Në, dai Ër wart ais ni uutrot, forbrent urer ümtuuscht. Dai Bijbel däit inlëre dat God dai Ër måkt hät taum dai lüür leewe up ümer.

•   “Dai Ër wart der gerechte hööre un sai daue ümer up dai leewe.” (Salmo 37:29)

•   “[God] hät dai Ër inset in sijne faste borem; sai wart nij ais uut eer stel ruutermåkt.” (Salmo 104:5)

•   “Dai Ër blijwt up ümer.” (Eclesiastes 1:4)

•   “Dai wat dai Ër måkt hät un stram up sijn stel henstelt, wat dai ni måkt hät taum går nischt, åwer hät dai måkt taum bewånen.” (Isaías 45:18)

 God däit ni erlaube dat dai lüür dat leewend hijr upe Ër uutrot krijge doir drek, krijg urer irgends anerd dail. Gans aners, God däit “dai uutrote wat dai Ër foråse”. (Apocalipse 11:18) Wosoo wart hai dat måke?

 Dai regirungs wat dai Ër ni behüütet krijge ware ümtuuscht for God up air regirung im himel åne fëgel. Dës regirung is God sij Regirung. (Daniel 2:44 un Mateus 6:9 un 10) Jësus, God sij kind wart dai köönig for dësem Regirung sin. (Isaías 9:6 un 7) As Jësus upe Ër wääst is, hai hät bewunrig daile måkt wat wijse dat hai macht hät taum dat weerer hule krijge. (Marcos 4:35 bet 41) Soo as köönig fon God sij Regirung, Jësus wart dai daile upe Ër un dat weerer gans un går hule krijge. Jësus wart al dai daile nijg måke. Dat dai neemlig soo ware as dai wäire in dem Eden gåre, air paradijs upe Ër. (Mateus 19:2 un Lucas 23:43)

 Në. Dit is air forkërd forståen fon 2 Pedro 3:7 wat sägt: “Dai himel un dai ër wat nuu geewe däit, sin upwårt tau dem füür.” Dau an 2 daile andenke wat oos helpe forståe dës wöör:

1.   Ine Bijbel dai wöör “himels”, “ër” un “füür” koine mër daile bedüüre. Soo as Gênesis 11:1 sägt: “Dai gans ër däir bijblijwe bloos ain ainsig språk häwe.” In dësem spruch dat woord “ër” däit maine dai lüür in dai tijd.

2.   Dai sprüüch airer as 2 Pedro 3:7 wijse wat dës wöör himel, ër un füür bedüüre in dësem spruch. Dai sprüüch 5 un 6 måke air t’hoopmaine mit dem groote reege in Noé sijn dåg. In dai tijd ain ul wild is uutrot woore, åwer oos Ër is bleewe. Ine wårhët, wat passijrt is dai “ër” wat uutrot woore is in dem groote reege bedüürt al dai slechte lüür. (Gênesis 6:11) Dai groot reege hät uk uutrot dai “himels” wat bedüürt dai lüür wat regijre däire in dai tijd. Soo, al dai slechte lüür sin uutrot woore, åwer oos Ër, ni. Noé un sijn familg sin leewig bleewe in dem groote reege un häwe dai Ër werer ful måkt nådem. (Gênesis 8:15 bet 18)

 Soo as dai wåter in dem groote reege in Noé sijn tijd, dat “füür” in 2 Pedro 3:7 bedüürt dat al dai slechte lüür uutrot ware, ni dai Ër. God hät forspråke dat giwt aine “nijge himels un ain nijg ër” un in dai “wart dai gerechtigkët wåne”. (2 Pedro 3:13) Dai “nijg ër” bedüüre dai lüür wat in dësem tijd leewe daue. Dai ware sin uuner dai “nijge himels” urer uuner aine nijge regirung. Dës regirung is God sij Regirung, wat mökt dat dai ganse Ër air paradijs wart mit freere. (Apocalipse 21:1 bet 4)