Ohdenkes Funn da Jesus Sei Doht
Moondawk, March 22, 2027
Ay moll’s yoah, henn Jehova Sei Witnesses en ohdenkes funn da Jesus sei doht, yusht vi eah ksawt hott fa du: “Doond dess fa en ohdenkes funn miah.”—Lukas 22:19.
Miah haysa dich un dei family fa kumma.
Questions es Leit Oft Frohwa
Veah dauf kumma?
Ennich ebbah dauf kumma. Du kansht dei family un friends mitt bringa.
Vi lang zayld’s laesta?
Es zayld baut en shtund lang sei.
Vo zayld’s sei?
Frohk ayns funn Jehova Sei Witnesses vo’s sei zayld in dei area.
Kosht’s ennich ebbes fa kumma adda binn ich ekshpekt fa viddah kumma?
Nay.
Zayld ennich ebbah kfrohkt vadda fa geld gevva?
Nay. Jehova Sei Witnesses doon nee nett frohwa fa geld an iahra fasamlinga.—Matthäus 10:8.
Muss ma en sirtendah vayk dressa?
Nay. Avvah, Jehova Sei Witnesses boviahra du vass di Bivvel sawkt bei shay un respectful dressa.
Vass zayld haebna an’s Ohdenkes?
Es zayld en talk gevva sei es shvetzt veyyich vi importand es da Jesus sei doht is, un vi miah bennafida kenna funn vass Gott un da Jesus gedu henn fa uns. Di fasamling shteaht un end mitt en song un en gebayt.
Fa may ausfinna, lays da article “Favass Doon Jehova Sei Witnesses ’s Nachtmohl Diffand Halda es Anri Gmayna?”
Vann zayld’s Ohdenkes sei di nekshti poah yoah?
2027: Moondawk, March 22
2028: Sundawk, April 9
2029: Dunnahshdawk, March 29
Du Mechsht aw Dess Gleicha
OHDENKES
Denket An Jesus Sei Doht
Miah vella geahn havva es du datt veahsht mitt uns fa dee important zeit. Du zaylsht lanna vi da Jesus sei layva un sei doht dich benefidda kann.
IMPORTANDI BIVVEL TEACHINGS
Favass Is da Jesus Kshtauva?
Fleicht hosht shund keaht es eah kshtauva is fa unsah sinda. Avvah kend ay sacrifice millions funn leit benefidda?
VEYYICH UNS
Kumm zu en Fasamling
Finn aus veyyich unsah fasamlinga. Finn en fasamling blatz nayksht bei dich.