Hesus Su Sirbishi Riba Tera
E seri di vidio emoshonante akí ta yuda nos siña mas kos tokante Hesukristu, kende ta Yu di Dios i Salbador di humanidat.
Un bista general di e episodionan di Hesus Su Sirbishi Riba Tera
Wak kon e Evangelionan ta haña bida den e seri di vidio emoshonante akí tokante e bida di Hesukristu.
Episodio 1: E Berdadero Lus pa Mundu
Kon humanidat por ser librá di piká i morto ku Ádam a introdusí? E Mesías ta e úniko speransa pa humanidat.
Episodio 2: “Esaki Ta Mi Yu”
Huan Boutista a prepará e kaminda pa e Mesías. Wak e susesonan asombroso na kuminsamentu di Hesus su sirbishi riba tera!
Episodio 3: “Ta E Ta Papiando ku Bo”
Hesus a revelá na Nikodemo, na un señora samaritano i na algun hende di Názarèt ku ta e ta e Mesías. Ta solamente un grupo chikitu di hende a asept’é komo e Mesías. Despues ku Hesus a hasi un milager impreshonante, el a invitá algun piskadó humilde pa bira su siguidó.
Episodio 4: “Ta pa e motibu ei mi a bini”
Hesus a demostrá ku e tin poder pa kura hende i saka demoño. Pero, algun hende tabata oponé su trabou i a traha kòmplòt pa mat’é. Ademas, Hesus a demostrá kompashon i a prediká i siña e hendenan na un manera sobresaliente. El a skohe 12 apostel.
Episodio 5: ‘E manera ku e tabata siña hende a laga nan keda babuká’
Despues ku Hesus a kura un multitut grandi di hende, el a kuminsá siña hende na un manera ku e lidernan religioso nunka a yega di hasi. Hesus su outoridat i su ilustrashonnan ku ta presentá situashon ku ta pasa den bida di tur dia a laga e hendenan keda babuká.
Episodio 6: “Ta abo ta e persona ku mester bini?”
Hesus ta mustra ku e tin poder pa lanta morto. E milagernan ku e ta hasi i e siñansanan profundo ku e ta duna ta saka na kla kiko ta motivashon di e hendenan ku ta skuch’é. Hesus ta usa ilustrashon pa splika vários kos tokante e Reino.
Trailer di e seri di vidio: Hesus su sirbishi riba tera
Wak e trailer di e seri di vidio emoshonante akí ku ta laga e Evangelionan haña bida.
