Ri ukabʼ carta xutzʼibʼaj ri Juan 1:1-13

  • Ri xubʼan ri Juan che umajixik ri u carta (1-3)

  • Kiya ta kan upatanexik ri Dios (4-6)

  • Chichajij iwibʼ chkiwach ri winaq ri kkibʼan engaño (7-11)

    • «Man kikʼulaj taj ni kichʼabʼej taj» (10, 11)

  • Kwaj keʼinwilaʼ iwach y kintaq bʼi i saludos (12, 13)

1  In waʼ ri tataʼ, kintaq bʼi wajun carta che ri chuchuʼ ri chaʼom y chke ri e ral. Sibʼalaj keʼinwaj, pero xaq xiw ta ri in xaneʼ xuqujeʼ keʼajawax kumal e juntir ri ketaʼmam ri qastzij chrij ri Dios. 2  Kixqaj rumal che qetaʼmam ri qastzij chrij ri Dios, qas opanaq pa qanimaʼ y kqaj taj kqaya kanoq. 3  Ri Dios ri Tataxel ri kʼo pa ri kaj, y ri Jesucristo ri Ukʼojol, kkikʼut na ri qastzij chqawach y kojkiloqʼoqʼej. Xuqujeʼ ri e areʼ kkikʼut na ri nimalaj utzilal chqe, kkitoqʼobʼisaj na qawach y kkiya na jororibʼal chqe. 4  Sibʼalaj xinkikotik are chiʼ xwetaʼmaj che e jujun chke ri awal amaqʼel kinimam ri qastzij ri ketaʼmam chrij ri Dios ri Tataxel. 5  Rumal laʼ chuchuʼ, kwaj kinbʼij chawe che chqaloqʼoqʼej bʼaʼ qibʼ chbʼil taq qibʼ. (Waʼ ri kintzʼibʼaj bʼi chawe are ta jun kʼakʼ taqanik, xaneʼ ojer chik yaʼom lo chqe). 6  Are waʼ ri rajawaxik kqabʼan che ukʼutik loqʼoqʼebʼal: kqanimaj ri kubʼij ri Dios. Junam rukʼ ri kubʼij ri taqanik ri itom lo ojer: amaqʼel chixloqʼoqʼenoq. 7  E kʼo kʼi winaq cho ri uwach ulew kkibʼan engañar e nikʼaj chik, ri winaq riʼ kkikoj taj che ri Jesucristo xkʼojiʼ cho ri uwach ulew junam ubʼanik rukʼ jun winaq. Xuqujeʼ ri winaq riʼ kkibʼan kikʼulel* che ri Cristo. 8  Chichajij iwibʼ rech kitzaq ta ri sibʼalaj oj chakunaq chrij, rech ri Dios kuya na juntir ri tewchibʼal ri kraj kuya na chiwe. 9  Ri winaq ri kukʼut ta ri qastzij chrij ri xukʼut kan ri Cristo y ri kuya kan unimaxik ri xubʼij ri Cristo, kqaj ta chuwach ri Dios. Pero ri winaq ri kuya ta kan unimaxik ri xubʼij kan ri Cristo, kqaj chuwach ri Tataxel y chuwach ri Kʼojolaxel. 10  We kopan jun winaq cho iwachoch y kukʼut ta ri qastzij chrij ri xukʼut kan ri Cristo, man kikʼulaj taj ni kichʼabʼej taj. 11  Rumal che ri kuchʼabʼej ri winaq ri’ xa utz kril ri’ ri itzelal kubʼano. 12  K’o k’i na kwaj kinbʼij chiwe, pero kwaj taj che xa cho jun wuj kintzʼibʼaj wi b’ik, xaneʼ kwaj keʼinwilaʼ iwach y kintzijon iwukʼ rech qas kixkikotik. 13  Ri e ral ri awatz* ri chaʼom, kkitaq bʼi a saludos.

Notas

^ Are ri kbʼix anticristo chke.
^ O «ri awachalal ixoq ri nabʼeʼal chawach».

Copyrights for this publication