Ahualla ejemplogunara ajllai. Jesús cuinta rurai: ricsishca cosasgunara ricuchisha valij iyaigunara yachachi, intindinalla ejemplogunahua shinzhi yachachishcara ali intindichi. Ejemplora intindichingaj ministishcallara rimai. Canda uyajcuna ali intindinuchu, camba ejemplo can munashca yachachishcahua pariju ana an.

Canda uyajcunai iyari. Canda uyajcuna gustashca cosasgunamanda ruraigunamandas ejemplogunara ajllai, astaun mana piñachisha o pingachisha rimana angui.

Mas valij iyaigunara ali intindichi. Mas valij iyaigunara ali intindichingaj ejemplogunara churai, mana shuj iyaigunara. Canda uyajcuna can munashca yachachinara iyarinuchu yanapai, mana chi ejemplollara.