Wan doa waut schlemmet passieet ooda eena en Noot es, kaun eenem daut opp gaunz veschiedne Wäaj krank moaken.

• Schwierichkjeiten em Läwen kjennen eenem sea leicht äwafoddren. Je lenja sikj eena äwafoddat feelt, je foakna kaun eena krank woaren.

• Bie eene wiet vespreede Krankheit, Owwadasch ooda soowaut, kjennen de Hospitäla nich aulem goot bedeenen, un doa es foaken uk nich jenuach Medizien.

• En soone schlemme Loagen es daut schwanda, daut needichste to kjeepen, soo aus Medizien un jesundet Äten.

• Wan eena eene schlemme Krankheit haft ooda eena sikj äwafoddat feelt, kaun eena foaken Sachen nich rajcht beuadeelen. Dan sorcht eena nich soo goot fa siene ieejne Jesuntheit. Doaderch woat eena bloos noch kranka.

• Wan eena nuscht met siene Krankheit deit, woat daut bloos emma oaja un eena sat mau rajcht sien Läwen opp Spell.

• Wan eena jesunt es, moakt eena bätre Entscheidungen, wan rom eenem uk aules dral es.

• Endoont aus du oam ooda rikj best, du kaust opp diene Jesuntheit achten.

Een weisa Mensch sitt de Jefoa komen un deit waut, wan daut mäajlich es, om dee väatobieejen. Un soo es daut uk met de Jesuntheit. Foaken kaun eena Krankheiten väabieejen ooda woo schlemm dee woaren, wan eena renlich es. Daut es bäta jesunt to bliewen, aus to doktren.

“Wie hoolen ons selfst uk ons Tus rein, un daut spoat ons een deel Jelt, wiels wie nich soo foaken doktren motten” (Andreas). *