TIMOKO 24
Ngano bambazi ni banani mpe nti basaka?
Yehova zololo ti tazaba kanda diandi die ku zulu. Mu kanda diango, mwe na bambazi, babatâka “bala ba Nzambi.” (Yobe 38:7) Nti Bibila ditâka mu bambazi? Nti basaka kwe bantu? Ngano mbazi zazansoni mu kanda dia Nzambi zena?
1. Ngano bambazi ni banani?
Yehova wasala bambazi ntete kasala mutoto. Ntiana Yehova, ka bamonekaka ko, mpeve zena zibâka ku zulu. (Bahebre 1:14) Milio zazingi za mbazi ze kô, mpe muna mbazi bifu biandi bie nandi. (Nzabukusu 5:11) “Zu dia Yehova balungisaka, bu bakwe tumamane diambu diandi.” (Mikunga 103:20) Mu ntama, Yehova bambazi mpe keri tambikaka mu hana nsangu, mu bakisa na mu vukisa kanda diandi. Lumbu ti bambazi, Bakristo batwarisaka kwe bantu bazololo mu zaba Nzambi.
2. Ngano Satana na bademo ni banani?
Mbazi zakaka ka zatatamana ko mu bâ ba kwikama kwe Yehova. Mbazi ya ntete yakolama ni yandi “wu batâ nkumbu Diabulu, na Satana, ta wubakasa nza ya mukaka.” (Nzabukusu 12:9) Satana wazolo kayâla bantu, ntiangu kahuna Adame na Eva, wahuna mpe mbazi zakaka mu kolama kwe Yehova. Mbazi zo zakolama bademo babatâka. Yehova wabakuma ku zulu, mpe mbo kabahonda.—Tanga Nzabukusu 12:9, 12.
3. Bwe Satana na bademo bayêlaka mu tu huna?
Satana na bademo bantu bahuninaka mu bunganga, ye nsalulu ya mbi yi bayêlelaka mu zonza na bademo. Mu tifwani, bantu babingi bamonekenaka bantu badingaka mu bangula bidimbu (astrologues), babangulaka misamu mikwiza, bô basarilaka lumoni, na bandoki. Bakaka, mpila za bukila zi sarilaka bunganga badingaka. Bakaka mpe, lukwikulu lubâka nawu ti balendi zonza na ba fwa. Kâ Yehova tu lwengese ti: “Ka lwendandi kwe banganga, mpe ka lumonekenandi bantu badingaka mu bikula.” (Levitike 19:31) Yehova tu heni malongi mo mu tu kengerela mu Satana na bademo. Bawu mbeni za Nzambi zena mpe, bazololo batumwisa mpasi.
YIKA NDILU
Longoka misamu mia mbote mi saka bambazi, mitambu mia bunganga mpe, bwe tulendi tikengerela mu Satana na mu bademo.
4. Bambazi bantu babakisaka mu zaba Yehova
Mbazi za Nzambi ka zisamunaka kwe bantu ko. Kâ, balendi twarisa bisari bia Nzambi kwe bantu bazololo mu zaba Nzambi. Tangeno Nzabukusu 14:6, 7, mpe zonzeleno biyuvu ebi:
-
Mu bungu dia nti twe na nsatu lubakusu lwa bambazi mu samuna?
-
Ngano musamu wa mbote wena mu zaba ti bambazi balendi ku twarisa kwe bantu bazololo mu wâ misamu mia Bibila? Mu bungu dia nti?
5. Losa bunganga
Satana na bademo mbeni za Yehova zena. Mbeni zeto mpe zena. Tangeno Like 9:38-42, mpe zonzeleno tiyuvu eti:
-
Bademo nti basaka kwe bantu?
Ka tuzololo’â ko tahana bademo nzila mu kota mu luzingu lweto. Tangeno Lubambu 18:10-12, mpe zonzeleno biyuvu ebi:
-
Bwe bademo bayêlaka mu tu huna mpe bwe bayêlaka mu zonza na beto? Ntia nsalulu bavulu sarilaka mu tizunga tiaku?
-
Ngano musamu wa mbote wena kwe nge ti, Yehova bu katuyiminaka mu sarila bunganga? Mu bungu dia nti?
Taleno VIDEO, mpe zonzeleno biyuvu bita landa.
-
Mu nge, ngano tima tia kanga Palesa kwe mwana’andi kengerela tieri mu kengerelaka? Mu bungu dia nti?
-
Palesa nti kafweti sa mu tikengerela mu bademo?
Ntangu zazansoni, Bakristo ba matieleka bademo batelamanaka. Tangeno Bisalu 19:19 na 1 Bisi-Korente 10:21, mpe zonzeleno tiyuvu eti:
-
Mu bungu dia nti we mfunu mu losa tima ni tima tie naku tie tintwari na bunganga?
6. Nunga mvita za Satana na bademo
Bademo mu lutumu lwa Satana bêna. Kâ mbazi za kwikama mu lutwalusu lwa Mikayele Mfumu-Bambazi zena, ye nkumbu yakaka ya Yezu. Ngano Mikayele ntia ngolo ze nandi? Tangeno Nzabukusu 12:7-9, mpe zonzeleno biyuvu ebi:
-
Ngano nani yôkele mu ngolo? Mikayele na mbazi zandi, peleko Satana na bademo bandi?
-
Mu nge, ngano milongoki mia Yezu mifweti tîna Satana na bademo bandi?
Lendi nunga mvita za Satana na bademo. Tangeno Zaki 4:7, mpe zonzeleno tiyuvu eti:
-
Bwe lendi tikengerela mu Satana na bademo?
TALA TI BAKUTÊLELE: “Ka wena musamu wa mbi ko mu sa nsaka peleko mu tala filme zizonzelaka bunganga. Nsaka kwa zena.”
-
Mu bungu dia nti mabanza mo me mutambu?
MU BUKUFI
Mbazi za kwikama bakisa zitubakisaka. Satana na bademo bandi mbeni za Yehova zena, mpe bunganga basarilaka mu huna bantu.
Biyuvu bia mbambukulu
-
Bwe mbazi za Yehova zibakisilaka bantu mu zaba Yehova?
-
Satana na bademo bandi ni banani?
-
Mu bungu dia nti ta zolo losa bunganga?
ZABA BIAKAKA
Longoka misamu mita songela ti Yezu ni Mikayele Mfumu-Bambazi.
“Ngano Mikayele Mfumu-Bambazi ni nani?” (Mutu-diambu wa mu Internet)
Tala bwe mukento wumosi wakatukila mu lutumu lwa bademo.
“Ngano Diabulu wa matieleka wena?” (Mutu-diambu wa mu Internet)
Taluzula misamu mita songela ti Satana kena tifu tia mbi tie mu beto ko.
“Wadzukula nsasa ya luzingu” (Nzo ya Zangama ya Munkengi, 1er juillet 1993)
Zaba bwe Satana kasarilaka bunganga mu huna bantu.
“Matieleka mu musamu wutariri mazi na tindoki” (La route qui mène à la vie éternelle, lweka 5)
