UNICEF institucionmi willakun “100 wawakunamanta 38 wawakuna mana partidayoq kasqankumanta”. África Oriental y Meridional lawmanta cuentallikuq UNICEF institucionpi llamkaq Elke Wisch sutiyoq subdirectoram nin: “África lawpi wakin llaqtakunapiqa partidayoqpunim wawakunaqa kananku postapi otaq hospitalpi atiendesqa kanankupaq, escuelapi kanankupaq chaynataq tayta-mamanku wañuruptinqa herenciankuta chaskinankupaq”.

12 watayoqmanta 17 watayoq warmakunata tapuptinkum 100 warmakunamanta 72 willakurqaku Internetnintakama honorninkuta pipas penqaypi churaruyninta llumpay manchakusqankuta. Pachakmanta 55 warmakunañataqmi drogakuna servichikuy manchakusqankuta, pachakmanta 44 warmakunañataq abusasqa kayta, pachakmanta 24 warmakunañataq huchapakusqankurayku ima onqoywanpas hapirachikuyta.

Huk periodicom willakun mozo-sipasllaraq kaq runakuna astawan llamkaspa reqsisqa otaq kamachiq kayta mana munasqankuta. Pachakmanta 40 runakunam chaynata tanteanku llamkapakusqanku sitiokunapi llamkaqmasinku mana respetakuq chaynataq mana honrado kasqankurayku. Wakinqa ninkutaqmi jefenkuwan parlariy mana atisqankumanta chaynataq imayna piensasqankumanta rimanankupaq libre mana kasqankumantapas. Ñawpaq watakunapi runakunaqa tukuy tiempom llamkarqaku huk empresallapi, kay tiempopi mozo-sipaskunañataqmi pachakmanta 60 llamkapakunku huk llamkapakuyta tarirunankukamalla. (The Japan Times.)

1980 kaq watamanta 2010 kaq watakamam yaqa 800.000 runakunata balawan wañuchirqaku. 450.000 masninmi wañururqaku 15 hinaspa 29 watallankupi. Investigaq runakunam ninku celanakuspanku, wasipi peleaspanku, vecinokunawan cheqninakuspanku chaynataq choferkuna cheqninakuspanku wañuchinakusqankumanta.