Imarisai

Imarisai

Guuti qanoq ittuua?

Guuti qanoq ittuua?

Inuup pis­susii ilisimanerujar­tor­til­lugit inuk taan­na ilisarisimaneruler­tar­par­put ikin­ngutigiil­luar­nerulersin­naal­lutalu. Taamatul­li Jehovap pis­susii ilisimanerujar­tor­til­lugit qanoq it­tuunera ilisimanerulis­savar­put ikin­ngutigiil­luar­nerulersin­naal­lutalu. Guutip pis­susiisa nuan­nersut ilaat sisamat im­mik­kuul­laris­suup­put: Pis­saanera, ilisimas­susia, naaper­tuil­luas­susia asan­nin­neralu.

GUUTI PISSAANEQARPOQ

‘Ila Guuti Naalagaq, il­lit pis­saanersuak­kut qilam­mik nunamil­lu pin­ngor­titsivutit.’ – JEREMIA 32:17.

Guutip pis­saanera pin­ngor­titaani erser­poq. Soorlu aasak­kut seqin­naris­sumi silamiik­kaangavit suna malugisar­piuk? Seqer­nup kis­sar­nera. Jehovap pis­saanerata pin­ngor­titsisar­tup kingunera malugisar­pat. Seqineq qanoq sak­kor­tutigaa? Oqar­toqar­tar­poq seqer­nup qeq­qa 15.000.000 gradinik kis­sas­suseqar­toq. Seqer­nup sekundimi ataatsimi qin­ngor­nera atombombit mil­lionit hundredelik­kuutaat qaar­nerisa naligaa.

Seqinerli ul­loris­sanut kisis­saan­ngitsunut sanil­liul­lugu mikivoq. Ilisimatuut naatsorsuutigaat ul­loris­sat an­ner­paat ilaasa UY Scuti-mik taaguutil­lip diameteria seqer­nup diameterianit 1.700-riaam­mik mis­siliorlugu anginerusoq. Angingaarami seqer­nup inaanut inis­sik­kaan­ni seqineq, nunarsuaq planetil­lu Jupiterip ingerlaarfia qal­lis­sagaluar­pai. Taman­na eq­qarsaatigigutsigu im­maqa Jeremiap oqaasii – Jehovap pis­saanersuarmigut qilak, tas­sa  avataarsua, nunarsuarlu pin­ngor­tik­kai – paasil­luar­nerus­savavut.

Guutip pis­saanera qanoq ilua­qutigaarput? Inuugin­nas­sagut­ta Guutip pin­ngor­titai pisariaqar­tip­pavut. Aam­ma Guutip pis­saanera inut­tut ataasiak­kaatut iluaqutigaar­put. Qanoq? Guutip Jiisusi nunamiim­mat tupin­nar­tuliorsin­naatip­paa. Ima al­las­simavoq: “Tap­piitsut tap­pis­sip­put, nukil­laarsimasut pisup­put, pupis­sut pupeerup­put, tusilar­tut tusaap­put, toqusut makip­put.” (Mat­thæusi 11:5) Ul­lumik­kum­mi? Biibilimi ima al­las­simavoq: “Qasusoq nakus­satsit­tar­paa. ... Naalak­kamik neriuf­figin­nit­tut nutaanik nukinis­sap­put.” (Esaja 40:29, 31) Ar­torsar­nitsin­ni misilin­neqar­nitsin­nilu piner­tusaarsin­naaq­qul­luta Guutip “pis­saaneq as­seqan­ngitsoq” tun­nius­sin­naavaa. (2 Korinthimiut 4:7) Guutip asan­ningaarluni pis­saanini kil­leqan­ngitsoq uagut pil­luta ator­tarmagu taas­sumun­nga qanil­lerusun­nar­poq, ilaa?

GUUTI ILISIMASSUSEQARPOQ

“Amerlangaar­put pin­ngor­titatit, Naalagaq! Pin­ngor­tip­patit tamaasa ilisimasuul­lutit.” – TUSSIAAT 104:24.

Guutip pilersitai paasinerujar­tor­til­lugit taas­suma ilisimas­susia tupigusuutiginerujar­tor­tar­par­put. Ilisimatuut Jehovap pin­ngor­titai misis­soq­qis­saar­tar­paat nam­minerlu sanaar­tor­nermin­ni pin­ngor­titarsuarmi as­silisas­sarsior­tarlutik. As­sigiin­ngitsor­pas­suit – ilaat pisariin­nerusut, soorlu nimerutit, ilaal­lu pisariunerusut, soorlu tim­misar­tut – pin­ngor­titarsuarmeersut as­silil­lugit sananeqar­tar­put.

Inuup isaa pinngortitaavoq tupinnangaartoq

Inuup timaa tupin­nangaar­toq Guutip ilisimas­susianut takus­sutis­saaner­paavoq. As­sersuutigeriar­tigu naalungiarsun­ngor­tus­sap ineriar­tor­nera. Man­nis­saq naar­tun­ngoraangat aal­lar­tit­tar­poq, tas­sa cel­limi ataatsimi inun­ngor­tus­sap qanoq it­tuunis­saanik sunik tamanik paasis­sutis­saqar­tar­poq. Cel­li taan­na nutaamik cel­lilior­tar­poq, cel­lil­lu as­sigiit amerlasuun­ngor­tar­put. Pif­fis­sarli eq­qorlugu cel­lit taak­ku al­latut it­tunik cel­liliuler­tar­put, soorlu aan­ngor­tus­sanik, sianiutin­ngor­tus­sanik saanin­ngor­tus­sanil­lu. Erininarsin­ngitsoq timip pisatai piuler­tar­put sulilerlutil­lu. Qaam­matil­lu qulingiluat ingerlanerin­naan­ni cel­li ataasiin­naasoq naar­tun­ngor­tar­poq ineris­simasoq mil­liardinik cel­lilik. Ilisimas­suseqarluni pin­ngor­titsineq taamaat­toq kil­litsis­sutigalugu inup­pas­suit Biibilimik ima al­lat­toq isumaqatigisar­paat: “Qutsavigis­savak­kit pin­ngor­titaagama tupin­nangaar­tumik.” – Tus­siaat 139:14.

Guutip ilisimas­susia qanoq iluaqutigaar­put? Pil­luas­sagut­ta suna pisariaqar­tik­kip­put Pin­ngor­titsisup nalun­ngilaa. Ilisimasaqarluarami paasin­nil­luar­tuul­lunilu oqaatsimini Biibilimi siun­nersorluarsin­naavaatigut. As­sersuutigalugu ima kajumis­saar­paatigut: ‘Isumak­keerfigeqatigiit­taritsi.’ (Kolos­semiut 3:13) Ilisimas­suseqarluar­tumit siun­nersuutaava? Aap. Misis­sueq­qis­saar­ner­nit paasineqarsimavoq isumak­keerfigin­nit­tar­tut sinil­luar­nerusar­tut aavisalu naqitsinerat qaf­fasin­ngin­nerusar­toq. Aam­ma nikal­lorujus­suar­nis­saat ilimanan­ngin­neruvoq, al­lanil­lu peq­qin­nerusar­put. Guuti ikin­ngutaavoq ilisimas­suseqarluar­toq, isumas­suiuaan­nar­tuul­lunilu iluaqutaasunik siun­nersuiuaan­nar­poq. (2 Timotheusi 3:16, 17) Taama it­tumik ikin­nguteqarusun­nar­poq, ilaa?

 GUUTI NAAPERTUILLUASSUSEQARPOQ

‘Naalak­kap eq­qor­toq iluaraa.’ – TUSSIAAT 37:28.

Guuti eq­qor­tumik ilior­tuaan­nar­poq. “Guuti ajor­tumik iliun­ngisaan­nar­poq, Ajugaqan­ngitsoq peq­quserlut­tumik ilior­neq ajor­poq.” (Jobi 34:10) Eq­qar­tuus­sineri eq­qor­tuusar­put, Jehovami pil­lugu ima al­las­simasoqar­poq: ‘Inuiaat eq­qar­tuut­tar­patit naaper­tuil­luar­tumik.’ (Tus­siaat 67:5) Jehovap ‘inuup uum­mataa isigisarmagu’ taan­na ilumoor­tuusaar­nik­kut sal­loqit­tar­neqarsin­naan­ngilaq, sunali ilumoor­tuusoq naluneq ajor­paa eq­qor­tumil­lu eq­qar­tuus­sisin­naal­luni. (1 Samueli 16:7) Aam­mat­taaq Guuti nunarsuarmi naaper­tuil­luan­ngitsulior­nerit peq­quserlun­neril­lu tamaasa eq­qumaf­figai, neriorsuivorlu qanit­tuk­kut ‘iluan­ngitsut nunamit piiagaas­sasut’. – Us­satit 2:22.

Guutili eq­qar­tuus­sisuun­ngilaq peq­qar­niitsoq pil­laarusuin­nar­toq. Naleq­quk­kaangat nal­lit­tuisar­poq. Biibilimi al­las­simavoq ‘naak­kin­nil­lunilu saam­maasuusoq’, al­laat peq­qis­simis­sutigisamin­nik ajor­tuliorsimasunut. Taman­na naaper­tuil­luar­tulioq­qis­saar­neruvoq, ilaa? – Tus­siaat 103:8; 2 Petrusi 3:9.

Guutip naaper­tuil­luas­susia qanoq iluaqutigaar­put? Apustili Petrusi ima oqar­poq: ‘Guuti kinaas­susersior­tuun­ngilaq, tas­saavorli inuiaqatigiin­ni kik­kuusuniluun­niit im­minik mianerin­nit­tumik iluar­tulior­tumil­lu ilas­sin­nit­tar­toq.’ (Apustilit Suliaat 10:34, 35) Tas­sa naaper­tuil­luar­tuunera iluaqutigaar­put. Inuiaas­sutsik­kut, ilin­niagaqar­nik­kut in­nut­taaqatigiin­nilu inis­sisimaf­fik­kut qanorluun­niit tunuliaqutaqaraluarut­ta Guutimit akuerineqarsin­naal­lutalu taas­sumun­nga pal­lorfigin­nilersin­naavugut.

Guuti kinaassusersiortuunngilaq, tamannalu iluaqutigisinnaavarput naggueqatigiinnit sorlerneersuugaluarutta innuttaaqatigiinnilu qanorluunniit inissisimagaluarutta

Guutip naaper­tuil­luas­sutsini uagutsin­nut iluaqutaatik­kusuk­kamiuk nalun­ngeqatigin­nis­susiler­paatigut. Biibilimi al­las­simavoq nalun­ngeqatigin­nis­suser­put ‘inatsisitut uum­matitsin­ni al­las­simasoq’ eq­qor­tumik eq­qun­ngitsumil­luun­niit pis­susilersor­nersugut ‘nalunaajaasuul­luni’. (Romamiut 2:15) Qanoq iluaqutigaar­put? Nalun­ngeqatigin­nis­suser­put eq­qor­tumik ilin­niar­titaasimap­pat ajoqutaasumik eq­qun­ngitsumil­luun­niit iliun­ngin­nis­samut  kajumis­sis­sutigis­savar­put. Kuk­kusimagaangat­talu peq­qis­siminis­samut kuk­kunaveersaar­nis­samul­lu kajumis­sisis­sin­naavaatigut. Guutip naaper­tuil­luas­susianik paasin­nik­kut­ta iluaqutigis­savar­put taas­sumun­ngalu qanil­lerusulerluta!

GUUTI TASSAAVOQ ASANNINNEQ

‘Guuti tas­saavoq asan­nin­neq.’ – 1 JOHANNESI 4:8.

Guuti pis­saanermik, ilisimas­susermik naaper­tuil­luas­susermil­lu ersersitsisar­poq, Biibilimili al­las­siman­ngilaq Guuti tas­saasoq pis­saaneq, ilisimas­suseq imaluun­niit naaper­tuil­luas­suseq. Al­las­simavorli tas­saasoq asan­nin­neq. Sooq? Guuti pis­saaneqarami iliuuseqarsin­naavoq, iliuuseqar­nerminilu naaper­tuil­luar­nini ilisimas­sutsinilu siulersor­tigisar­pai. Asan­nin­ninili kil­litsis­sutigalugu iliuuseqar­tar­poq. Iliuusiinul­lu tamanut asan­nin­nera sun­niuteqar­tar­poq.

Jehova amigaateqan­ngik­kaluarluni asan­nin­nerminit kil­lin­neqarluni silas­soris­suseqar­tunik, asan­nin­nerminit isumas­suinermil­lu iluaqutigin­nil­lutil­lu nuan­naarutigin­nit­tus­sanik, qilam­miit­tus­sanik nunarsuarmiit­tus­sanil­lu pin­ngor­titsivoq. Nam­minis­sarsior­nani nunarsuaq inun­nut pin­ngor­titaminut angerlarsimaf­fis­satut piareersar­paa. Inuil­lu tamaasa asan­nit­tuliorfigiuar­pai ‘seqer­ni ajor­tunut ajun­ngitsunul­lu nueq­qusarlugu sial­lersitsisarlunilu iluar­tunut iluaatsunul­lu’. – Matthæusi 5:45.

Jehovami aam­ma “nal­lit­tuingaar­poq saam­maas­singaarlunilu”. (Jaaku 5:11) Eq­qor­tuliorusut­tut im­minik ilisarisiman­nilerumal­lutik qanil­lerusul­lutil­lu iliuuseqar­tut asan­nit­tuliorfigai. Guutip inuit taamaat­tut im­mik­kut malugisar­pai. Aam­ma il­lit ‘isumas­sor­paatit’. – 1 Petrusi 5:7.

Guutip asan­nin­nera qanoq iluaqutigaar­put? Seqer­nup tarriler­nera alutorisar­par­put. Naalungiarsuup il­lar­nera nuan­naarutigisar­par­put. Ilaqut­tat qanigisat asan­nin­nerat qujamasuutigisar­par­put. Tamak­ku pingaar­nerun­ngik­kaluarlutik inuunitsin­nik nuan­ner­nerulersitsisar­put.

Guutip asan­nin­nera aam­ma ima iluaqutigaar­put: Taas­sumun­nga qinusin­naagat­ta. Ima kajumis­saar­neqar­pugut: “Sumil­luun­niit isumakuluuteqar­naveeritsi, kis­saatigisasili qanoq it­tuk­kul­luun­niit Guutimut saq­qum­miut­tarsigit qinul­lusi torlulal­lusilu qujal­lusilu.” Ataatatut asan­nit­tutut isumakuluutiginer­paasavut pil­lugit im­minut ikior­tis­sarsior­tas­sasugut kis­saatigaa. Taava Jehovap nam­minis­sarsiun­ngitsumik asan­nit­tup ‘eq­qis­sinermik Guutimit pisumik siuneqas­suser­nit tamanit an­nerungaar­tumik’ tuniumal­luta neriorsor­paatigut. – Filippimiut 4:6, 7.

Guutip pis­susiinik pingaar­ner­nik – soorlu pis­saaneranik, ilisimas­susianik naaper­tuil­luas­susianik asan­nin­neranil­lu – eq­qar­tuilaar­nik­kut Guutip qanoq it­tuunera takorloorluar­nerulersin­naaviuk? Guutimut qujamasun­neruleq­qul­lutit taan­na il­lit iluaqutigisan­nik qanoq iliorsimasoq qanorlu iliorumaar­toq pil­lugit paasiniaaq­qul­lutit kajumis­saar­patsigit.

GUUTI QANOQ ITTUUA? Jehova kimil­luun­niit pis­saaneqar­nerul­lunilu ilisimas­suseqar­nerul­lunilu naaper­tuil­luas­suseqar­neruvoq. Pis­susiali nuan­nariner­paasar­put tas­saavoq asan­nin­nera