ʼATA 6
“ʼE Ko Koe Koa ʼAe ʼe Tonu Ke Haʼu?”
(Loaloaga: 50:35)
Neʼe fakatuʼuʼake e Sesu te tama ʼa te fafine vituʼa, mo fakaʼaogaʼi he ʼu lea fakatata ʼe faigafua ʼi tana faiakonaki, mo fakaha te ʼu meʼa ʼae ʼe ʼi te loto ʼo natou ʼae ʼe fakagono ki ʼana palalau. ʼE maʼu ʼi te ʼata te ʼu fakamatala ʼaeni:
Te tui ʼa te pule solia (Luka 7:1-10; Mateo 8:5-13)
ʼE fakatuʼuʼake e Sesu te tama ʼa te fafine vituʼa ʼi Naini (Luka 7:11-17)
ʼE fehuʼi e Soane Patita pe ko ia “ʼAe ʼe Tonu Ke Haʼu” (Luka 7:18-23; Mateo 11:2-6)
ʼE vikiʼi e Sesu ia Soane Patita (Luka 7:24-30; Mateo 11:7-15)
He taʼiake fakaʼaoʼaoganoa (Mateo 11:16-19; Luka 7:31-35)
Tautea ʼo Kolasini, mo Petesaita, mo Kapenaume (Mateo 11:20-24)
ʼE vikiʼi e Sesu tana Tamai ʼi tana fakamaʼuhigaʼi te kau agavaivai (Mateo 11:25-27)
Ko te ʼakau ʼamo ʼa Sesu ʼe fakalotofimalie (Mateo 11:28-30)
ʼE takai lolo e te fafine agahala te ʼu vaʼe ʼo Sesu ʼaki he lolo magoni (Luka 7:36-50)
Te ʼu fafine ʼae neʼe kauga olo fakatahi mo Sesu (Luka 8:1-3)
ʼE kapu te ʼu tomonio ʼaki te laumalie maʼoniʼoni, kae mole ʼaki ia Pelesepu (Mateo 12:22-30; Maleko 3:19b, 20)
Te agahala ʼae ʼe mole feala ke fakamolemole (Mateo 12:31, 32; Maleko 3:22-30)
ʼE iloʼi te ʼu fuʼu ʼakau ʼi ʼonatou fua (Mateo 12:33-37)
Te fakaʼiloga ʼo Sonasi (Mateo 12:38-42)
Te toe liliu mai ʼo te laumalie kovi (Mateo 12:43-45)
Te faʼe ʼa Sesu pea mo ʼona tehina (Mateo 12:46-50; Maleko 3:21, 31-35; Luka 8:19-21)
ʼE faiakonaki ia Sesu mai he vaka ki te hahaʼi kaugamalie (Mateo 13:1, 2; Maleko 4:1, 2; Luka 8:4)
Ko te ʼu pulapula ʼae ʼe nunusi ki te ʼu kele kehekehe ʼe fa (Mateo 13:3-9; Maleko 4:3-9; Luka 8:5-8)
Te tupuʼaga ʼo te fakaʼaogaʼi e Sesu te ʼu lea fakatata (Mateo 13:10-17; Maleko 4:10-13; Luka 8:9, 10)
Te fakamahino ʼo te lea fakatata ʼo te tagata nunusi pulapula (Mateo 13:18-23; Maleko 4:14-29; Luka 8:11-18)
Te fulumeto pea mo te vao kovi (Mateo 13:24-30)
Te tegaʼi sinapi pea mo te meʼa fakatupu (Mateo 13:31-33; Maleko 4:30-32)
ʼE fakaʼaogaʼi e Sesu te ʼu lea fakatata ʼo ina fakahoko ai te ʼu lea fakapolofeta (Mateo 13:34, 35; Maleko 4:33, 34)
Fakamahino ʼo te lea fakatata ʼo ʼuhiga mo te fulumeto pea mo te vao kovi (Mateo 13:36-43)
Te koloa ʼae neʼe fufu pea mo te mataʼi tofe maʼuhiga ʼaupito (Mateo 13:44-46)
Te kupega (Mateo 13:47-50)
Ko te tagata faiako ʼe ina toʼo mai tona koloa, te ʼu meʼa foʼou pea mo ʼae ʼe ʼafeā (Mateo 13:51-53)
