Vishimo 21:1-31
21 Muchima wamwangana unapu nge kalwiji mulivoko lyaYehova.+Eji kuutalikisanga mweshomwo nasake.+
2 Mutu eji kumonanga jijila jenyi josena ngwenyi jinoloka,+Oloze Yehova eji kukekesanga michima.+
3 Kulinga mwakwoloka nomu mwaya chiyuloCheji kumwivwisanga Yehova kuwaha kuhambakana kuhana vimuna vakuvatula.+
4 Meso akatangalakaji namuchima wakulivwimbaVinapu nge linongo lyakutwaminyina muka-kuhuka kushili.+
5 Vyuma veji kujinanga vaka-mangana vyeji kufukilanga,+Oloze vaka-kulusuka kulinga vyuma veji kuhutwanga.+
6 Kuheta luheto nalilimi lyakwonga,Chinapu nge mbundu yize yili nakukakumuka, chinapu nge muheto wakutwala kukufwa.*+
7 Ulyanyi wavaka-kuhuka naukavahichikisamo vavene,+Mwomwo veji kukananga kulinga mwachiyulo.
8 Jijila jamutu wakulumbuka jeji kutangisanga,Oloze vilinga vyamutu wamwenemwene vyapwa vyakusungama.+
9 Chinawahe kutwama hamulungu wazuvo,Kuhambakana kutwama muzuvo yimwe napwevo wavikokojola.*+
10 Muka-kuhuka* eji kufwilanga vyuma vyavipi.+Keshi kwivwila vakwavo uselewako.+
11 Nge muka-kutoleka vanamuzangamisa, kaha vaze vazeneka chinyingi veji kupwanga namangana.Nge mutu wamangana mwanangakana, kaha mwapwa nachinyingi chachivulu.*+
12 Ou Wakwoloka eji kukekesanga zuvo yamuka-kuhuka,Kaha eji kukatumunanga vaka-kuhuka nakuvanongesa.+
13 Ou mwaliula kawelele kamuka-kuhutwa,Naikiye navakamuliula omu mwakatwa kawelele.+
14 Wana wakuhanyina kupenge weji kutulisanga matoto.+Kaha maswekeza* eji kuunjisanga kulundundu.
15 Muka-kwoloka mwawahilila hakulinga mwachiyulo,+Oloze chaluvinda kuli vaze vaka-kulinga vyuma vyavipi.
16 Mutu uze mwaseza jila yamangana,Mwakapwanga hamwe navafu.+
17 Ou azanga viseke mwakahutwa,+Kahou azanga vinyo namaji keshi kukapitako.
18 Muka-kuhuka napu ndando yakusokola muka-kwoloka.Kaha muka-kumbembejeka navakamushisa kuli muka-kusungama.+
19 Chinawahe kutwama mupambo,Kuhambakana kutwama napwevo wavikokojola* nachikela.+
20 Muzuvo yamuka-mangana mwatwama vikumba vyandando namaji amwaza,+Oloze chiheu mwenyeka* vikumba vyenyi.+
21 Weshowo mwafwila vilinga vyakwoloka nazangi yakwilila,Mwakawana kuyoya, nakwoloka, naupahu.+
22 Muka-mangana nahase kwingila munganda* yavindume,Nakwenyeka vyuma vize vajika michima yavo.+
23 Ou mwakinga kanwa kenyi nalilimi lyenyi,Mwalihenda kuukalu.+
24 Mutu wakazamuzamu, wamituto,Apwa muka-kulitukwojola nakulinga vyuma chamulingila.+
25 Vyuma eji kufwilanga muvwa navikamutwala kukufwa,Mwomwo eji kukananga kuzata milimo.+
26 Eji kufwilanga vyuma lwola lwosena,Oloze muka-kwoloka eji kuhananga, keshi kuminako.+
27 Kachi nge chimuna wakuvatula wamuka-kuhuka napu waunyengwe,+Nyi ngachilihi nge mwamuhana namuchima waupi?*
28 Chinjiho wakwonga mwakanonga,+Oloze muka-kwivwilila kanawa mwakahana unjiho wakwoloka.
29 Muka-kuhuka apwa wakuhamuka,+Oloze muka-kusungama akwechi jila yakwoloka.+
30 Kakweshi mangana, nakunangakana, nachinyingi chavatu vize navihasa kuhonesa Yehovako.+
31 Kavalu veji kumulongeselanga likumbi lyajita,+Oloze ulwilo unapu wakuli Yehova.+
Kwinyikila Chamwishi
^ Chipwe pamo, “muheto wavaze vali nakutonda kufwa.”
^ Chipwe “wakwivwisa chipekete.”
^ Chipwe “Mwono wamuka-kuhuka.”
^ Chipwe “kaha mwatachikiza mwakulingila.”
^ Hepe., “maswekeza ahatulo.”
^ Chipwe “wakwivwisa chipekete.”
^ Hepe., “mwamina.”
^ Chipwe “nahase kufungulula nganda.”
^ Chipwe “navilinga vyaunyengwe.”
