Jehová itlajtoltemakauaj amo ouij kej tlamachtiaj uan kinpaleuiaj sekinok ma kimatikaj tlake tlamachtia Biblia. Tlen timomachtijtias mitspaleuis:

•   Xiyolpaki ipan monemilis.

•   Ximouampojchiua iuaya toTeotsij.

•   Xijmati kenijkatsa tiitstosej teipa.

Nikaj tijnankilisej ni tlajtlanili:

•  ¿Kenijkatsa titlamachtiaj ika Biblia?

•  ¿Monekis nitlaxtlauas?

•  ¿Keski uejkauas nimomachtis?

•  ¿Tlake uelis nijchiuas tlaj nijneki ma nechmachtikaj?

•  ¿Uelis nikitas kenijkatsa tlamachtiaj?

•  Tlaj nijnekis ma nechmachtikaj, ¿nojkia moneki nimochiuas se tlen Jehová itlajtoltemakauaj?

•  ¿Uelis nijtekiuis noBiblia?

•  ¿Uelis itstos seyok kema nechmachtisej?

•  ¿Sampa uelis nechmachtisej Jehová itlajtoltemakauaj tlaj achtouia ya nechmachtijtoyaj?

•  ¿Onka seyok tlamantli tlen ika uelis nimomachtis Biblia maske amo itstos se akajya katli nechmachtis?

 Se Jehová itlajtoltemajka mitspaleuis tijkuamachilis sejse tlamachtili tlen eltok ipan Biblia. Ika nopa amatlajkuiloli Nochipa xiitsto ika pakilistli, tijyekojtias tlake tlamachtia Biblia uan kenijkatsa nopa mitspaleuis ipan monemilis. Tlaj tijneki tijmatis sekinok tlamantli, xikita ni video.

 Amo. Tijchiuaj tlen Jesús kiniljuik itokilijkauaj ma kichiuakaj: “Axkema xitlainamakaj kema intepaleuisej” (Mateo 10:8). Katli mitsmachtisej amo aka kinixtlauia. Nojkia amo moneki titlaxtlauas tlaj titlajtlanis se Biblia o se amatlajkuiloli Nochi xiitsto.

 Ni amatlajkuiloli kipia 60 tlamachtili. Ta uelis tikijtos keski tiuejkauas timomachtijtos. Miakej maseualmej momachtiaj se tlamachtili sejse semana uan sekij kinekij momachtisej sekinok tlamachtili ipan se semana.

1.  1. Xitlajtlani ma mitsmachtikaj ipan jw.org. Tlaj tijtlalis kanke mochaj uan sekinok tlamantli, san tijtekiuisej kema timitsnojnotsasej.

2.  2. Katli mitsmachtis ika Biblia mitsnojnotsas. Ya mitsiljuis kenijkatsa titlamachtiaj ika Biblia uan tlaj tijneki tijmatis sekinok tlamantli, ya mitsnankilis.

3.  3. Ta uan katli mitsmachtis inkiijtosej kenijkatsa inmomachtisej. Katli mitsmachtis uelis yas mochaj, mitsnojnotsas ika teléfono, videollamada, mitstitlanilis amatlajkuiloli o kitekiuis correo electrónico. Maske kema titlamachtiaj tiuejkauaj nechka se hora o kipano, ta tikijtos keski tijneki ma uejkaua.

 Kena. Xitlajtlani ma mitsmachtikaj ipan jw.org. Kema mitsnojnotsas katli mitsmachtis, xikiljui san tijneki sampatsi timomachtis uan kiampa tikitas tlaj mitspaktis o amo. Uan inkitekiuisej nopa pilamochtsi Nochipa xiitsto, tlen kipia eyi tlamachtili.

 Amo. Tojuantij techpaktia tikinmachtisej maseualmej ika Biblia, uan amo aka tijchiualtiaj ma mochiua se tlen Jehová itlajtoltemakauaj. Tojuantij san tikinixtomiliaj ika tlatlepanitakayotl tlen Biblia tlamachtia, pampa katli tijmachtiaj yaya kimati tlake kineltokas (1 Pedro 3:15).

 Kena. Uelis tijtekiuis Biblia tlen ta tijnekis. Maske Jehová itlajtoltemakauaj tijtekiuiaj Traducción del Nuevo Mundo, tlen kuali kitlajtolkueptokej uan amo ouij tijkuamachilis, tijmatij miakej maseualmej kinpaktia nopa Biblia tlen momajtokej kitekiuiaj.

 Kena. Uelis tikiniljuis mochampoyouaj o mouampoyouaj.

 Kena. Uelis nama tlauel mitspaktis kema timomachtis pampa moyankuilijtok kej titlamachtiaj uan kipia tlamachtili tlen uelis kinpaleuis maseualmej ipan ni tonali. Ta uelis tikijtos tlen timoiljuia uan inkiitasej miak videos uan sekinok tlamantli, amo kej achtouia titlamachtiyayaj.

 Kena. Maske miakej maseualmej tlauel kinpaleuia kema se akajya kinmachtia, sekij kinekij momachtisej ininselti. Ipan tlaxeloli “Tlen techpaleuis ma timomachtikaj Biblia”, tijpantis se keski tlamantli tlen mitspaleuis timomachtis uan amo titlaxtlauas. Nikaj uala se keski:

•   Videos tlen techmachtia tlen Biblia. Kiixtoma tlamachtili tlen tlauel ipati tlen uala ipan Biblia uan tlen amo uejkaua.

•   Tlen Biblia kinankilia. Nopaya eltok tlamachtili tlen kinankilia miak tlamantli tlen Biblia.

•   Textos bíblicos explicados. Xikita tlake kiijtosneki se keski tlajtoli uan textos tlen tlauel kiixmatij.