TLAMACHTILI 37
¿Kenijkatsa kiijtoua Biblia kinamiki tikitasej tekitl uan tomij?
¿Kemantika tlauel timokuesoua pampa amo tijpia tekitl o tomij? Kema kiampa pano, uelis ouij tijmatis tijpias tlen ika timopanoltis uan tijtekipanos Jehová. Biblia kiijtoua se keski tlamantli tlen uelis mitspaleuis.
1. ¿Kenijkatsa kiijtoua Biblia kinamiki tikitasej tekitl?
ToTeotsij kineki ma tipakikaj ika toteki. Biblia kiijtoua “axonka tleno más kuali uan ipati para se tlakatl” kej kema yolpaki ika nopa tekitl tlen kichijki (Eclesiastés 2:24). Jehová tlauel kipaktia tekitis. Kema tijchiuaj kej Jehová uan tlauel titekitij, tijchiuaj tlen ya kipaktia uan tojuantij kuali tijyolmatij.
Maske moneki titekitisej, amo kinamiki tikachtouitlalisej toteki pampa nopa ueliskia kichiuas ayokmo ma tijtekipanokaj Jehová (Juan 6:27). Jehová kiijtoua tlaj timosentlalisej tijtekipanosej, ya techmakas nochi tlen techpoloua.
2. ¿Kenijkatsa kinamiki tikitasej tomij?
Maske Biblia kiijtoua tomij “tepaleuia ipan miak tlamantli”, nojkia kiijtoua amo kichiua nelnelia ma tiyolpakikaj (Eclesiastés 7:12). Yeka, Biblia kiijtoua amo tlauel ma tijpatiitakaj tomij, uan nojkia kiijtoua: “Xipakikaj ika tlen inkipiaj” (xijpoua Hebreos 13:5). Kema tiyolpakij ika tlen tijpiaj, amo timokuesojtokej pampa tijnekij tijpiasej sekinok tlamantli. Uan nojkia amo tlauel timotlauikaltiaj (Proverbios 22:7). Nojkia amo timauiltiaj ika tomij yon tijchiuaj sekinok tlamantli tlen mauilili pampa tijnekij tijtlanisej miak tomij.
3. ¿Kenijkatsa uelis tijnextisej techpaktia titemakasej totomij?
Jehová kipaktia temakas tlen kipia, uan tojuantij uelis tijchiuasej kej ya kema titemakaj “ika pakilistli” tlen tijpiaj (1 Timoteo 6:18). Uelis tijnextisej techpaktia titemakasej tlen tijpiaj, tlaj titemakaj totomij uan kiampa uelis moixtlauas tlen motekiuia ipan tlanechikoli uan kema tikinpaleuiaj toikniuaj kema kinpoloua se tlamantli. Jehová kipatiita kema kiita kenke titemakaj se tlamantli, uan amo tlaj titemakaj miak o kentsi. Tlaj titemakaj ika pakilistli, tlauel tiyolpakisej uan Jehová nojkia tlauel yolpakis (xijpoua Hechos 20:35).
KUALI XIMOMACHTI
Ma tikitakaj kenijkatsa techpaleuis tlaj tikitasej tekitl kej kinamiki uan tlaj tiyolpakisej ika tlen tijpiaj.
4. Tijueyichiuaj Jehová kema kuali titekitij
Tlaj kuali timouampojchijtokej iuaya Jehová, techpaleuis ma tikitakaj tekitl kej kinamiki. Xikitakaj nopa VIDEO uan xijnankilikaj ni tlajtlanili:
-
¿Kenijkatsa monejnemiltiyaya Jason kampa tekitiyaya? ¿Tlake tlauel mitspaktik tlen kichiuayaya?
-
¿Tlake kipaleuik Jason ma kiita tekitl kej kinamiki?
Xijpouakaj Colosenses 3:23, 24 uan xijnankilikaj ni tlajtlanili:
-
¿Kenijkatsa moneki tikitasej tekitl? ¿Uan kenke moneki kiampa tikitasej?
Maske moneki titekitisej, amo kinamiki tikachtouitlalisej toteki pampa nopa ueliskia kichiuas ayokmo ma tijtekipanokaj Jehová.
5. ¿Kenijkatsa techpaleuis tlaj amo tijnekisej tijpiasej miak tlamantli?
Maske miakej maseualmej tlauel tekitij pampa kinekij kipiasej miak tomij, Biblia kiijtoua amo kiampa ma tijchiuakaj. Xijpouakaj 1 Timoteo 6:6-8 uan xijnankilikaj ni tlajtlanili:
-
¿Tlake techiljuia Biblia?
Uelis tiyolpakisej maske amo tijpiasej miak tlamantli. Xikitakaj nopa VIDEO uan xijnankilikaj ni tlajtlanili:
-
¿Kenke katli nesij ipan video tlauel yolpakij maske amo kipiaj miak tomij?
¿Tlake ueliskia techpanos tlaj nojua tijnekisej tijpiasej sekinok tlamantli maske ya titlapijpiaj? Jesús kiijtok se tlapoualistli tlen kinextia moneki amo kiampa tijchiuasej. Xijpouakaj Lucas 12:15-21 uan xijnankilikaj ni tlajtlanili:
-
¿Tlake mitsmachtia tlen Jesús kiijtok ipan ni tlapoualistli? (Xikitakaj versículo 15).
Xijpouakaj Proverbios 10:22 uan nojkia xikitakaj tlen kiijtoua 1 Timoteo 6:10. Teipa xijnankilikaj ni tlajtlanili:
-
¿Tlake tlamantli timoiljuia tlauel ipati: timouampojchiuas iuaya Jehová o tijpias miak tomij? ¿Kenke kiampa timoiljuia?
-
¿Tlake ueliskia techpanos tlaj nochipa tijnektosej tijpiasej miak tomij?
6. Jehová nochipa techmakas tlen techpoloua
Kema amo tijpiaj tekitl uan amo tijpiaj tomij, techpaleuia ma tikitakaj tlaj nelia timotemachiaj ipan Jehová. Xikitakaj nopa VIDEO, kiampa inkiitasej tlake inmechpaleuis kema inkiixnamikisej se tlaouijkayotl, uan teipa xijnankilikaj ni tlajtlanili:
-
¿Tlake tlaouijkayotl kiixnamijki toikni katli nesi ipan video?
-
¿Tlake kipaleuik ma kiijiyoui nopa tlaouijkayotl?
Xijpouakaj Mateo 6:25-34 uan xijnankilikaj ni tlajtlanili:
-
¿Tlake kiijtojtok Jehová kinmakas katli kiachtouitlaliaj kitekipanosej?
TLEN SEKINOK KIIJTOUAJ: “Moneki tlauel nitekitis uan kiampa uelis nikinpanoltis nochampoyouaj, yeka amo ueli nochipa nia tlanechikoli”.
-
¿Tlake texto mitspaleuia ximotemachi tlauel kuali tlaj tikachtouitlalis tijtekipanos Jehová?
TLEN TIMOMACHTIJKEJ
Maske moneki titekitisej uan kiampa tijpiasej tomij tlen ika timopanoltisej, amo kinamiki tijkauasej nopa ma kichiua ayokmo kuali ma tijtekipanokaj Jehová.
¿Tlake tijyekok?
-
¿Tlake mitspaleuis tikitas tekitl kej kinamiki?
-
¿Kenijkatsa mitspaleuis tlaj tiyolpakis ika tlen ya tijpia?
-
¿Kenijkatsa uelis tijnextis timotemachia Jehová nochipa mitsmakas tlen mitspoloua?
NOJKIA XIKITA NI
Xikita tlaj Biblia kiijtoua amo kuali tijpias tomij.
“¿Timoiljuia tomij kichiua ma pano tlen amo kuali?” (Tlamachtili ipan jw.org)
Xikita kenijkatsa toTeotsij kipaktia ma titemakakaj tlen tijpiaj.
“¿Kenijkatsa kiijtoua Biblia moneki titemakasej se tlenijki?” (Tlamachtili ipan jw.org)
¿Kuali tlaj se akajya mauiltis ika tomij?
“Tlen Biblia tlamachtia: Katli mauiltiaj ika tomij” (¡Xitlachixtokaj!, marzo 2015)
Xikita tlake kipaleuik se tlakatl ayokmo ma mauilti ika tomij yon ma tlachteki.
“Nechpaktiyaya nikitas kema motlaniyayaj kauayojmej” (Tlen Tematiltia, noviembre 1, 2011)
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
