Mateo 1:1-25
1 Cay libruga Jesucristupita* wilacun, payga Davidpa castanmi cargan y Davidna Abrahanpa castan cargan.
2 Abrahán cargan Isaacpa taytan.Isaacna Jacobpa taytany Jacobna cargan Judapa y wauguincunapa taytan.
3 Judapa y Tamarpa wamrancuna cargan Pérez y Zérah.Perezna cargan Hezronpa taytany Hezronna cargan Rampa taytan.
4 Ram cargan Aminadabpa taytan.Aminadabna Nahsonpa taytany Nahsón cargan Salmonpa taytan.
5 Salmonpa y Rahabpa wamran cargan Boaz.Boazpa y Rutpa wamranna Obedy Obed cargan Jesepa taytan.
6 Jesé cargan rey Davidpa taytan.
Davidna Salomonpa taytan (Salomonpa maman cargan Uriaspa warmin).
7 Salomón cargan Rehoboampa taytan.Rehoboamna Abiaspa taytany Abías cargan Asapa taytan.
8 Asá cargan Jehosafatpa taytan.Jehosafatna Jehorampa taytany Jehoram cargan Uziaspa taytan.
9 Uzías cargan Jotanpa taytan.Jotanna Acazpa taytany Acaz cargan Ezequiaspa taytan.
10 Ezequías cargan Manasespa taytan.Manasesna Amonpa taytany Amón cargan Josiaspa taytan.
11 Josías cargan Jeconiaspa y wauguincunapa taytan. Jeconiasga cawargan israelitacunata Babiloniaman apacärishgan wichan.
12 Israelitacuna Babiloniacho cashgan wichanmi Jeconiaspa wamran Sealtiel yurirgan,payga cargan Zorobabelpa taytan.
13 Zorobabel cargan Abiudpa taytan.Abiudna Eliaquimpa taytany Eliaquim cargan Azorpa taytan.
14 Azor cargan Sadocpa taytan.Sadocna Aquimpa taytany Aquim cargan Eliudpa taytan.
15 Eliud cargan Eleazarpa taytan.Eleazarna Mattanpa taytany Mattán Jacobpa taytan.
16 Jacobpa wamran cargan Mariapa runan José, Mariapa wamranmi cargan Jesús, paytami reguipäcoj Cristo nir.
17 Chauraga Abrahanpita David yurishgancama 14 miraj castacunami cargan. David cawashganpita israelitacunata Babiloniaman apacärishgan wichancama 14 miraj castacuna cargan y chaypita Cristupa tiempuncama 14 miraj castacuna cargan.
18 Caymi pasargan Jesucristo manaraj yuriptin. Maman María casaracunanpäna caycargan Josewan, ichanga manaraj casaracur Diospa poderninwan gueshyaj ricacurgan.
19 Josega* ali cajta ruraj runa carmi Mariata pengayman churayta mana munar pacaylapa raquicayta yarpargan.
20 Chayno yarpachacuycaptinmi Jehovapa* angelnin yuriparcur sueñuynincho cayno nirgan: “Davidpa castan José, Mariawan* casaracuyta ama manchacuychu, payga Diospa poderninwanmi gueshyajna* caycan.
21 Iti yuriptin jutinta churapanqui Jesús* nir, paymi marcanta salvanga y ima juchancunapitapis libranga”.
22 Chaynomi cashga profetanwan Jehová cayno nir wilacushgan cumplicänanpaj:
23 “¡Musyapäcuy! Runa mana yatashgan juc jipash gueshyaj ricacunga y itin yuriptin Emmanuel jutita churapäcunga”, cay jutiga “noganchiwan caycan Dios” ninanmi.
24 Chaypitana José riccharcamur Jehovapa angelnin mandashganta casucur Mariata wasinman apacurgan warmin cananpaj.
25 Ichanga José manami yataparganchu Mariata wawan yurinancama, y paymi Jesús jutita churapargan.
Ichic wilacuycuna
^ Caynopis ninman “Mesiasno reguishga Jesuspita”. Cristo y Mesías juticunaga ‘acrashga’ ninanmi.
^ Griego rimaycho nin “runan cash José”. Unay judiucunapa costumbrinchoga pipis comprometido caycajcunataga casarashgatanona ricapäcoj.
^ Escrituras Griegas Cristianas nishgancho, 237 cutipitaga caychomi puntata yurimun Diospa jutin Jehová.
^ Caynopis ninman “María warmiquita wasiquiman apacuyta ama manchacuychu”.
^ Caynopis ninman “chichu”.
^ Cay jutitaga hebreo rimaycho Jesúa o Josué nipäcun, y ‘Jehová salvacoj’ ninanmi.
