SA BIBLE NGUE TSI

“Boud beu b’a goume me chouong de.”​—Mi Solgou 24:​15, Traduction du monde nouveau.

NDO ME KE NE DJI CHOU DOUO?

I gouandle wo dja moud wo tsiel me foudeu.​—O Corinthien 2 1:​3, 4.

I yile seu i fouasse y’a chouiy de.​—O Hebreu 2:15.

Bougue ne sey gningue deug boud bessou b’a foudeu.​—Jan 5:​28, 29.

YE SEU NKOUL BANDA BOUGLA SA BIBLE NGUE TSI?

Haw, ne me nkaame me ga:

• Zembe w’a boueindai tsig. Bible ngue djaw Johova Zembe ne “boung a tsig.” (Sam 36:9; Mi Solgou 17:​24, 25) Moud gn’a yeu sa diez tsig, nkoul neme sa ne moud me foudeu, gningueg tsigue.

• Zembe gn’a goumchi boud yag. Bible mbide me teigne mouomb Johova gn’a de goumchi boud​—ntsouama, sasse, tsoutsoul, bouda ne boudoum, i kekague​—b’a gningue tsigue wa chi de. Bolga b’a ngue kounaw foudeu, veda, ngouolga gn’a sa melou me noo chouong de!​—Jan 11:​39-44.

• Zembe ngue fafle ne a gningue taide. Johova me mpi chouiy; nda jijing. (O Corinthien 1 15:26) A ngue fafle ne jijing wongue, chouiy, gney yile gouo ne ngoumane me chouong. A Ngue fafle ne boud bez besse gnede tadgad de beu goumegue.​—Job 14:​14, 15.