Yesu wāsapwidile balondi bandi balonge “bana ba bwanga mu bantu ba ku mizo yonso.” (Mateo 28:19, 20) Yesu paātumine bana bandi ba bwanga babajinji, wēbanenene bende ku mobo a bantu. (Mateo 10:7, 11-13) Yesu pa kupwa kufwa, bene Kidishitu babajinji bāendelele na kusambakanya musapu wabo “ku meso a bantu bonso ne ku njibo ne njibo.” (Bilongwa 5:42; 20:20) Tulondanga kimfwa kya bano bene Kidishitu babajinji kadi tumwene amba kusapula ku njibo ne njibo i muswelo muyampe wa kwitana na bantu.