Phetolo ya Bhayibele

 Ga Polabolo yage ya gore yi tlwayelegiye ya hala Thabeng, Jeso o yitseri: ‘le kwane le manaba ya lune.’ (Matewu 5:44; Luka 6:27, 35) Mantsu yage ne ma rela gore di nyaka re kwane le manaba ya rune kela bo ba gore a ba re tshware gabutši.

 Jeso o šupetsiye gore o kwana le manaba yage ka gore o yye a ma tshwarela le mo ne ma sa mo tshware gabutši. (Luka 23:33, 34) Tso ne a di tšhutisa tsa gore di nyaka re kwane le manaba ya rune, di yelana le tso di leng ga Mangwalo ya Seheberu ya gore ma bitsiwa Testamente ya Kgale.—Eksoda 23:4, 5; Diyema 24:17; 25:21.

 “Ariyeneng mahlong le kwana le manaba ya lune fote le rapelela bo ba le hlorisang.”—Matewu 5:43, 44.

Ga hlogotaba yowa

•  Ke ntaba di nyaka o kwane le manaba yago?

•  O ka kwana le manaba yago ka mokgo mang?

•  Ayitsano di nyaka o ye ntweng we lwa le manaba yago?

•  Matsaka ya ba ma hlayang ga taba ya gore o kwane le manaba yago

•  Ditemanyana tsa Bhayibele tsa gore di bolabola ka gore di nyaka o kwane le manaba yago

 Ke ntaba di nyaka o kwane le manaba yago?

•   Modimo o re beyela mošupetso. Modimo “o lukiye ga bo ba gore a ba leboge le ba dipelo tse di phifadu.” (Luka 6:35) O maka gore ‘letšatši lage le hlabele batho. . . .  ba go sa loka.’—Matewu 5:45.

•   Mo re kwana le manaba ya rune di nyoko maka gore ma tšhentšhe. Bhayibele yi re hlohletsela gore re tshware manaba ya rune gabutši, mo re maka ka mokgonone re “ko ba re kgobaketsa magala ya go fisa ho hlogong yage.” (Diyema 25:22) Mošupetso wowa wa go tshwanisela wo rela taba ya go tšhuba kela go ntsha tshipi ya gore yi tseyediwa gedimo. Mo re tshwara motho wa gore o re hloyye gabutši, tsotsone di nyoko maka gore a phohle ke mokane a make tsa gabutši.

 O ka kwana le manaba yago ka mokgo mang?

•   “Le bo ba le hloyyeng le ba makele tsa gabutši.” (Luka 6:27) Bhayibele yi re “Mo lenaba lago le kwa tlala, o le neye tsa go ja, mo le wonngwe o le neye sa go nwa”. (Maroma 12:20) O nyoko kraya tse dingwana tsa go šupetsa gore o kwana le manaba yago mo wo berekisa Molawo wa gholdi, wa gore: “tso le nyakang batho ba le maka tsona, le lune le ba make tsona.”—Luka 6:31.

•   “Bo ba le rogelelang le bolabole gabutši ka bona.” (Luka 6:28) Re bolabola gabutši le bo ba re hloyyeng, le mo bona ba sa bolabole gabutši le rune. Bhayibele yi re: ‘Mo ba le maka tsa go befa . . . lune le sa busetse. Le fo ba makela tsa gabutši.’ (1 Petro 3:9) Mayele yawa ma ka re gelepa gore re hlule mekgwa ya go hloyanana.

•   “Le rapeleleneng bo ba sa le tshwareng gabutši.” (Luka 6:28) Mo motho a sa go tshware gabutši ‘o sa busetse.’ (Maroma 12:17) Mara, kgopela Modimo gore a mo tshwarele. (Luka 23:34; Mebereko 7:59, 60) Go na le gore o patedise di šiyele Modimo, gore a lukise bothatha byone ka nako yo a yi beyyeng ya gabutši.—Lifitiko 19:18; Maroma 12:19.

 “Ariyeneng mahlong le kwana le manaba ya lune, le bo ba le hloyyeng le ba makele tsa gabutši, bo ba le rogelelang le bolabole gabutši ka bona, le rapeleleneng bo ba sa le tshwareng gabutši.”—Luka 6:27, 28.

•   O ‘lefise pelo fote o makele ba bangwana dilo tsa gabutši.’ (1 Makorente 13:4) Ga polabolo yage ya gore ne a bolabola ka go nyakanana, Pawulo wa Lepostola wa gore ke Mokreste o berekisiye lentsu la Segerika la (a·gaʹpe) la gore le krayega ga mantsu ya ma leng ga Matewu 5:44; le Luka 6:27, 35. Re šupetsa gore re Makreste ka go kwana le manaba ya rune ka go ma lefisela pelo fote re ma makela dilo tsa gabutši, re sa be le jelase, magetla kela go sa ma tshware gabutši.

 “Motho wa go nyaka batho ba bangwana ka matla, o lefiselana pelo fote o makela ba bangwana dilo tsa gabutši. Motho wa go nyaka ba bangwana ka matla aa jelaselane. Aa kganye, aa na magetla, aa make tsa go tšebisa, o maka tsa go jabodisa ba bangwana, aa yakgoswe a toba fote aa tshware ba bangwana ka pelo. Fote aa jabodisi ke dilo tsa go sa loka, mara o jabolela nnete. Motho wa gore o nyaka ba bangwana ka matla, o tiyisela ga dilo ka mokana ga tsona, o tshepa dilo ka mokana ga tsona, wa di dumela gore di nyoko makega fote aa lahle tewu.”—1 Makorente 13:4-8.

 Ayitsano di nyaka o ye ntweng we lwa le manaba yago?

 Awwa, Jeso o tšhutisiye malata yage gore ma sa lwe le manaba ya wona. Mo re beyisa , mo a ba pasopisa ka taba ya gore Jerusalema ne yi nyoko kutulugela ke manaba, aa ba botsa gore ba lwe nawo mara o yitseri ba tšwe ba tšhabe. (Luka 21:20, 21) Jeso fote o butsiye Petro wa lepostola a re: “Busetsa sabola yone yago mo yi dulang, ka taba la gore ye a berekisang sabola, o nyoko bolayiwa ka yona.” (Matewu 26:52) Tso di makegiyeng botala le tsa ka ho Bhayibeleng di šupetsa gore malata ya Jeso a sanka ma ya ntweng le manaba ya wona ku botala. a—2 Thimothi 2:24.

 Matsaka ya ba ma hlayang ga taba ya gore o kwane le manaba yago

 Matsaka: Molawo wa Modimo ne wo nyaka Maisrayele gore ma hloye manaba ya bona.

 Matsaka: Go kwana le manaba yago di rela go dumelelana le dilo tsa go kekema tso ma di makang.

 Nnete: Bhayibele yi šupetsa gore o ka kwana le motho mara o sa kwane le tsa go kekema tso a di makang. Mo re beyisa, Jeso o yye a rapelela bo ne ba mo maka lešidi nakwela ba mmolaya. (Luka 23:34) Fote ke mo a hloyye batho ba go sa loka kela ba go sinya mara o neyele ka lephelo lage ga batho ba go sinya.—Johane 3:16; Maroma 6:23.