Ukiut 3000-t missaasa matuma siorna ima taalliortoqarpoq: ‘Pinngortitaavunga tupinnangaartumik.’ (Tussiaat 139:14) Naalungiarsuup cellemiit ataatsimit pinngoriartornera tupinnangaarpoq, ilaa? Inuppassuit upperaat Pinngortitsisup uumassusillit pinngortissimagai. — Tussiaat 139:13-15; Hebræerit 3:4 atuakkit.

Qilammik nunamillu Pinngortitsisup nunarsuarmillu inuuffigineqarsinnaalersitsisup aamma uumassusillit pinngortippai. (Tussiaat 36:10) Inuit attaveqarfigisarsimavai kinaassutsinilu pillugu paasitittarlugit. — Esaja 45:18 atuaruk.

Annikitsorpassuartigut timerput uumasut timaannut assinguvoq. Taamaanneranulli pissutaavoq inuit uumasullu Pinngortitsisumit nunarsuarmi inuusussatut ilusilerneqarsimanerat. Inuk siulleq issumit, uumasuninngaanniinngitsoq, pinngortippaa. — 1 Mosesi 1:24; 2:7 atuakkit.

Inuit uumasunit pingaarutilinnik assigiinngissuteqarput. Siullermik, inuit Pinngortitsisoq ilisarisimasinnaallugulu asasinnaallugulu ataqqisinnaavaat. Aappassaanik, uumasut naassaanngitsumik uumasinnaasutut pinngortitaanngillat, inuilli naassaanngitsumik inuusinnaasutut pinngortitaapput. Maannakkulli inuit tamarmik toqumik kingornussisimapput inuup siulliup Pinngortitsisup siulersuinera itigartimmagu. — 1 Mosesi 1:27; 2:15-17 atuakkit.