizakuyqa juchamantan pakaykuwanchis.

□ Cheqaqmi

□ Manan cheqaqchu

Bautizakuyqa salvasqa kananchispaqmi yanapawanchis.

□ Cheqaqmi

□ Manan cheqaqchu

Mana bautizasqa kaqtiyqa Diosqa manan cuentata mañawanqachu.

□ Cheqaqmi

□ Manan cheqaqchu

Ñataq amigoykunapas bautizakushankuña chayqa noqapas bautizakunaymi.

□ Cheqaqmi

□ Manan cheqaqchu

¿Bibliaq nisqanman jinachu kausanki? ¿Kallpachakunkichu Diospa amigon kanaykipaq? ¿Willankichu jujkunaman imapichus creesqaykimanta? Kay kinsantin tapuykunaman “arí” nispa kutichirqanki chayqa, bautizakuypichá piensashanki. Ichaqa ñaupaqtan qhawarinayki listoñachus kashanki bautizakunaykipaq icha manaraqchus chayta. Chaypaqmi yanapasunki ñaupaqpi tapuykunaman kutichisqayki.

● Diosta serviqkunaqa llapankun bautizakunanku.

Cheqaqmi. Chayta ruwanankupaqmi Jesusqa discipulonkunata kamachirqan (Mateo 28:19, 20). Kikin Jesuspas bautizakurqanmi. Chaymi qanpas Jesusta qatikunaykipaqqa bautizakunayki, ichaqa Diospa munasqanman jinan kausanayki, manan iskayanaykichu bautizakunaykimantaqa.

● Bautizakuyqa juchamantan pakaykuwanchis.

Manan cheqaqchu. Bautizakunchisqa Jehová Diosllapaqña kausay munasqanchista runakunaman rikuchinanchispaqmi. Arí, Jehová Diosmanqa entregakunchis paypa kamachikuyninkunaman jina kausayta munaspanchismi, manan juchamanta pakaykuwananchisraykullachu.

● Bautizakuyqa salvasqa kananchispaqmi yanapawanchis.

Cheqaqmi. Bibliaq nisqan jina, bautizakuyqa salvasqa kananchispaqmi yanapawanchis (1 Pedro 3:21). Ichaqa manan salvasqa kayta munasqanchisraykullachu bautizakunanchisqa, aswanpas Jehová Diosta munakusqanchisrayku, tukuy sonqomanta payta wiñaypaq serviyta munasqanchisraykun bautizakunanchisqa (Marcos 12:29, 30).

● Mana bautizasqa kaqtiyqa Diosqa manan cuentata mañawanqachu.

Manan cheqaqchu. Bibliapin nishan bautizasqaña kaqpas otaq manaraq bautizasqachu kashaqpas allin kaq ruwayta yachashaspa mana chayta ruwanchu chayqa, juchatan ruwashan nispa (Santiago 4:17). ¿Ñachu reparankiña imayna kausanaykitachus Dios munan chayta? ¿Ñachu reparankiña imachus allin imataqchus mana allin chayta? Chhayna kaqtinqa tayta-mamaykiwan rimay otaq mayqen iñiqmasiwanpas, paykunan yanapasunkiku bautizakunaykipaq.

● Ñataq amigoykunapas bautizakushankuña chayqa noqapas bautizakunaymi.

Manan cheqaqchu. Bautizakuyta munasqaykiqa sonqomantapunin lloqsinan (Salmos 110:3). Imaynas Jehová Diosta kasukuspa kausay, chayta allinta entiendesparaqmi bautizakunaykiqa, manataqmi chaymantaqa iskayanaykichu (Eclesiastés 5:4, 5).

Kausayniykitan cambiasunki

Bautizakuyqa kausayniykitan cambian, chaymantapas askha bendicionkunatan chaskinki. Ichaqa Jehová Diosman prometekusqaykitan junt’anayki kanqa.

¿Ñachu bautizakunayki p’unchay chayamushanña? Chhaynaqa may kusisqachá kashanki. Jehová Diosta tukuy sonqomanta servispa kausayqa manan imawanpas tupanmanchu. Paypa munasqanman jina, prometekusqanchisman jina kausayqa maytan kusichiwanchis (Mateo 22:36, 37).

QATIMUQ CAPITULOPIN

Yachanki imatas kausayniykiwan ruwawaq chaymanta.

KAYPI NISQANTAQA AMA QONQAYCHU

“Cuerpoykichista Diosman jaywaychis kausashaq sacrificiota jina, sonqonman chayaq ch’uya sacrificiota jina, chhaynapin tukuy yuyayniykichiswan Diosta servinkichis” (Romanos 12:1).

KAYTAN RUWAWAQ

Tayta-mamaykita tapuy mayqen iñiqmasikunas iñiyniykipi astawan wiñarinaykipaq yanapasunkiman chayta (Hechos 16:1-3).

¿YACHARANKICHU KAYTA?

Bautizasqa kayqa salvakunapaq “marca” jinan (Ezequiel 9:4-6).

¡RUWAYTA QALLARIY!

Bautizakunaypaqqa bibliapi kaq kay yachachikuykunataraqmi allinta entiendenay: ․․․․․

¿Imatan tayta-mamayta chaymanta tapuyman? ․․․․․

¿IMA NIWAQMI?

● ¿Imaraykun bautizakunaykipaq allinta piensanayki?

● ¿Imaraykun wakin wayna-sipaskuna usqhaylla bautizarukunku?

● ¿Imaraykun wakin wayna-sipaskuna mana Diosman prometekunkuchu ni bautizakunkupaschu?

[Recuadro]

‘‘Bautizasqa kasqayta yuyariymi yanapawan allin kaqta ruwanaypaq, ama mana alllinkunata ruwanaypaqpas.’’ (Noemí)

[Recuadro/​Foto]

Bautizakuyta munaqkunan kaykunata tapukunku

¿Imawanmi tupan bautizakuy? Unuman chinkaykuspaqa wañupuwaqpas jinan, munasqaykiman jina kausasqaykitapas saqepushawaq jinan. Unumanta lloqsimpuspan ichaqa kausarimpushawaqpas jina, chaymantaqa Jehová Diospa munayninta ruwanallaykipaqñan kausanki.

¿Iman Jehová Diosman prometekuy? Diosman prometekuspaqa payllapaqña kausananchispaqmi ninchis. Chaymantaqa manan munasqanchisman jinañachu kausanchis, aswanpas Jehová Diosllapaqñan (Mateo 16:24). Chayraykun manaraq bautizakushaspa mañakuypi Jehová Diosta ninayki: “Tukuy imamantapas munaniykitan ñaupaqtaqa ruwasaq”, nispa.

¿Imatan ruwanay manaraq bautizakushaspa? Bibliaq nisqanman jinan kausanayki, jujkunamantaq Diosmanta willanayki. Chaymantapas Bibliata allinta estudiaspa mañakuspa iman astawan Diosman asuykunayki. Jehová Diostaqa sonqomantan servinanchis, manan jujkuna niswasqanchisraykullachu.

¿Jayk’a wataypi kashaspan bautizakunay? Jayk’a wataykipi kashaspapas bautizakuwaqmi. Ichaqa allintan entiendenayki imas Diosman prometekuy, imaraykus bautizakuna chaykunata.

¿Imatan ruwayman bautizakuyta munaqtiy tayta-mamay “suyakuyraq” niwaqtinku? Sichus chayta nisunkiku chayqa, kasukuy paykunata, kallpachakushallaytaq astawan Diosman asuykunaykipaq (1 Samuel 2:26).

[Recuadro]

Kayta ruway

¿Bautizakuytachu munashanki?

Qatimuqpi tapuykunan yanapasunki listoñachus kashanki bautizakunaykipaq icha manaraqchu chayta reparakunaykipaq. Manaraq chay tapuykunaman kutichishaspan ichaqa textokunataraq leey.

¿Confiankichu Jehová Diospi? ¿Imaynatan Jehová Diospi confiasqaykita rikuchishanki? (Salmos 71:5.) ․․․․․

¿Reparankichu imas allin, imataqchus mana allinchu chayta? ¿Imapin chayta repararqanki? (Hebreos 5:14.) ․․․․․

¿Ima ratukunapin Diosmanta mañakunki? ․․․․․

¿Sut’itachu ninki imapichus yanapanasuykita munanki chayta? ¿Reparakunchu mañakusqaykipi Jehová Diosta munakusqayki? (Salmos 17:6.) ․․․․․

¿Allinyanaykiraqchu kashanman mañakuyniykipi? ․․․․․

¿Sapa p’unchaychu Bibliata estudiashanki? (Josué 1:8.) ․․․․․

¿Ima qelqatan sapallaykipi estudianki? ․․․․․

¿Sapallaykipi estudiashaspa imakunamantawanmi yachayta munawaq? ․․․․․

¿Allintachu runakunaman Diosmanta yachachinki? (¿Allintachu Bibliapi qallariy yachachikuykunata sut’inchayta yachanki? ¿Kutinkichu astawan yachay munaqkuman? ¿Kallpachakushankichu juj runallamanpas Bibliamanta yachachinaykipaq?)

□ Arí □ Manan

Tayta-mamaykiña mana Diosmanta yachachiq lloqsiqtinkupas, ¿qan lloqsinkichu? (Hechos 5:42.)

□ Arí □ Manan

¿Imakunapin kallpachakuwaq Diosmanta aswan allinta willanaykipaq? (2 Timoteo 2:15.) ․․․․․

¿Mana faltaytachu juñunakuykunaman rinki, icha mayninpi manachu rinki? (Hebreos 10:25.) ․․․․․

¿Yanapakunkichu juñunakuykunapi, kutichinkichu tapuykunamanpas? ․․․․․

Tayta-mamayki juñunakuykunaman mana riqtinku, ¿rinkichu sapallaykimanta juñunakuykunaman?

□ Arí □ Manan

¿Kusikunkichu Diospa munayninta ruwaspa? (Salmos 40:8.)

□ Arí □ Manan

¿Yuyashankichu compañeroykikuna mana allinkunata ruwanaykipaq tanqasuqtiyki Diosta kasukusqaykita? (Romanos 12:2.) ․․․․․

¿Imatan ruwashanallayki Jehová Diosmanta ama karunchakunaykipaq? (Judas 20, 21.) ․․․․․

Tayta-mamayki Jehová Dios serviyta saqepuqtinku, ¿imatan ruwawaq, servishallawaqchu Diosta? (Mateo 10:36, 37.)

□ Arí □ Manan

[Foto]

Casarakuqkunaqa allinta piensaykuspan casarakunku, chhaynallataqmi bautizakuypas, allinta piensaykuspan bautizakuna