1. Malata ya Modimo ka mokana ga wona ma nyaka go segelela ying, fote ke ntaba? (Lebelela sethombhe sa ka tawong.)

KRESTE JESO o butsiye malata yage a re: “Byalo ariyeneng, . . . le ye maka batho ba ditšhaba ka moka malata.” (Mat. 28:19) Malata ya Modimo ya go tshepega ka mokana ga wona ma di nyaka ka matla go tšhuta go ‘yenetsa’ mmereko wo ma neyiwweng wona wa go tšhomayela. (2 Thim. 4:5) Gabutšibutši mmereko wowa ke wa mayemo ya gedimo, mo o ka fo wo maka o ka sa tisole, fote re wo make ka go yakgoswa ka matla gana byalo, a go na wa go tshwana nawo. Mara, di ka fo sa be lola gore nako yo o yi fetsang o le tšhomong, yi lekane le yo wene o yi nyakang.

2. Re ghula ke tsa mošaga mang ho re kene re nyaka go yenetsa mmereko wa rune wa go tšhomayela?

² Go na le dilo tse dingwana tse dikgolo tsa gore di nyaka nako ya rune le matšhika. Di ka fo re nyaka gore re bereke re sa khutsi gore re kraye sa go pasopa ba mitši ya rune. Mara tse dingwana re ka šitega go di maka ka ho mitšing ya rune, wa kraya re lwala fote re lwala ka taba la go šekela kela re wopa ke mmele wa go kwa go tsofala. Mo re gahlana le tsa mošaga wonowa, re ka yenetsa byang mmereko wa rune wa go tšhomayela?

3. Go ya ka so se ngwadiwweng ga Matewu 13:23, re fetsa ka gore king?

³ A di nyake re šepisa mo dilo tsa go re ghula tso re gahlanang natso di re paraka gore re sa kgone go tseya nako yo re yi nyakang re le tšhomong. Jeso o di tšibiye gabutši gore a yi ka mokana ga rune re ko go yengwang diyengwa tsa Mmušo ka go lekana. (Bala Matewu 13:23.) Jehova o jabodisa ke mo re mmerekela ka dipelo tsa rune di felele, solanka re sa makele moyano. (Maheb. 6:10-12) Mara rune re ka bona nkare re ka kgona go yeketsa ga tso re kgonang go di maka. Ga hlogotaba yowa, re nyoko bona gore re ka maka byang gore mmereko wa rune wa go tšhomayela wo yete mahlong go sa parake selo, re sa tlatse maphelo  ya rune ka dilo tsa go tlala fote re lokotše matšhomayelelo ya rune le ka mokgo re tšhutisang ka gona. Tla re thomiseneng ka go bona gore anthe di ra gore king go yenetsa mmereko wa rune wa go tšhomayela?

4. Taba yowa ya go yenetsa mmereko wa rune wa go tšhomayela yi ra gore king?

⁴ Mo re fo yi beya gabutši nje, mo re nyaka go yenetsa mmereko wa rune wa go tšhomayela, re tshwanele gore re sa tšhabe tšhomo. Mara di nyaka nako. So se makang gore re šinye re ya tšhomong, ke sona so se jabodisang Jehova. Re bereka ka dipelo tsa rune di felegelele mo re le ku tšhomong ka taba la gore ga Jehova le bayagelani ba rune re ba nyaka ka matla. * (Mar. 12:30, 31; Makol. 3:23) Go berekela Modimo ka dipelo tsa rune di felegelele go rela go mo neya lephelo la rune, re berekisa matšhika ya rune ka mokgo re kgonang. Mo re jabolela mmereko wo re wo makang wa go tšhomayela, re nyoko kwa monate wa go botsa batho ka ditaba tsowa tsa go bafala.

5-6. Re hlatollele gore motho a ka di kgona byang tsa go yetisa mmereko wa go tšhomayela mahlong le mo nako yi se šiyo.

⁵ Nagana ka mosogana ke yewa wa gore o nabela go ba thitšere. Tsa go tšhutisa o di jabolela ka matla. Ke mokane o feleletsa a krayye mmereko wa go tšhutisa wa sekopa ga sekolo se sengwana ka Mekibela le Masonto. Mara, tšheleta yo ba mo golelang yona a yi yenetsi tso a di nyakang. Byalo o ya a bereka setolo go tlugisela ka Mosopologo go segela ka Labohlano. O fo bereka mone setolo ka gore o ko maka byang, mara tso yene a kwanang natso ka matla ke go tšhutisa. O fetsa ka gore o nyaka go lokotša ka mokgo a tšhutisang, gore a thogo maka tsotsone ka nako ka moka. Yene o fo lla solanka a tšhutisa, tsa gore o kraya nako ye nyana ya go tšhutisa a di mo hlope.

⁶ Le tšhomo yi ka mokgonone, o ka kraya nako yi se šiyo ya gore o ye tšhomong ka matla ka mokgo o nyakang. Mara so se šalang ke gore tsa go tšhomayela di ho mading. O leketsa ka matla gore o tikise dipelo tsa batho ka molayetsa wa ditaba tsa go bafala. O ka fo kraya o nagana gore mara nje nko kgoneng go yetisa mmereko wa go tšhomayela mahlong go  kene go na le dilo tsa go mphiriketsa ka mokgo.

7-8. Re ka yekisela mokgwa wa Jeso byang mo re le tšhomong?

⁷ Ka mokgo Jeso ne a tseya mmereko wa go tšhomayela di fo ba lekgwaying. Taba yowa ya go bolabola ka Mmušo wa Modimo ke mo a yi tseyela hlogong. (Joh. 4:34, 35) O yye a sepela dinaga le dinaga a ye tšhomayelela batho ba go tlala ka mokgo a ka kgonang. Mo go nyarela lešuba la gore a tšhomayele mo go nang le batho ba go tlala kela mitšing ya bona, ke mo a le berekisa. Dilo tsa go tlala tso Jeso ne a di maka ke mo di tlalele ka matla ga mmereko wa go tšhomayela.

⁸ Re ka yekisela Kreste ka go dula re ramele mo go thulega mašuba ya go tšhomayela go gongwana le go gongwana mo re ka go segelelang. Mmereko wowa wa go tšhomayela re wo bereka ka go di nyaka re sa tšhofe ke motho. (Mar. 6:31-34; 1 Pet. 2:21) Ba bangwana ka ho phutegong baa di kgona go bereka mmereko wa tšhomo go le mašupatsela ya go hlawolega, ya nako ka moka kela ya go gelepa. Ba bangwana ba yye ba tšhuta go bolabola mebolabolo ye mongwana kela ba rorela polekeng ya gore go nyakega batšhomayedi ba go tlala. Mara, mmereko wowa wa go tšhomayela ga go tlala wo maka ke batšhomayedi ba gore ba karakara ka matla. Jehova aa re kgopele gore re make so re ka sa kgoneng go se maka. O nyaka re jabolele go mmerekela mo re kene re bolabola “ditaba tsa go bafala tsa Modimo wa go jabola.”—1 Thim. 1:11; Dot. 30:11.

9. (a) Pawulo o yye a yetisa mmereko wa go tšhomayela mahlong ka mokgo mang le mo a kene a thewogela? (b) Mebereko 28:16, 30, 31 yi re Pawulo ke mo a wo tseya byang mmereko wa go tšhomayela?

⁹ Pawulo wa lepostola o re beyisele ka go yetisa mmereko wa tšhomo mahlong mo a kene a phela. Ka nako tsela a boyela ku Korente go le morumiwa ke mo a se na selo, a tshwanela ke gore a make matente gore a thogo phela. Mara, Pawulo a sanka yetisa mahlong mmereko wage wa go maka matente. Ke mo a makela gore a thogo tipasopa ho a kene a ya mahlong ka mmereko wa go bolabola ditaba tsa go bafala ga Makorente, a sa nyake go ba “morwalo” ga bona. (2 Makor. 11:7) Le mo Pawulo ne a tshwanele gore a make mmereko wone gore a thogo phela, tsa go tšhomayela o yye a fo di yetisa mahlong fote a maka ka mokgonone le ka Sabatha. Mo dilo di thomisa go ba kawone, Pawulo o yye a thomisa go tlalela ka matla ga tsa go tšhomayela. “Ke mo a tshwaraganne ka matlamatla ka lentsu, a tšhomayelela Majuda gore a ma šupetse gore Jeso ke yene Kreste.” (Meber. 18:3-5; 2 Makor. 11:9) Nako tsela Pawulo a na le mengwaga ka mmedi a le jele ku Roma, o yye a tšhomayelela bo ne ba mo vakašela a boya a ngwala le marifi. (Bala Mebereko 28:16, 30, 31.) Pawulo ke mo a sa nyake go kenelela selo ga mmereko wage wa go tšhomayela. O ngwadiye gore: “Ka taba la gore re na le mmereko wa tšhomo . . . , a re šepisi.” (2 Makor. 4:1) Le rune re tshwana naye ga Pawulo, re ya thewogela gore re thogo phela, mara re kene re yetisa mmereko wa Mmušo mahlong.

10-11. Re ka wo yenetsa byang mmereko wa rune wa go tšhomayela re kene re tshetsha?

¹⁰ Mo re sa kgone go ya mutši ka mutši ka taba la go tsofala kela bokoka, re ka di kgona go jabolela go tšhomayela ka mekgwa ye mengwana. Ka dinako tsa mapostola batšhomayedi ba yye ba tšhomayelela batho go gongwana le go gongwana mo ke mo ba le gona. Ke mo ba berekisa lešuba le lengwana le lengwana gore ba tšhutise nnete, ba ya ka mutši ka mutši, mo go tleleng batho le go tšhomayela ba sa tikemisela mo ne “ba kraya batho gona.” (Meber. 17:17; 20:20) Mo tsa go sepela yi fo ba go tigoga, re ka fo ya ra dula mo go tleleng batho ke mokane ra ba tšhomayelela. Re ka ba ngwalela marifi kela ra ba fowunela. Batšhomayedi  ba go tlala ba fo kwa ba jabodiye fote ba yenele le mo ba sa kgone go tšhomayela ka taba la tso di ba phiriketsang.

¹¹ Le mo o le sekoka, o ka di kgona go yenetsa mmereko wago wa go tšhomayela. Nagana ka Pawulo wa lepostola. O yitseri: “Ke na le matšhika ga dilo ka mokana ga tsona, ke ma kraya ga ye a nneyang matšhika.” (Mafil. 4:13) Nakwela Pawulo a lwala go le morumiwa, ke mo a ma nyaka ka matla matšhika yawa. O butsiye Magalata gore: “Go lwala go thudiye lešuba la gore ke thogo bolabola le lune ka ditaba tsa go bafala.” (Magal. 4:13) Le wene go lwala go ka go thulela lešuba la go tšhomayelela batho ditaba tsa go bafala, ba go tshwana le ditogotela, dinesi le ba go re pasopa ka tse dingwana. Ba go tlala mo batšhomayedi ba ba vakašela ba ba ba se šiyo ba le meberekong.

12. Di ra gore king mo ba re motho o “lebelele” ga tso a nyakang go di segelela?

¹² Jeso o yitseri: “Llampa la mmele ke lehlo. Byalo mo lehlo lago le sa tšeka [kela “le le gabutši,”], mmele wago ka mokana ga wona wo nyoko gadimela.” (Mat. 6:22) Ke mo a ra gore king? Ke mo a rela gore re ye mahlong re kene re maka gore lephelo la rune le be lola, re dule re naganne ka dilo tso re nyakang go di segelela re sa yikele dilo tse dingwana di re phika. Jeso o re beyisele yene mong ka go phela lephelo lage a naganne ka matla ka mmereko wa go tšhomayela, fote a tšhutisa le malata yage gore ma make ka mokgononeng wa go yetisa Mmušo mahlong. Re yekisela Jeso ka go maka gore maphelo ya rune ma tlalele ka ho ga mmereko wa go tšhomayela, ‘re kene re  thomisa ka go nyaka Mmušo le go loka ga Modimo.’—Mat. 6:33.

13. King so se ka re gelepang go dula re lebelele ga mmereko wa rune wa go tšhomayela wa Sekreste?

¹³ Selo se sengwana so se ka ga re gelepang go dula re lebelele mmereko wa go tšhomayela ke mo re ka fo maka lephelo la rune gore le be lola, gore re thogo gelepa batho ba bangwana, le bona ba tšibe Jehova le go mo nyaka. * Mo re beyisa, ayitsano re ka kgona go ngatha nako ya rune ya go bereka gore re kraye ya go ya tšhomong mo bekeng? Re ka yi poma byang nako ya rune ya go tijabodisa?

14. Monna ye mongwana le mosadi wage ba yye ba maka byang gore ba thogo dula ba le tšhomong?

¹⁴ Taba yowa yi makiye ke mogageru ye mongwana ye ba reng ke Elias le mosadi wage. O re: “Ne re sa kgone go phayona ka nako yonone, mara re yye ra tshwanela ke go maka se sengwana. Re yye ra thoma ka gonyana ka gonyana gore re yeketse nako ya rune mmerekong wa go tšhomayela. Re yye ra sa sa berekisa tšheleta ka matla, ra poma nako yo ne re yi berekisa go tijabodisa, fote ra kgopela le ku mmerekong gore re tšhentšhe nako yo re thewogelang ka yona. Sosone se makiye gore re be gona ga tšhomo ya ka malobana le go yeketsa bo re tšhutang nabo Baebele, fote ne re kgona go ya tšhomong ya gare ga beke gabedi ka kgwedi. Tsotsone di re jabodisiye ka matla!”

15-16. Go ya ka 1 Thimothi 4:13, 15, re ka lokotša byang matšhutiselo ya rune mo re le tšhomong? (Lebelela lebhokisi la gore “ Tso di ka ga N’gelepang Gore ke Yenetse Mmereko Waka wa go Tšhomayela.”)

¹⁵ Mokgwa wo mongwana wa go ka re gelepa gore re yenetse mmereko wa rune wa go  tšhomayela ke mo re ka lokotša matšhutiselo le matšhomayelelo ya rune. Go fo tshwana le ka batho ba gore ba thewogele, ba bangwana di nyaka ba dule ba tšhutisiwa ka dinako ka mokana ga tsona gore ba thogo tšiba mmereko. Sosone se bereka le ga batšhomayedi ba ditaba tsa Mmušo wa Modimo. Di nyaka re ye mahlong re lokotša ka mokgo re tšhomayelang gore re thogo ba digele.—Diy. 1:5; bala 1 Thimothi 4:13, 15.

¹⁶ Byalo re ka maka byang gore re phomelele mo re le tšhomong? Di nyaka re berekise tso re di tšhutang ga Mogahlano wa Maphelelo le Matšhomayelelo wa gare ga beke. Mogahlano wowa wo re tšhutisa go ba digele ho re le tšhomong. Mo re beyisa, mo mogageru ye a tshwereng letheto la mogahlano a bolabola le ye ne a beya polabolo, le rune re kota se sengwana gana hone, sa gore re ka se berekisa gore re lokotše ka mokgo re tšhomayelang. Re ka napa re di berekisa di tloga ho re bolabola le ye mongwana ka ditaba tsa go bafala. Re ka kgopela mowokamedi wa tšhomo gore a sepele le rune, kela re kgopele thušo ga mogageru ye mongwana wa gore ke botala go le motšhomayedi, mošupatsela kela mopotulugi. Mo re kene re ya mahlong re berekisa lebhokisi la go tšhutisa, re nyoko jabolela mmereko wa rune wa go tšhomayela le go tšhutisa.

17. Go nyoko makega ying mo o ka fo maka so o kgonang go se segelela mo o tšhomayela?

¹⁷ Re fo kwa re le ku malenghelengheng mo re tšiba gore Jehova o nyaka gore ‘re bereke ggoši naye’! (1 Makor. 3:9) Mo re ka fo “tšiba tso di tshwaneleng go yeta mahlong” fote re dula re lebelele mmereko wa Sekreste wa go tšhomayela, re nyoko “berekela Jehova re jabodiye.” (Mafil. 1:10; Pis. 100:2) Go fo tshwana le malata ya mangwana ya Modimo, le wene o ka tshepa gore Modimo o nyoko go neya matšhika ya o ma nyakang gore o thogo yenetsa mmereko wago wa go tšhomayela le mo go bifiye kela go na le tso di go phikang. (2 Makor. 4:1, 7; 6:4) Le mo o ya tšhomong ka go kašela ka taba la tso di go phikang kela o di kgona, solanka o ya ka pelo yago yi felegelele “o nyoko ba le sa go go jabodisa.” (Magal. 6:4) Mo o yenetsa mmereko wago wa go tšhomayela, o šupetsa gabutši gore ga Jehova le batho o ba nyaka ka matla. “Ka mokgononeng, o nyoko tiphonisa wa phonisa le bo ba go theetselang.”—1 Thim. 4:16.