Israelitacunaca Jehová Diostami cungarircacuna. Chaimantami Diosca paicunata llaquichigrishcata Jeremías huillachun cacharca (Jer 13:25). ¿Israelitacunaca imamantataj Diosta cungarircacuna? Israelpi causaj familiacunaca Diostami cꞌuyanata saquircacuna. Yaya mamacunaca Deuteronomio 6:5-7-pi mandashcatami mana pajtachicurcacuna.

Cunan punllacunapica Diosta alli servij familiacunaca congregacioncunapimi ayudancuna. Yaya mamacunaca familiahuan Diosta adoranata cada semana rurashpami paicunapaj huahuacuna Diosmanta ama cungarichun ayudana can (Sl 22:27). Qꞌuipaca “Ñuca yachachishcacunataca cambaj shungupi alli huaquichingui: Familiacunahuan parlanacushpa” nishca videota ricushpa cai tapuicunata cutichi:

• ¿Huaquincunaca familiahuan Diosta adorangapaj jarcaicuna ricurijpica ima shinataj mishashcacuna?

• ¿Cada semana familiahuan Diosta adorashcamantaca ima bendicioncunatataj charishcacuna?

• ¿Familiahuan Diosta adorangapajca ima jarcaicunatataj charishcani? ¿Chai jarcaicunata mishangapajca imatataj rurai tucuni?