Te Logo Lelei ʼa Sesu—Te ʼu ʼAta
TE ʼU ʼATA
ʼAta Fakahaha
ʼE Maʼu Ia Lea e 500 Tupu
Ko te ʼu ʼata ʼaeni moʼo tokoni ki te hahaʼi ke natou iloʼi te ʼu akonaki ʼa Sesu ʼi tanatou lea
ʼE Fakatafito Ki Te Tohi-Tapu
Neʼe toʼo mai te ʼu palalau mai te ʼu Evaselio ʼo Mateo, mo Maleko, mo Luka pea mo Soane
Te ʼu Fekumi
ʼI muʼa ʼo te fai ʼo te ʼu ʼata, neʼe fai muʼa ni fekumi lolotoga ni taʼu, ke totonu mo moʼoni te ʼu ʼata
Te ʼu ʼAta
ʼE ʼi ai te ʼu ʼata maʼa te kau kivi peʼe ko natou ʼae kua kovi tanatou sio.
ʼATA 1
Neʼe maʼu e Sosefo mo Malia te pilivilesio ʼae ke na pusiʼaki ia Sesu, ko he fanau neʼe mole hage ko te ʼu fanau fuli ʼae.
ʼATA 2
Neʼe tala e Soane Patita te haʼu ʼa te Mesia. ʼE kamata e Sesu tana minisitelio.
ʼATA 3
Neʼe faipalalau ia Sesu pea mo Nikotemo, mo te fafine Samalitana pea mo te hahaʼi ʼo Nasaleti, kae neʼe mole natou tali leleiʼi fuli tana faifakamafola.
ʼATA 4
Neʼe fakamalolo e Sesu te kau mahaki, mo kapu te ʼu temonio, mo fai ni tisipulo pea mo filifili ʼana kau ʼapositolo ʼe toko 12.
ʼATA 5
Hili pe tana fakamalolo te toe hahaʼi kaugamalie, neʼe fai leva e Sesu tana Akonki ʼi Te Moʼuga. Neʼe ko he akonaki maʼuhiga.
ʼATA 6
Neʼe toe fakamaʼuli e Sesu ia te tama ʼa te fafine vituʼa, mo fakaʼaogaʼi he ʼu faʼifaʼitaki ʼi tana faiakonaki, pea mo fakaha te ʼu meʼa ʼae ʼi te loto ʼo te hahaʼi ʼae ʼe fagono ki ʼana palalau.
He Tahi ʼu ʼAta
ʼI te taʼu fuli, ʼe toe maʼu anai he tahi atu ʼu ʼata, ʼo kaku ʼosi ki te katoa ʼo te ʼu ʼata ʼe 18. ʼE toe maʼu anai he tahi ʼata foʼou ʼi te mahina ʼo Maio 2027.
He Koʼe ʼe ʼAoga Te ʼu Akonaki ʼa Sesu Ke Lelei Age Totatou Maʼuli?
ʼE fiafia te kau Fakamoʼoni ʼa Sehova ʼi te tokoni atu ke ke iloʼi ia Sesu pea mo fakaʼaogaʼi ʼana tokoni ke ke maʼuli fiafia. Alu ki tamatou tuʼasila ʼi te Neti jw.org, ke ke maʼu ai he tahi atu ʼu fakamahino pea mo ke ʼahiʼahi tamatou ʼako Tapu ʼi te Neti.
Te Tahi ʼu Manatu
TE ʼU TALI KI TE ʼU FEHUʼI FAKATOHI-TAPU
Te Moʼoni ʼo ʼUhiga Mo Sesu
Kumi ʼi te Folafola ʼa te ʼAtua ia te ʼu tali ki te ʼu fehuʼi ʼo ʼuhiga mo Sesu.
TE ʼU TALI KI TE ’U FEHU’I FAKATOHI-TAPU
He Koʼe ʼe Ui Ko Sesu ʼe Ko Te ʼAlo ʼo Te ʼAtua?
Kapau la neʼe mole tupu mai ia Sesu mai te ʼAtua ʼo hage ko te tutupu ʼa te ʼu fanau fuli, neʼe feafeaʼi ia Sesu te ʼAlo ʼo te ʼAtua?
TE ʼU TALI KI TE ’U FEHU’I FAKATOHI-TAPU
ʼE Ha Koa ʼi Te ʼu Lea Fakapolofeta Ko Sesu Neʼe Ko Te Mesia?
ʼE feala koa ki ni hahaʼi kehekehe ke natou fakahoko ia te ʼu lea fakapolofeta ʼae neʼe fai ʼo ʼuhiga mo te Mesia?
AKONAKI TAFITO ʼO TE TOHI-TAPU
He Koʼe Neʼe Mate Ia Sesu?
ʼE fakaha ʼi te Tohi-Tapu te maʼuhiga ʼaupito ʼo te mate ʼa Sesu. Neʼe kotea te fakatuʼutuʼu ʼo tana mate?