Phetolo ya Bhayibele

 Awwa. Bhayibele yi hlaya gabutši gore Modimo o makiye batho le “mehlobohlobo” ya go sa tshwane ya diphoolwane le dimilane. a (Genesi 1:12, 21, 25, 27; Kutullo 4:11) Yi re batho ka mokana ga bona ba tšwa ga babelegi ba rune ba mathomo, Adamo le Efa. (Genesi 3:20; 4:1) Bhayibele a yi yeme le taba ya gore Modimo o makiye gore dilo di tikutulugele gore a thogo maka mehlobohlobo ya dilo tsa go phela. Taba ke gore a se šiyo ka ho Bhayibeleng sa gore se phigisana le tso di nyakolliyeng ke bo ba sayense, tsa gore ga mohlobo wo mongwana le wo mongwana wa dilo tsa go phela go na le tsa gore a di tshwane.

•  Ayitsano Modimo o makiye gore dilo di kutuluge?

•  Ayitsano taba ya gore dilo di f’lo kutuluga yi sipidisana le tso Bhayibele yi di hlayang?

•  Dimilane le diphoolwane di kgona go tšhentšha gore di thogo phela ga seyemo so di leng ga sona, ayitsano tsotsone di ra gore di f’lo kutuluga?

 Ayitsano Modimo o makiye gore dilo di kutuluge?

 Batho ba go dumela gore Modimo o makiye gore dilo di kutuluge gore a thogo maka mehlobohlobo ya dilo tsa go phela, ba na le menagano ya go sa tshwane ga taba ya gore Modimo a ka ba a di makiye byang tsotsone. Encyclopædia Britannica yi re batho ba bangwana ba dumela gore “taba yo ya go kutuluga ke se sengwana so Modimo a se berekisang mo a maka dilo tsa go phela.”

 Batho ba go dumela gore Modimo o makiye gore dilo di kutuluge gore a thogo maka mehlobohlobo ya dilo tsa go phela ba dumela le gore:

•   Dilo ka mokana ga tsona tsa go phela di tšwa ga selo ka ssoši sa gore ne se le gona ku botala.

•   Mohlobo wo mongwana wa dilo tsa go phela wo ka tšhentšha gwa ba mohlobo wo mongwana wa go sa tshwane.

•   Modimo ke yene a makang gore dilo di tšhentšha-tšhentšhe ka mokgo.

 Ayitsano taba ya gore dilo di f’lo kutuluga yi sipidisana le tso Bhayibele yi di hlayang?

 Tso di hlayang ke batho ba go dumela gore Modimo o makiye gore dilo di kutuluge, di ra gore tso Bhayibele yi di hlayang ga Genesi a di nape di korola. Mara Jeso o yye a bolabola ka tso di leng ga Genesi go šupetsa gore ka nnete di makegiye ku botala. (Genesi 1:26, 27; 2:18-24; Matewu 19:4-6) Bhayibele yi re nakwela Jeso a soko tla ho lefaseng, ne a dula le Modimo ku legedimong fote o yye a gelepa Modimo gore ba make dilo “ka mokana ga tsona.” (Johane 1:3) Byalo, taba ya gore Modimo o makiye gore dilo di kutuluge gore a thogo maka mehlobohlobo ya dilo tsa go phela, a yi sipidisane le tso Bhayibele yi di tšhutisang.

 Dimilane le diphoolwane di kgona go tšhentšha gore di thogo phela ga seyemo so di leng ga sona, ayitsano tsotsone di ra gore di f’lo kutuluga?

 Bhayibele a yi hlaye gore ga mohlobo ka wwoši wa dilo, go ka ba le dilo tsa mošana mang tsa mohlobohlobo. Fote a yi phigisi taba ya gore dimilane le diphoolwane tso Modimo a di makiyeng tsa mohlobohlobo, di ka fapana mo di kene di belegana kela mo di le ga poleke ye nngwana. Batho ba bangwana ba tseya gore mo dilo di makega ka mokgonone di ya kutuluga, mara gabutšibutši a go be le dilo tsa go phela tsa mohlobo wo mongwana wa nyuwane.