Vishimo 13:1-25
13 Mwana wamangana eji kwitavilanga mazu navamuhuhumuna kuli ise,+Oloze muka-kutoleka keshi kwivwilila kumazu akumuhanjikilako.*+
2 Mutu eji kusuulukanga namazu amwaza amukanwa kenyi,+Oloze muka-kumbembejeka afwila ulyanyi.
3 Ou mwalama kanwa kenyi ali nakukinga kuyoya* chenyi.+Oloze ou mwahanjika nakulusuka mwakanonga.+
4 Muvwa eji kufwilanga vyuma okunyi keshi navyoko,+Oloze muka-kuzata nangolo mwakafukila.*+
5 Muka-kwoloka ahunga makuli,+Oloze vilinga vyamuka-kuhuka vyeji kumwivwisanga sonyi nakumusawisa.
6 Vilinga vyakwoloka vyeji kukinganga vatu vakulonga,+Oloze vilinga vyakuhuka vyeji kwinyisanga muka-shili.
7 Kwali ou mwalisolola kupwa muka-luheto, oloze keshi nalwoko.+Kaha kwali nawa ou mwalisolola kupwa chihutu, oloze ali naluheto lwaluvulu.
8 Luheto lwamutu lunapu nge ndando yakusokola mwono wenyi,+Oloze muka-kuhutwa keshi kwivwa womako.*+
9 Mumunyi wamuka-kwoloka weji kutamukanga chikuma.*+Oloze linongo lyamuka-kuhuka navakalijima.+
10 Kazamuzamu keji kukatulanga vikokojola,+Oloze vaze navehula vakwavo vavakafwe* vakwechi mangana.+
11 Luheto lwakuwana muwashiwashi* lweji kukumanga,+Oloze luheto lwakuwana chikoki chikoki* lweji kwililanga.
12 Nge vyuma natalilila mutu vinashimbula kutesamo, cheji kwivwisanga kumuchima kukola,+Oloze nge chuma nafwila mutu chinatesamo, kaha chinapu nge mutondo wakuyoya.+
13 Ou mwalumbilisa jindongi* navakamuzangamisa,+Oloze ou mwalama jishimbi navakamufweta.+
14 Kunangula* chamuka-mangana chinapu kasulu kakuyoya,+Kaha najipeula mutu kumiheto yakutwala kukufwa.
15 Kunangakana cheji kulingisanga mutu vamwivwile uselewa,Oloze jila yamuka-kumbembejeka yapwa yayikalu.
16 Mutu wakuzangama eji kuzatanga nachinyingi,+Oloze chileya eji kusololanga uleya wenyi.+
17 Kanganda wakuhuka mwengila muukalu,+Oloze temesa wakushishika eji kunganyalisanga.+
18 Weshowo mwakana kumunangula mwakahutwa nakusauka,Oloze ou mwetavila kumwolola* navakamwalisa.+
19 Nge chuma afwila mutu* chinatesamo cheji kumwivwisanga kuwaha.+Oloze viheu kavasaka kuseza vilinga vyavipiko.+
20 Ou mwatambuka navaka-mangana mwakapwa muka-mangana,+Oloze ou mwalikatanga naviheu mwakamona lupi.+
21 Vihuli vyeji kuwananga vaka-shili,+Oloze vaka-kwoloka navatambula vyamwaza.+
22 Mutu wamwenemwene eji kusezanga uswana kuli vazukulu jenyi,Oloze luheto lwamuka-shili navakalulamina muka-kwoloka.+
23 Wande wamuka-kuhutwa weji kwimanga jimbuto jajivulu,Oloze vanahase kujimbatamo chakuzeneka kukava chiyulo.
24 Weshowo mwazeneka kuzangamisa mwanenyi amuhunga,*+Oloze ou azanga mwanenyi mwamuzangamisa mujila yamwaza.*+
25 Muka-kwoloka mwakalya nakwikuta,+Oloze mujimo lyamuka-kuhuka kamweshi kukapwa vyakulyako.+
Kwinyikila Chamwishi
^ Chipwe “akumwololako.”
^ Chipwe “mwono.”
^ Hepe., “mwakatohwa.”
^ Hepe., “keshi kwivwa mazu akumutenukilako.”
^ Hepe., “weji kuwahililanga.”
^ Chipwe “vaze vanatwame punga navakwavo.”
^ Chipwe “Luheto lwakuwanyina mumilimo yaufwefwelekete.”
^ Hepe., “lwakukungulula namavoko.”
^ Chipwe “mazu.”
^ Chipwe “Jishimbi.”
^ Chipwe “kumuhanjikila.”
^ Chipwe “chuma wafwila mwono.”
^ Hepe., “Weshowo mwazeneka kuzachisa chitondo ahunga mwanenyi.”
^ Chipwe pamo, “mwamuzangamisa washiwashi.”
