Imarisai

Imarisai

Qamuuna eqqissineq nanineqarsinnaava?

Qamuuna eqqissineq nanineqarsinnaava?

 Qamuuna eqqissineq nanineqarsinnaava?

1854-imi atuakkiortoq Henry Thoreau allassimavoq: „Amerlanerussuteqangaartut isumatsassimanertik nipaatsumik atorpaat.“

Taassuma naalani ikinnerpaaginnaat qamuuna eqqissisimasimagunarput. Kisiannimi ukiut 150-ingajaat matuma siorna taamaassimavoq. Ullumikkut allaava? Thoreaulluunniit oqaasii suli eqqortortaqarpat? Illimmi? Naammagisimaarpit eqqissisimallutillu? Aarlerissuteqarpilluunniit siunissaq nalorninartoqartillugu, imaluunniit, Thoreaup oqaasii atorlugit, ’isumatsassimassuteqarpit nipaatsumik atukkannik’?

AJORALUARTUMIK silarsuarmi sorpassuaqarpoq qamuuna eqqissiunnaartitsisunik. Assersuutit ilaminiinnanngui aaku: Nunarpassuarni suliffissaaleqineq akissarsiakinnerlu piitsunngortitsisarput aningaasatigullu ajornartorsiortitsisarlutik. Nunani allani inuppassuit nukitik pisuunngorniarnermut nunallu piinik pissarsiniarnermut atortarpaat. Ernumallunili unammillertumik inooriaatsip eqqissineq kingunerigajunngilaa. Nappaatit, pinerluttuliornerit, naapertuilluanngitsuliornerit naqisimanninnerillu aamma eqqissiunnaarutaasarput.

Qamuuna eqqissineq ujarpaat

Amerlasuut silarsuup taamaannera akueriumanngilaat. Antônio * Brasiliami São Paulomi suliffissuarmi sulisartut peqatigiiffiata kattuffiani siulittaasuuvoq. Inuunermi pissutsit pitsaanerulernissaat neriuutigalugu akerliussutsimik takutitsinerni iliuuseqarnernilu peqataasarpoq. Sulili naammagisimaalinngilaq.

Ilaat inuulluarnerulerniarlutik aappartaartarput, ikittuunngitsulli pakatsisarput. Soorlu Marcos taamaassimasoq. Niuertutut iluatsitsilluarsimavoq politikkerinngortoq illoqarfimmilu suliffissuaqarfiusumi borgmesterinngorluni. Ilaqutariinnili inuunerat ajorpoq. Meeqqat allamut nuummata isumaqatigiinngissutit pissutigalugit nulianilu averuserput.

Gerson, Brasiliami Salvadorimi meeraq aqqusinermi inuusoq, misigisaqarniarluni angalaniarpoq. Siunertaqarani illoqarfimmiit illoqarfimmut lastbiilinut  akiliinani ilaaffissarsiortarluni angalavoq. Sivitsunngitsoq ikiaroornartunut uerivoq ileqqupilunilu akissaqartinniarlugu inunnik saassussisarluni. Arlaleriarluni tigusaasarpoq. Gerson saassussiumatuuvoq persuttaajumatuullunilu, taamaakkaluartoq qamuuna eqqisserusoqaaq. Eqqissiva?

Vania anaanaarutiaarpoq angerlasimaffillu akisussaaffigilerlugu, nukkani napparsimasoq aamma paaqqutarisussaallugu. Vania naalagiartarpoq, Guutimilli pakatsisinneqartutut misigaluni. Aamma taanna isummamigut eqqissisimanngilaq.

Marcelo aamma taamaappoq. Nuannisarnissaq kisiat eqqarsaatigaa. Inuusuttut allat qassimiuaaqatigineri nuannaraa — qitillutik, imerlutik ikiaroorlutillu. Ataatsimik paasaqalerpoq angullu inuusuttoq aqqunarlugu. Tamatuma kingorna taamaaliorsimanini aliasuutigeqaa Guutimullu ikioqqulluni qinulluni. Isummamigut aamma eqqisserusuppoq.

Oqaluttuat taakkua pissutsinik qamuuna eqqissiunnaarutigisinnaasatsinnik oqaluttuarput. Sulisartut peqatigiiffiata kattuffiani siulittaasoq, politikkeri, meeraq aqqusinermi inuusoq, panik suliaqarpallaartoq festerumatoorluunniit qamuuna eqqissinermik piumaqisaminik nassaarpat? Nalaassimasaat ilinniarfigisinnaavavut? Soorlu allaaserisami tulliuttumi takussagipput apeqqutit taakku marluk angerneqarsinnaapput.

[Quppernerup ataani ilanngussaq]

^ imm. 6 Atit ilaat allanngortitaapput.

[Qupp. 3-mi assiliartaq]

Qamuuna eqqisserusuppit?