¿Pita shamuna ushan?

Tucuiguna ali shamushca anun. Camba ailluunara amigogunaras cumbirana ushangui.

Cai tandarina ¿masna unayanga?

Shu hora tupu unayan.

¿Maibi anga?

Camba mayambi causaj shu Jehovahuaj testigora tapungui mai partii tandarina ashcara.

¿Icungaj cullquira pagana anguichu?

Mana.

¿Cullquira mañanunzhu?

Mana. Ñucanchi tandarinaunai cullquira mana mañanchichu (Mateo 10:8).

¿Imasnara churarishca shamuna anchi?

Cai tandarinama shamungaj ima tunu churarina mana tianzhu, shinajpis ñucanchi churarishca tunuhua cai sumaj tandarinara respetura ricuchingaj ursarinchi.

¿Imara ruranun Jesús huañushcara iyaringaj tandarinai?

Cai tandarina callarinai, tucurinais tandarinai ajcuna shu cancionda cantanchi, astaumbas shu Jehovahuaj testigo shu oracionda ruran. Huasha, Jesús yapa valij huañushcamanda Biblia yachachishcara uyanchi, shinallara Yaya Dios, Cristo rurashcaunas ñucanchira imasna yanapashcamandas yachanchi.

Caimanda mas yachangaj, “¿Imarasha Jehovahuaj testigoguna mana shuj religionguna cuinta Jesús huañushcara iyarinun?” nishca temara leai.

¿Ima huras shamuj huataunai Jesús huañushcara iyarishun?

2027: lunes 22 de marzo.

2028: domingo 9 de abril.

2029: jueves 29 de marzo.