ʼATA 4
“Ko Te Tupuʼaga ʼAia ʼo Taku Haʼu”
(Loaloaga: 54:56)
ʼE fakamalolo e Sesu te kau mahaki, mo kapu te ʼu temonio, mo fai ni tisipulo, pea mo filifili ʼana kau apositolo ʼe 12. ʼE maʼu ʼi te ʼata te ʼu fakamatala ʼaeni:
ʼE faiakonaki ia Sesu ʼi te sinakoka ʼi Kapenaume; mo kapu he laumalie kovi (Maleko 1:21-29; Luka 4:31-37)
ʼE fakamalolo e Sesu ia te faʼe ʼo te ʼohoana ʼo Petelo (Luka 4:38, 39; Mateo 8:14, 15; Maleko 1:30, 31)
ʼE fakamalolo e Sesu te tokolahi (Luka 4:40, 41; Mateo 8:16, 17; Maleko 1:32-34)
ʼE faikole ia Sesu ʼi he koga meʼa lavaki (Maleko 1:35-38; Luka 4:42, 43)
ʼE faifakamafola ia Sesu, mo faiakonaki pea mo fakamalolo te hahaʼi (Mateo 4:23-25; Maleko 1:39)
ʼE fakamalolo e Sesu he tagata kilia (Maleko 1:40-45; Mateo 8:1-4; Luka 5:12-15)
ʼE kumi e Sesu he koga meʼa lavaki ke faikole ai (Luka 5:16)
ʼE fakamolemole e Sesu te ʼu agahala ʼa te tagata palalisia pea mo fakamalolo ia ia (Maleko 2:1-12; Mateo 9:1-8; Luka 5:17-26)
Neʼe fakaafe e Sesu ia Mateo ke liliu ko hana tisipulo (Maleko 2:13, 14; Mateo 9:9; Luka 5:27-28)
ʼE kai fakatahi ia Sesu mo te kau tanaki tukuhau ʼi te ʼapi ʼo Mateo (Maleko 2:15-17; Mateo 9:10-13; Luka 5:29-32)
Te fehuʼi ʼo ʼuhiga mo te sesunio (Mateo 9:14-17; Luka 5:33-39; Maleko 2:18-22)
ʼE faifakamafola ia Sesu ʼi te sinakoka ʼi Kalilea (Luka 4:44)
ʼE fakamalolo e Sesu he tagata ʼi te Sapato ʼi te maʼanuʼaga ʼo Peteseta (Soane 5:1-9)
ʼE fakafeagai te kau Sutea ki te tagata ʼae neʼe fakamalolo (Soane 5:10-13)
ʼE toe felaveʼi ia Sesu mo te tagata ʼae neʼe ina fakamalolo (Soane 5:14, 15)
ʼE palalau ia Sesu ʼo ʼuhiga mo te pule ʼae neʼe tuku age e tana Tamai (Soane 5:16-24)
ʼE logo anai ia natou ʼae kua mamate ki te leʼo ʼo Sesu pea toe tuʼuʼake ki te maʼuli (Soane 5:25-27)
ʼE toe fakatuʼuʼake anai ki te maʼuli ia natou ʼae ʼe ʼi te ʼu fale maka (Soane 5:28-30)
Soane Papita, te ʼu gaue ʼa Sesu, te Tamai, pea mo te ʼu vaega Tohi-Tapu ʼae ʼe fakamoʼoni ʼo ʼuhiga mo Sesu (Soane 5:31-47)
Ko Sesu, ko te “Aliki ʼo te Sapato” (Maleko 2:23-28; Mateo 12:1-8; Luka 6:1-5)
ʼE fakamalolo e Sesu ia te tagata maʼimoa ʼi te ʼaho ʼo te Sapato (Luka 6:6-11; Mateo 12:9-14; Maleko 3:1-6)
He toe hahaʼi kaugamalie ʼi te mata tai; ko Sesu te tagata faifekau ʼofaina ʼa te ʼAtua, ko te tokolahi neʼe fakamalolo (Maleko 3:7-12; Mateo 12:15-21)
Neʼe filifili te toko 12 kau apositolo (Luka 6:12-16; Maleko 3:13-19a)
