Enda ku bidi'mo

Batumoni ba Yehova

Tonga Ludimi Kiluba

I Kika Kyendela Batumoni ba Yehova ku Bantu Badi Kala mu Bipwilo Byabo?

I Kika Kyendela Batumoni ba Yehova ku Bantu Badi Kala mu Bipwilo Byabo?

Bantu bavule badi kala mu bipwilo byabo basangelanga kwisambila pa myanda ya mu Bible. Batwe, tulēmekele bwanapabo bwa muntu kwikala na nkulupilo mishile na yetu, kadi ketuningilangapo musapu wetu ku muntu nansha umo.

Potwisamba ya bipwilo, tuloñanga bukomo bwa kulonda madingi a mu Bible a kulonga namino na “butūkanye” ne “bulēme bukatampe” ku bantu. (1 Petelo 3:15) Tuyukile amba kudi bamo babwanya kupela musapu wetu. (Mateo 10:14) Inoko, ketuyukangapo kala shi muntu usa kupela. Kikwabo kyotuyukile i amba ngikadilo ya bantu ishintanga.

Kimfwa, muntu ubwanya kubulwa kyaba dyalelo ino wasangela kukesamba netu difuku dikwabo. Kadi muntu ubwanya kutanwa na makambakano nansha myanda mikomo, yamulengeja asangele kwivwana musapu wa mu Bible. O mwanda tunangilanga bantu mu bitatyi palapala.