TŠHUTISO 5
Mara Modimo o Tikemisele Ying ka Lefase lo?
1. Ke ntaba Modimo a makiye lefase?
Jehova o neyye batho lefase. Ke gaye ga rune. So se ra gore batho ba mathomo, yi leng Adamo le Efa, ke mo ba sa makediwa gore ba tlatse batho ku legedimong—Modimo ke mo a šele a makiye mangeloyi gore ma dule ku legedimong. (Jobo 38:4, 7) Modimo o yye a beya motho wa mathomo pharadeyising ya go bafala ka matla yo ba reng ke tšhomo ya Edene. (Genesi 2:15-17) Jehova o mo tshepisiye gore yene le ditlogolwane tsage ba nyoko phela go ya go yye mo lefaseng.—Bala Pisalema 37:29; 115:16.
Botala, tšhomo ya Edene ke mo go le yona pharadeyisi. Batho ba mathomo ne ba tshwanele go belega ba tlatse lefase. Mo nako yi kene yi ya, ne ba nyoko maka gore lefase ka moka le be pharadeyisi. (Genesi 1:28) Lefase lo re dulang ga lona le ka sa tsoge le tlosiwwe. Go nyoko dula yi le gaye ga batho.—Bala Pisalema 104:5.
Lebelela vidiyo ya gore Ke Ntaba Modimo a Makiye Lefase?
2. Ke ntaba lefase gana byalo go se pharadeyisi?
Adamo le Efa ba yye ba sa theetsele Jehova Modimo, yene a ba raka mone tšhomong. Tsa pharadeyisi di yye tsa napa di šaša. Baebele yi re: “Lefase le yye la napa le thoma go tshwara ke wa pelo ya go befa.”—Jobo 9:24.—Bala Genesi 3:23, 24.
Ayitsano di ra gore tso Jehova ke mo a di naganne ka batho aa sa di kena? Le ka go nyana! O na le matšhika ka moka. A ka sa šite ke selo. (Jesaya 45:18) O nyoko maka gore batho ba tshwane le mathomong.—Bala Pisalema 37:11, 34.
3. Pharadeyisi yone yi nyoko lukisiwa byang?
Mo lefaseng Pharadeyisi y nyoko lukisiwa mo go šele go lawola Kgoši yo yi beyyeng ke Modimo yi leng Jesu. Go na le ntwa ye ba reng ke Aremagedoni, gana mone ntweng Jeso o nyoko ba a na le mangeleyi ya Modimo mo ma kene ma tlosetsela ka moka bo ba lwang le Modimo. Jeso o nyoko tshwara Sathane a mo kwalela mokoting ka 1 000 ya mongwaga. Batho ba Modimo ba nyoko phona ka gore Jeso o nyoko ba yetetsa le go ba pasopa. Ba nyoko tla ba phela go ya go yye mo lefase yi šele yi le Pharadeyisi.—Bala Kutullo 20:1-3; 21:3, 4.
4. Go hlupega go nyoko fela leng?
Tsa go befa tsona Modimo o nyoko di tlosa leng? Jeso o re neyye “sa go šupetsa” gore re thina le go segela mafelelong. Batho ba šekela ka matla mo ba bona tso di makegang gana byalo mo lefaseng fote di šupetsa gore re “thina le mafelelong ya lefase lowa.”—Bala Matewu 24:3, 7-14, 21, 22.
Mo Jeso a kene a lawola lefase ka 1 000 ya mongwaga a le ku legedimong, o nyoko tlosa mohlupego ka moka. (Jesaya 9:6, 7; 11:9) Le mo Jeso go le Kgoši, fote o nyoko ba Moprista ye Mogolo ke mokane a sola dibe tsa bo ba nyakang Modimo ka matla. Ka tsela yone, Modimo o nyoko ba a berekisiye Jeso gore a tlose malwele, go tsofala le go kgwa.—Bala Jesaya 25:8; 33:24.
5. Go nyoko phela bomang Pharadeyising ya nyuwane?
Ku Holong ya Mmušo kela mo re gahlanelang gona,o nyoko gahlana le batho bo ba kwanang le tsa Modimo bo ba tšhutisiwang go mo jabodisa
Batho bo ba theetselang Modimo ba nyoko phela Pharadeyising. (1 Johane 2:17) Jeso o romme bo ba mo latelang gore ba ye ba nyake batho ba dipelo tsa go bafala, ba ba tšhutise gore Modimo a ka kwana nabo mo ba ka maka ying. Jehova yene o kene wa lukisa gore dimiliyoni tsa batho di tle di natefele ke go phela Pharadeyising mo lefaseng. (Zefaniya 2:3) Mo batho ba yye Diholong tsa Mmušo tsa Dihlatse tsa Jehova, ba tšhutisiwa gore ba be banna le bopapa ba gabutši kela basadi le bommane ba gabutši. Bana le batswadi ba rapela ba le ka moka fote ba tšhutisiwa gore le bona ba berekise ditaba tso tsa go bafala.—Bala Mika 4:1-4.
