ចូរចាំយាម!
តើមានមូលហេតុឲ្យមានសង្ឃឹមនៅឆ្នាំ២០២៤ទេ? តើគម្ពីរចែងយ៉ាងណា?
មនុស្សជាច្រើនគិតថាបញ្ហាផ្សេងៗដែលនឹងកើតឡើងនៅពិភពលោកនាឆ្នាំ២០២៤នេះ គ្មានដំណោះស្រាយទេ។ ប៉ុន្តែតាមពិត មានសេចក្ដីសង្ឃឹមនៅថ្ងៃអនាគត។ តើយើងអាចរកឃើញនៅឯណា?
គម្ពីរផ្ដល់សេចក្ដីសង្ឃឹម
គម្ពីរសន្យាថា ព្រះនឹងដោះស្រាយបញ្ហាទាំងអស់ រួមទាំងបញ្ហាសព្វថ្ងៃដែលប្រហែលជាធ្វើឲ្យយើងអស់សង្ឃឹម។ មិនយូរទៀត ព្រះ«នឹងជូតអស់ទាំងទឹកភ្នែកចេញពីភ្នែករបស់[យើង] ហើយសេចក្ដីស្លាប់នឹងលែងមានទៀត ទុក្ខព្រួយ ការស្រែកយំ និងការឈឺចាប់ ក៏នឹងលែងមានទៀតដែរ»។—ការបើកបង្ហាញ ២១:៤
ដើម្បីរៀនថែមទៀតអំពីសេចក្ដីសន្យាក្នុងគម្ពីរសម្រាប់ថ្ងៃអនាគត សូមអានអត្ថបទដែលមានចំណងជើងថា«សេចក្ដីសង្ឃឹមដ៏ពិតប្រាកដកំពុងរង់ចាំអ្នក»។
របៀបដែលគម្ពីរអាចជួយលោកអ្នកនៅឥឡូវនេះ
គម្ពីរផ្ដល់សេចក្ដីសង្ឃឹមសម្រាប់ថ្ងៃអនាគតដែលអាចជួយអ្នកឲ្យបំបាត់ចោលចិត្តគំនិតមិនត្រឹមត្រូវ ហើយជួយអ្នកឲ្យមានទស្សនៈត្រឹមត្រូវជាង។ (រ៉ូម ១៥:១៣) បន្ថែមទៅទៀត គម្ពីរមានយោបល់ល្អៗដែលអាចជួយអ្នក ពេលមានបញ្ហាជីវភាព ពេលរងភាពអយុត្តិធម៌ និងពេលធ្លាក់ខ្លួនឈឺ។
សូមស្វែងយល់ថែមទៀតអំពីរបៀបដែលបុរសម្នាក់បានទទួលប្រយោជន៍ពីសេចក្ដីសង្ឃឹមក្នុងគម្ពីរ។ ទោះជាគាត់ក្រក៏ដោយ គាត់អាចមានសេចក្ដីសុខសាន្តនិងសុភមង្គល។ សូមមើលវីដេអូជូន ផាប់ឡូ ហ្សេមេណូ: ព្រះយេហូវ៉ាបានផ្ដល់ឲ្យខ្ញុំនូវជីវិតដែលមានន័យខ្លឹមសារ។
សូមស្វែងយល់របៀបដែលគម្ពីរអាចជួយអ្នក ពេលមានអារម្មណ៍បន្ទោសខ្លួន ក្រៀមក្រំចិត្ត ថប់បារម្ភ និងសោកសង្រេងពេលមនុស្សជាទីស្រឡាញ់ស្លាប់។ សូមអានអត្ថបទដែលមានចំណងជើងថា«តើខ្ញុំអាចរកពាក្យដែលសម្រាលទុក្ខខ្ញុំក្នុងគម្ពីរបានទេ?»។
សូមមើលរបៀបដែលទាហានស្រីដ៏ឆ្នើមម្នាក់ដែលធ្លាប់ជាមនុស្សសោះកក្រោះនិងមិនខ្វល់ពីអ្នកឯទៀត បានរកឃើញសេចក្ដីសង្ឃឹមពិតប្រាកដក្នុងគម្ពីរ។ សូមមើលវីដេអូខ្ញុំលែងកាន់កាំភ្លើងទៀត។
សូមធ្វើឲ្យឆ្នាំ២០២៤ទៅជាឆ្នាំល្អសម្រាប់អ្នកនិងក្រុមគ្រួសារ។ សូមរៀនថែមទៀតអំពីរបៀបដែលគម្ពីរអាចជួយអ្នក។ សូមសាកល្បងរៀនវគ្គសិក្សាគម្ពីរដោយឥតគិតថ្លៃ។ សូមស្វែងយល់របៀបដែលព្រះអាចជួយអ្នកមាន«សេចក្ដីសុខសាន្ត»នៅឥឡូវនេះ និងមាន«សេចក្ដីសង្ឃឹមនិងអនាគតល្អប្រសើរ»។—យេរេមា ២៩:១១
លោកអ្នកក៏ប្រហែលជាចូលចិត្តដែរ
សំណួរនិងចម្លើយពីគម្ពីរ
សន្តិភាពនៅផែនដី តើនេះនឹងកើតឡើងយ៉ាងដូចម្ដេច?
សូមរៀនអំពីអ្វីដែលព្រះសន្យាថាលោកនឹងធ្វើដើម្បីនាំឲ្យមានសេចក្ដីសុខសាន្តនៅទូទាំងពិភពលោកតាមរយៈរាជាណាចក្ររបស់លោក។
សេចក្ដីបង្រៀនសំខាន់ៗក្នុងគម្ពីរ
ហេតុអ្វីព្រះបានបង្កើតផែនដី?
ផែនដីយើងពោរពេញទៅដោយទេសភាពដ៏ស្រស់ស្អាត។ ផែនដីបានត្រូវដាក់នៅចម្ងាយត្រឹមត្រូវពីព្រះអាទិត្យ វាមានអ័ក្សទ្រេតត្រឹមត្រូវ ហើយរង្វិលខ្ញាល់របស់វាក៏ក្នុងល្បឿនត្រឹមត្រូវដែរ។ ហេតុអ្វីព្រះបានយកចិត្តទុកដាក់យ៉ាងខ្លាំងក្នុងការបង្កើតផែនដី?
ភ្ញាក់
ភពលោកដ៏ច្របូកច្របល់ ការពារសេចក្ដីសង្ឃឹមរបស់អ្នក
គម្ពីរជួយយើងឲ្យយកឈ្នះបញ្ហាផ្សេងៗក្នុងជីវិតរបស់យើង ហើយផ្ដល់សេចក្ដីសង្ឃឹមសម្រាប់អនាគត។
