Ga seyemo sa mošaga wonone, phutego yi nyoko tseya gore mošadho wage wa botala wo fediye nakwela monna yene a šadha fote, ke mokane ya tseya gore mošadho wa gana byalo ke wona go leng wa molawo. Gore re thogo kwisisa gore ke ntaba go le ka mokgonone, tla re lebeleleneng tso Jeso a di hlayyeng mo a bolabola ka taba ya go hlala le go šadha fote.

Ga Matewu 19:9, Jeso o hlayye selo ka ssoši so se leng ka ho Mangwalong sa gore se ka maka gore mošadho wo fele. O yitseri: “Ye a hlalang mosadi wage ke mokane a tseya ye mongwana, go se ka taba la gore o yetsele le monna ye mongwana, aa tshepege ga ye a šadhiyeng naye la mathomo.” Ga mantsu yawa ya Jeso re tšhuta gore (1) Mangwalo ma re motho a ka hlala mo nkare ye a tseyanneng naye o yetsele le motho wa gore aa šadha naye, le gore (2) mo monna a hlala mosadi wage go se ka taba la tso di hlayang ke Mangwalo ke mokane a šadha le ye mongwana, monna yene o maka bonghwahla. *

Ayitsano Jeso ne a rela gore mo monna a makiye bonghwahla ke mokane a hlala mosadi wage, Mangwalo maa dumela gore a ka šadha le ye mongwana? Ke mo a sa reyane. Mo motho a maka bonghwahla a kene a šadhiye, yewa wa gore aa sinya selo ke yene a kgetang gore ayitsano wa mo tshwarela ga monna wage kela he-e. Mo nkare aa sa mo nyaka ke mokane a mo hlala go ya ka molawo, ba le ka babedi ba lukulugiye gore ba ka šadha fote, mo nkare ba fetsiye tsa go hlalana.

Mo re lebelela taba ka lehlaya le lengwana, di ka makega gore yewa wa gore aa sinya selo a kwe a nabela ka matla go phonisa mošadho wa bona a boya a ro hlaya le gore o tikemisele go tshwarela monna wage. Byalo go nyoko makega ying mo nkare monna ye a makiyeng bonghwahla aa yi kene taba ya gore mosadi wage o nyaka go mo tshwarela ke mokane yene monna yewa a boya a liketsa go hlala mosadi wage ka molawo? Akere mosadi wage o tikemisele go mo tshwarela gore ba liketse go ya mahlong ka mošadho wa bona, byalo monna yene a ka sa lokologe go ya ka Mangwalo gore a šadhe le motho ye mongwana. Mo nkare monna yene ke mo a sa ntshiwa ka phutegong, mara a fo tiwomisa hlogo ke mokane a šadha le motho ye mongwana le mo Mangwalo ma sa mo dumelele gore a šadhe, o nyoko ba a maka bonghwahla byo bongwana, fote tsotsone di nyoko maka gore ka phutegong go be le komiti ye nngwana ya gore yi nyoko yahlula taba yone.—1 Makor. 5:1, 2; 6:9, 10.

Mo monna a fo šadha ka tšhinghi le mo Mangwalo ma sa mo dumelele gore a šadhe fote, phutego yi wo tseya byang mošadho wage wa mathomo fote yi fo re king ka wowa wa gana byalo? Ayitsano mošadho wa mathomo ke wona go nyoko dulang go le wa nnete go ya ka Mangwalo? Ayitsano yewa wa gore aa sinya selo go sa nyoko ba yene wa gore o kgeta go tshwarela kela go hlala monna wage? Kela monna le mosadi ba gore ba ka teng ga mošadho wowa wa nyuwane re nyoko tseya gore ba maka bonghwahla?

Botala, phutego ne yi tseya gore monna le mosadi ba gore ba ka teng ga mošadho wowa wa nyuwane ba maka bonghwahla mo nkare ye a sa sinyang selo o sa na a phela, aa soko šadha le ye mongwana fote a se na molato wa go maka bonghwahla le motho ye mongwana. Mara, nakwela Jeso a bolabola ka taba ya go hlala le ya go šadha fote, ke mo a sa bolabole ka yewa wa gore aa sinya selo. Mara, o hlayye gore mo monna a hlala mosadi wage mara tso a mo hlalelang tsona di sa yelane le Mangwalo  ke mokane a ya a šadha le motho ye mongwana, o maka bonghwahla. Ga taba ya mohlobo wonone, ya gore motho yewa o hladiye ke mokane a šadha fote, Jeso le yene o hlayye gore tsotsone ke setšha go le bonghwahla, byalo taba yonone yi maka gore go nape go fela ka mošadho wola wa mathomo.

Mo nkare mošadho wo fela ka taba la gore batho baa hlalana ke mokane ye mongwana a šadha fote, le mo yewa wa gore aa sinya selo a ka fo re o kgeta go tshwarela ye a šadhiyeng naye kela a re o nyaka go mo hlala, di ka sa sa bereka. Byalo, a ka sa be a kene a rwele morwalo wa gore ayitsano o nyoko segelela sepheto sa gore o nyoko mo tshwarela kela o nyoko mo hlala ga ye ne go le monna wage. Fote gore phutego yi wo tseya byang mošadho wone wa nyuwane di ka sa yi ka gore ye wa gore aa sinya selo o kgwile, o šadhiye fote, kela le yene o makiye bonghwahla. *

Ga mošupetso wo re bolabodiyeng ka wona ka ho kgakala, monna o makiye bonghwahla ke mokane tsotsone dya maka gore ba hlalane. Byalo go nyoko makega ying mo nkare monna yewa a sanka a maka bonghwahla mara o f’lo hlala mosadi wage ke mokane a šadha le ye mongwana? Kela re re king mo nkare monna yene aa maka bonghwahla nakwela a soko hlala mara o bo makiye mo a šele a hladiye ke mokane a šadha le motho ye mongwana le mo mosadi wage a tikemisele go mo tshwarela? Ga mešupetso yowa ka mokana ga yona, taba yowa ya gore motho wa hlala a boya a šadha le ye mongwana, ke bonghwahla, tsotsone di napa di maka gore go fele ka mošadho wa mathomo. Mošadho wone wa nyuwane go nyoko ba wona wa gore wo molawong. Sewokamelo sa November 15, 1979, lephephe 32, se hlayye gore, “gana byalo o kenne ga mošadho wa nyuwane, byalo a ka sa fo tšwa ga wona a re o nabela go boyela ga wela wa mathomisong; wela wa mathomisong go napiye go fela ka wona nakwela a hlala, a maka bonghwahla a boya a šadha le motho ye mongwana.”

Tso di tšhentšhang howa a di rele gore taba ya gore mošadho wo hlawolegiye re yi tseyela fase fote le taba ya go maka bonghwahla a re yi tseyi ka gonyana. Monna wa gore o fo hlala mosadi wage le mo Mangwalo ma sa kwane le taba yage ke mokane a šadha le mosadi ye mongwana a na a di tšiba gore Mangwalo a ma dumele gore a šadhe, o nyoko bonana le komiti ya go yahlula ka taba la bonghwahla byo a bo makiyeng. (Mo nkare motho yewa wa nyuwane ye a šadhiyeng naye ke Mokreste, le yene o nyoko ya komiting gore ba ye yahlula taba yage ya go maka bonghwahla.) Re ka sa tseye gore monna yewa le mosadi ba gore ba ka teng ga mošadho wa nyuwane ba maka bonghwahla, mara go nyoko feta mengwaga ya go tlala monna yene a sa tshwanelege gore ba mo neye mebereko ya ka ho phutegong fote go nyoko fo ba ka mokgonone go šinye go segela mo batho ba kwang ba sa sa thonoga ke tsa go befa tso a di makiyeng kela mo ba bangwana ba sa sa kwa nkare a di mo tshwanele tsa go hlompiwa. Tsotsone di rela gore mo bagolo ba soko bane ba mo neya mmereko ka ho phutegong, di ka fo nyaka gore ba pombhole seyemo sa ye ne a šadhiye naye mathomisong wa gore a ka fo ba a kwisiye go baba ke gore monna yene o mo makiye bošakašakane kela ba lebelele mo nkare ne go na le bananyana ba gore go sa le ba banyana ba gore yewa wa gore o sinnye o f’lo ba lahla, a ba šiya ba yitsa.—Mal. 2:14-16.

Mo re lebelele tsa go sasamela tso di ka leyang ke taba ya go fo hlala motho o boya o šadha le ye mongwana le mo Mangwalo ma sa dumele, Makreste ma ko ba ma šupetsa gore ma hlalefiye mo ma tseyela ga Jehova, ma šupetsa gore ma tseyela mošadho gedimo ma boya ma wo tseya go le selo sa go hlawolega.—Mmo. 5:4, 5; Maheb. 13:4.