Yoela 2:1-32
2 “Vumijai lusengo mu Ziona!+
Elai lwanji lwa divita mu lūlu lwami lujila.
Bekadi bonso ba ntanda* bazakale,Mwanda difuku dya Yehova dīyanga!+ Dibafwena!
2 I difuku dya fukutu ne mfindi,+Difuku dya makumbi ne mfindi bwī,+Pamo bwa mwinya wa lubanga wasa pa ngulu.
Kudi bantu bavule kadi bakomokomo;+Kashā kekwaikele bantu pamo bwa abo,Kadi kekukekalapo bakwabo badi bwa aboMu myaka ya nkongo yonsololo.
3 Mudilo usōkanga ku meso abo,Kadi lubimbi lulotejanga kunyuma kwabo.+
Ntanda idi kumeso kwabo idi pamo bwa budimi bwa Edena,+Ino kunyuma kwabo, i mu ntanda mutuputupu musalwe,Kadi i kutupu kintu kipanda nansha kimo.
4 Bamwekanga pamo bwa tubalwe,Kadi bendanga lubilo pamo bwa tubalwe twa divita.+
5 Lunwa ludi pamo bwa lwa makalo poakanda pangala pa ngulu,+Pamo’nka bwa kutoloka kwa mudilo utēma uloteja bityakuku.
Kidi pamo bwa bantu bakomokomo betungile mu mulongo wa bulwi.+
6 Pa mwanda wabo, bantu bakamona malwa.
Mapala onso akajingakana.
7 Batambañananga pamo bwa bantu ba bulwi,Bakandanga lubumbu pamo bwa basola,Muntu ne muntu wenda mu dishinda dyandi,Kadi kebasāsukangapo mu tushinda twabo.
8 Kebetononangapo abo bene na bene;Muntu ne muntu wenda ku meso mu dyandi dishinda.
Shi byabulwi bibaponeja bamo,Bakwabo kebatambangapo mu milongo.
9 Bapejanga kutwela mu kibundi, benda lubilo pa lubumbu.
Bakandanga pa mobo, batwelela pa madidisha pamo bwa ngivi.
10 Ntanda izakalanga, madiulu nao atetema ku meso abo.
Dyuba ne kweji bibafīta,+Ñenyenye nayo keibumbudima.
11 Yehova ukatulula diwi dyandi ku meso a kibumbo kyandi kya divita,+ mwanda nkambi yandi i mikatampe bininge.+
Mwanda yewa ufikidijanga kinenwa Kyandi i mukomokomo;Mwanda difuku dya Yehova i dikatampe kadi dilenga nzuba+ bya binebine.
Le i ani ubwanya kwidyūminina?”+
12 “Ino pano,” i Yehova unena, “jokelai kondi na mityima yenu yonso,+Ne kushikilwa na nzala+ ne kudila ne kuyoyokota miyoa.
13 Sanai mityima yenu,+ ke bivwalwa byenupo,+Kadi jokelai kudi Yehova Leza wenu,Mwanda aye i wa kanye* ne lusa, wija pa kukwatwa bulobo+ kadi muyule buswe bwa ndamatyidile,+Kadi ukashinta milangwe pa* kyamalwa.
14 Le i ani uyukile shi ukealuja ne kushinta milangwe*+Ne kushiya madyese,Kyamulambu kya miseke ne kyamulambu kya bitomibwa kya Yehova Leza wenu?
15 Vumijai lusengo mu Ziona!
Elai lubila lwa* kushikilwa na nzala; ityijai kitango kikola.+
16 Kongakanyai bantu; pandulai kipwilo.+
Bungai banunu;* kongakanyai bana ne bana bakyamwa.+
Musoñañani atambe mu kyumba kyandi kya munda, mutundaile nandi mu kyumba kyandi kya butundaile.
17 Pa bukata bwa kibidi kya pa kibelo ne kisōkelo,+Babitobo, bengidi ba Yehova, badile ne kunena’mba:
‘A Yehova, fwila bantu bobe lusa;Kokalamuna bupyani bobe ke kintu kya kuzobejibwa,Uleke mizo ibabikale.
I kika kikanenena bantu amba, “Le Leza wabo udi kwepi?”’+
18 Ebiya Yehova ukapyasakena ntanda yandiNe kwivwanina bantu bandi lusalusa.+
19 Yehova ukalondolola bantu bandi amba:
‘Nsa kwimutumina miseke ne vinyu mipya ne māni,Kadi mukekuta bya binebine;+Nkikemwalamunapo monka bu kintu kya kutukibwa mu mizo.+
20 Wa kungala, nkamupangila kulampe nenu;Nkamupalakenya mu ntanda mutuputupu mūmu kadi musalwe,Ne balami bandi ba kumeso* dya ku dijiba dya kutunduka,*Balami bandi ba kunyuma nabo dya ku dijiba dya kushika.*
Luvumba lubi lutamba kwadi lukakanda,Kununka kwandi kubi kukakanda’nka kukanda;+Mwanda Aye ukalonga bintu bikatampe.’
21 A ntanda, kokakwatwa moyo.
Sangala ne kusepelela, mwanda Yehova ukalonga bintu bikatampe.
22 A banyema ba ntanda, kemwakakwatwai moyo,Mwanda madyo a mu ntanda mutuputupu akekala ke mabishi,+Kadi mityi ikapa bipa;+Kikuyu ne muñanza bikaleta bipa byayo.+
23 Banwe bana ba Ziona, sangalai ne kusepelela mudi Yehova Leza wenu;+Mwanda aye ukemupa mvula wa ku ngalwilo mubwane senene,Kadi ukemutumina kinya kya mvula,Mvula wa ku ngalwilo ne mvula wa ku muketeko, enka na dibajinji.+
24 Bipūdilo bikayula miseke milumbuluke,Byengelo nabyo bikamwangala vinyu mipya ne māni.+
25 Nkemufuta myakaYadile kibumbo kya njie, njie yampikwa masala, njie ya kyonakanya, ne njie iketaketa,Kibumbo kyami kikatakata kya divita kyonatumine momudi.+
26 Bine mukadya ne kwikuta,+Kadi mukatendela dijina dya Yehova Leza wenu,+Wemulongēle bintu bya kutendelwa;Bantu bami kebakafwijibwapo monka bumvu.+
27 Kadi mukayuka’mba amiwa ngidi mu bukata mwa Isalela+Ne amba ami ne Yehova Leza wenu+—i kutupu mukwabo!
Bantu bami kebakafwijibwapo monka bumvu.
28 Kupwa, nkapungulwila mushipiditu wami+ pa ngitu ya miswelo yonso,Kadi benu bana bana-balume ne bana bana-bakaji bakanena bupolofeto,Banunu benu bakalota bilotwa,Bansongwalume benu nabo bakamona bimonwa.+
29 Ne pa bapika bami bana-balume ne pa bapika bana-bakaji peneNkapungulwila’po mushipiditu wami mu oa mafuku.
30 Kadi nkaleta bintu bya kutendelwa* mūlu ne panshi,Mashi, mudilo, ne malenga a mwishi.+
31 Dyuba dikalamuka ke fukutu, kweji nandi ke mashi+Kumeso kwa kwiya kwa difuku dikatampe dilenga nzuba dya Yehova.+
32 Kadi ense wa kwita dijina dya Yehova ukapandanga;+Mwanda pa Lūlu lwa Ziona ne mu Yelusalema mukekala boba bapandile,+ monka mwanenena’kyo Yehova,Bashele bōmi betwa na Yehova.”
Kunshi kwa Dyani
^ Nansha’mba “pano panshi.”
^ Nansha’mba “ufwila lusa.”
^ Nansha’mba “ukealakanya pa.”
^ Nansha’mba “kwialakanya.”
^ Kishima pa kishima i, “Pandulai.”
^ Nansha’mba “bakulumpe.”
^ Kishima pa kishima i, “mpala.”
^ Ko kunena’mba, Dijiba Difwe.
^ Ko kunena’mba, Dijiba dya Meditelanea.
^ Nansha’mba “bilomboji.”
