Hosea 3:1-5

  • Hosea tekem bak waef blo hem wea duim adultery (1-3)

  • Israel bae kam bak lo Jehovah (4, 5)

3  Then Jehovah sei lo mi: “Iu go and lovem moa datfala woman wea nara man lovem and wea hem duim adultery,+ olsem Jehovah hem lovem pipol blo Israel+ nomata olketa tane go lo olketa nara god+ and laekem tumas olketa raisin cake.”* 2  So mi baem hem lo 15-fala silver shekel* and 195 kilo* blo barley. 3  Then mi sei lo hem: “Iu bae stap witim mi for staka day. Iu mas no duim wei blo iu for prostitute,* and iu mas no duim sex witim nara man, and mi tu bae no duim sex witim iu.” 4  Diswan hem bikos for longtaem* pipol blo Israel bae no garem eni king,+ eni leader, no offerim eni sakrifaes, no garem eni ston post for worshipim, no garem eni ephod*+ and olketa teraphim statue.*+ 5  Bihaen, pipol blo Israel bae kam bak and lukaotem Jehovah, God blo olketa,+ and David, king blo olketa.+ Lo last part blo olketa day,+ olketa bae kam lo Jehovah bikos olketa fraet lo hem and olketa laek for kasem blessing from hem.

Olketa footnote

^ Diswan hem cake wea olketa wakem from grape wea olketa draem, and olketa iusim lo false worship.
^ Wanfala shekel equals 11.4 g. Lukim App. B14.
^ Lit., “wan and haf homer.” Wanfala homer equals 220 L (200 drae qt). Lukim App. B14.
^ Or, “olobaot (jury).”
^ Or, “olketa god blo famili; olketa idol.” Lukim “Teraphim” lo Dictionary.
^ Lukim “Ephod” lo Dictionary.
^ Lit., “staka day.”

Copyrights for disfala pablikeson