Иисус Христос шке тунемшыж-влаклан каласен: «Чыла калык-влакым туныктыза» (Матфейын 28:19, 20). Икымше тунемшыж-влакым таныклаш колтен, тудо нунылан еҥ-влакын мӧҥгышкышт мияш кӱштен (Матфейын 10:7, 11—13). Икымше курымышто Иисусын колымыж деч вара христиан-влак «чыла калык ончылнат, пӧртыштат» поро уверыштым шаркалымым умбакыжат шуеныт (Апост. пашашт 5:42; 20:20). Ме икымше христиан-влакын примерышт почеш ыштена да еҥ-влаклан поро уверым каласкалаш манын, пӧрт еда таныклымашым эн сай йӧнлан шотлена.