Pilada karasaras mengei kan. Duwehte Sises, doadoahngki soahng tikitik kan pwehn kawehwehda soahng laud kan, oh me mengei kan pwehn kawehwehda me apwal kan. Dehr kapatahiong oaritik kan me sohte anahn me pahn ihte kahrehiong karasaraso en apwal en wehwehki. Tehk mwahu pwe dahme mi nan omw karasaras en uhdahn kadoadoahk ong iren kasukuhl me ke padahngki pwe sounrongorong kan en dehr pingida pwehki ekei oaritik kan sohte pid ireo oh sohte wehwe.

Medewe dahme pahn mwahu ong sounrongorong kan. Pilada karasaras kan me pid dahme sounrongorong kan kin men ese oh kin wia. Kanahieng pwe omw karasaras kan en dehr kanamenekihala de kansensuwedihada irail.

Padahngki ire kesempwal. Medemedewe ken karasahda ire kesempwal kan, ahpw kaidehn oaritik kan me sohte kesempwal. Tehk mwahu pwe sounrongorong kan en tamataman kaidehn ihte karasaraso ahpw pil ire kesempwal en mehn kasukuhlo.