Skip zu vass drinn is

Hott Gott en Nohma?

Hott Gott en Nohma?

Vass di Bivvel sawkt

Mensha henn awl iahra ayknah nohma. Dayt’s nett yusht sense macha es Gott aw en nohma hett? Ebbah sei nohma vissa un yoosa is en importand part funn en friend sei. Sett’s ennich diffand sei vann’s kumd zu Gott sei friend sei?

In di Bivvel Gott sawkt: “Ich binn Jehova; sell is mei nohma.” ( Jesoiya 42:8 NWT ) Gott hott feel diffandi titles, so vi “Awlmechtich Gott,” “Alli-Haychsht,” un “Hah.” Avvah eah hayst awl selli es een deena fa sei personal nohma yoosa.​—1 Mosi 17:1; Psalm 91:9; Apostelgeschichte 4:⁠24. Feel Bivla yoosa Gott sei nohma an 2 Mosi 6:3.

Sell sawkt: “Un ich habb mich gvissa zumm Abraham, zumm Isaac un zumm Jakob es da Awlmechtich Gott. Avvah bei meim nohma, ‘[Jehovah KJV ],’ havvich mich nett vissa glost zu eena.”

Jehova is ay vayk fa Gott sei nohma sawwa in Deitsh. Samm leit gleicha Yahweh, avvah’s mensht leit sawwa Jehova. ’S eahsht part funn di Bivvel voah kshrivva in Hebrew, en language es glaysa vatt funn rechts zu lings. In Hebrew is Gott sei nohma fiah consonants es gukka vi dess, יהוה. Selli fiah Hebrew letters sinn’s saym es di letters YHWH un sinn da Tetragrammaton kaysa.