Wulu kɔ nuhua edwɛkɛ ne azo

Boni A Baebolo Ne Ka Ye Wɔ Nlanwonvoninli Nwo A? Asoo Yintanɛte Zo Nla Ɛnle Kpalɛ?

Boni A Baebolo Ne Ka Ye Wɔ Nlanwonvoninli Nwo A? Asoo Yintanɛte Zo Nla Ɛnle Kpalɛ?

Baebolo ne bua kɛ

Baebolo ne ɛnga nlanwonvoninli, yintanɛte zo nla anzɛɛ ninyɛne mɔɔ le kɛ ɛhye mɔ la anwo edwɛkɛ fɔɔnwo. Noko akee, Baebolo ne ka kɛzi Nyamenle te nganeɛ wɔ nyɛleɛ mɔɔ maa bɛnyia nla nwo nganeɛdelɛ bɛmaa awie mɔɔ ɔnle bɛ hu anzɛɛ bɛ ye anzɛɛ nla nwo adwenle mɔɔ ɛnfɛta la anwo. Suzu Baebolo ngyehyɛnu ɛhye mɔ anwo:

  • “Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane.” (Kɔlɔsaema 3:5) Nlanwonvoninli ɛnleanlɛ ɛngu atiakunluwɔzo ɛtane emomu ɔmaa ɔyɛ kpole. Ɔmaa awie anwo gua evinli wɔ Nyamenle anye zo.

  • “Saa nrenya nea raalɛ maa ɔ nwo dɔ ye a ɛnee yeva ye wɔ ye ahonle nu.” (Mateyu 5:28) Nla nwo nvoninli maa awie nyia atiakunluwɔzo ɛtane na ɔmaa ɔfa ɔ nwo ɔwula nyɛleɛ mɔɔ ɛnle kpalɛ la anu.

  • “Bɛye adwɔmanebɔlɛ anzɛɛ nyɛleɛ ɛtane ɛtane anzɛɛ anyebolo wɔ bɛ nu bɔkɔɔ.” (Ɛfɛsɛsema 5:3) Ɔnle kɛ yɛnea anzɛɛ yɛkenga nla nwo edwɛkɛ anzɛɛ yɛka nwolɛ edwɛkɛ bɔbɔ kɛ yɛfa yɛalielie yɛ nye.

  • “Sonla su ne gyima mɔɔ di la da ali wienyi. Bɛmɛ a le adwɔmane, ɛbɛla mgbane mgbane mɔɔ anwo ɛnde la ɛbɔlɛ, . . . nee ninyɛne mɔɔ le zɛhae mɔ la. Meha mehile bɛ dɛba, na eza mekakye bɛ bieko kɛ bɛdabɛ mɔɔ bɛyɛ ninyɛne ɛhye mɔ la ɛnrɛnwu Nyamenle Belemgbunlililɛ ne.” (Galeehyeama 5:19-21) Nyamenle bu menli mɔɔ fa bɛ nwo wula nlanwonvoninli ɛnleanlɛ nu anzɛɛ yintanɛte zo nla, fonu zo nla nee nla nwo edwɛkɛ mɔɔ bɛfa bɛnwa fonu zo la kɛ bɛ nwo ɛnde. Saa yɛkɔ zo yɛyɛ ninyɛne ɛhye mɔ bie a, yɛnrɛnyia Nyamenle anyunlu ɛlolɛ fee.