T’ikata, cielota, ch’askakunata otaq unu phaqchakunatapas rikuspa, ¿piensanchischu kamaqninchispi? Kamasqankunapin Jehová Diospa cualidadninqa sut’ita rikukun (Rom. 1:20). Sichus kamasqankunapi piensanchis chayqa, atisunmi reparayta: atiyninta, munakuyninta, yachayninta, justicia ruwaq kasqanta, qoykukuq kasqanta ima (Sal. 104:24).

Jehová Diospa kamasqankunamanta, ¿mayqenkunatan sapa p’unchay rikunki? Juj ciudadpiña tiyanki chaypas atiwaqmi rikuyta, pichinkukunata otaq sach’akunatapas. Diospa kamasqankunata qhawayqa yanapawanchismi llakikuyninchiskunata qonqananchispaq, yanapawallanchistaqmi Jehová Diospa cuidawananchispi astawan confiananchispaq (Mat. 6:25-32). Wawaykikuna kan chayqa, yanapay Jehová Diospa cualidadninkuna rikuyta yachanankupaq. Jehová Diosta tukuy kamasqankunamanta agradecekusun chayqa, astawanmi payman qayllaykusun (Sal. 8:3, 4).

MUSPHANAPAQ JINA KAMASQANKUNAN DIOSTAQA JATUNCHAN: K’ANCHAYKUNA COLORKUNAPAS NISQA VIDEOTA QHAWASPA KAY TAPUYKUNAMAN KUTICHIY:

• ¿Imaraykun colorkuna kan?

• ¿Imaraykun colorkuna cambian?

• ¿Imaraykun cielopi imaymana colorkuna rikukun?

• ¿Ima colorkunatan rikuranki wasiyki qayllapi?

• ¿Imaraykun tukuy yuyaywan Jehová Diospa kamasqankunata qhawananchis?