1-3. Sooq ukiumi 33-mi piinsip ul­lua im­mik­kut it­tuua, ul­lormilu tamatumani pisut Al­lak­kani siulit­tuutigineqar­tut qanoq eq­quun­neraat? (Al­laaserisap aal­laq­qaataani as­siliaq takuuk).

JERUSALEMIMI sapaatik­kut ul­laap tungeraa. Ul­loq im­mik­kut it­tuul­lunilu pis­sanganar­tuuvoq. Piinsip ul­lua, tas­sa qajuusias­sanik katersuinerup aal­lar­tin­nerata nal­lius­sinera il­ler­nar­toq, nal­liut­torsiutigineqar­poq. Ul­laap tungaani tamatumani naalaf­fim­mi palasiuneq pil­liutigineqar­tus­sanik pil­liuteqar­poq. Taava qulingiluat mis­saani qajuusias­sat inereq­qaataan­nit timiusaliat seer­narsaasik­kat marluk pil­liutigai Jehovap saani nit­tar­terutigalugit. Ul­loq taan­na tas­saavoq ukiumi 33-mi piinsip ul­lua. – 3 Mos 23:15-20.

² Ukiuni hundredelik­kuutaani ukiut tamaasa palasiuneq nit­tar­terum­mik pil­liisar­poq. Taamatut pil­liisar­neq aam­ma ukiumi 33-mi piinsip ul­luani, Jiisusip ajoqersugaasa 120-t Jerusalemimi inimi qul­lermi qinoqatigiin­neran­ni, pisoq pingaaruteqangaar­toq im­min­nut at­tuumas­suteqarluin­nar­put.  (ApS 1:13-15) Ukiut 800-t tamatuma sior­na pruf­fiitip Joelip piinsip ul­luani tamatumani pisoq siulit­tuutigaa. (Joel 3:1-5; ApS 2:16-21) Taama pingaaruteqar­tigisumik susoqar­toruna?

³ Apustilit Suliaat 2:2-4 atuakkit. Ukiumi 33-mi piinsip ul­luani Guutip kristumiut taak­ku anersaaminik il­ler­nar­tumik tunivai, taak­kulu tanitan­ngor­put. (ApS 1:8) Taava inup­pas­suar­nit us­sagarfigineqar­put, ajoqersuk­kal­lu aatsaan­nguum­mat takusatik tusak­katil­lu nuan­nersut taak­kunun­nga oqalut­tuaraat. Apustilip Petrusip susoqar­nersoq aam­ma sooq taman­na pingaaruteqangaar­nersoq nas­suiar­paa. Taava inup­pas­suit taak­ku ima oqarfigai: ‘Al­lamik isumataaritsi, Jiisusi-Kristusil­lu aq­qani tamas­si kuisigitsi ajor­tis­si isumak­keer­neqaatis­saan­nik, taava anersaaq illernartoq tunissutisiarissavarsi.’ Ul­lormi tamatumani inuit 3.000-ngajaat kuisip­put, taak­kualu aam­ma anersaaq il­ler­nar­toq pivaat. – ApS 2:37, 38, 41.

4. (a) Sooq piinsip ul­luani pisut soqutigis­savavut? (b) Ukior­pas­suit tamatuma sior­na ul­lormi tamatumani pisoq al­la suna pisimasin­naava? (Ilan­ngus­saq takuuk).

⁴ Palasiuneq taas­sumalu ukiut tamaasa piinsip ul­luani pil­liutigisar­tagaa sumut tik­kuus­sip­pat? Palasiuneq Jiisusimut tik­kuus­sivoq. Timiusat Jiisusip ajoqersugaanut tanitanut as­sersuutaap­put. Ajoqersuk­kat taak­ku inun­nit ajor­tiliusunit toq­qagaap­put ‘inereq­qaataasunil­lu’ taaneqarlutik. (Jaak 1:18) Guutip taak­ku er­nermisut akuerisimavai qilam­milu naalagaaf­fim­mini Jiisusimik naalak­kersueqatigin­nit­tus­satut toq­qarsimal­lugit. (1 Petr 2:9) Jehovap naalagaaf­fini aq­qutigalugu inuit naalat­tut tamaasa pil­luaq­qus­savai. Taamaat­tumik angerlarsimaf­fis­sar­put Jiisusi najorlugu qilam­miis­sagaluar­pat paratiisiusumiluun­niit nunamiis­sagaluar­pat ukiumi 33-mi piinsip ul­lua uagutsin­nut pingaaruteqangaar­poq. ^[1]

5. Qanoq nalun­ngilar­put tanitan­ngor­tut as­sigeeq­qis­saamik tanin­neqar­neq ajor­tut?

⁵ Ajoqersuk­kat inimi qul­lermiit­tut ul­loq taman­na puiun­ngisaan­nar­paat. Tamarmik im­mik­kut in­ner­tut it­tumik niaq­qumik­kut tuf­figineqar­put. Jehovap al­lamiut oqaasii atorlugit oqalus­sin­naatiler­pai. Qularutigin­ngil­luin­nar­paat anersaamik il­ler­nar­tumik tanin­neqar­ner­tik. (ApS 2:6-12) Tamak­kuli tupin­nar­tut kristumiut tanin­neqar­tut ilaan­naasa misigaat. As­sersuutigalugu ul­lormi tamatumani kingusin­nerusuk­kut Jerusalemimi tanin­neqar­tut tuusintil­lit in­ner­tut it­tumik niaq­qumik­kut tuf­figineqan­ngil­lat. Kuisik­kamik tanin­neqar­put. (ApS 2:38) Aam­mami imaan­ngilaq kristumiut tanitat tamarmik kuisin­nermin­ni tanitan­ngor­tar­tut. Samariamiut tanitan­ngor­put kuisin­nermik kingor­na. (ApS 8:14-17) Nalingin­naan­ngitsumil­lu Cor­neliusi inoqutaalu tanitan­ngor­put suli kuisin­natik. – ApS 10:44-48.

6. Tanitat tamarmik sumik tunineqar­pat, taman­nalu taak­kunun­nga qanoq sun­niuteqar­pa?

⁶ Erseq­qip­poq tanitan­ngor­tut as­sigeeq­qis­saamik tanin­neqar­neq ajor­tut. Im­maqa ilaasa Jehovamit tanin­neqarlutik ingerlaan­naq paasisar­paat. Al­lat tanin­neqar­nermi kingor­na aatsaat paasiar­tuler­tar­paat. Apustilil­li Paulusip tamarmik  im­mik­kut qanoq misigisar­nersut ima nas­suiar­paa: ‘Taas­sumuuna ilis­sis­saaq anersaamik il­ler­nar­tumik neriorsuutigisamik naqis­suser­neqar­pusi. Taman­na uppernarsaasiussaavoq kingor­nus­sarsias­satsin­nut.’ (Ef 1:13, 14) Tas­sa Jehovap anersaani il­ler­nar­toq atorlugu kristumiut taak­ku qilaliar­tus­satut toq­qar­neqarsimaneran­nik qularun­naarsil­luin­nar­tar­pai. Taamaalil­luni siunis­sami nunarsuarmiin­natik naas­saan­ngitsumik qilam­miiler­nis­saan­nut taak­kunun­nga anersaaq il­ler­nar­toq “up­per­narsaasius­saavoq”. – 2 Korinthimiut 1:21, 22; 5:5 atuakkit.

7. Kristumiu tanitaq akis­sarsiumal­luni susariaqar­pa?

⁷ Kristumiu tanitan­ngoruni imaap­pa pin­ngitsuuin­nani akis­sarsis­sasoq? Naagga. Qularin­ngilaa qilaliar­nis­samut qaaq­qusaal­luni. Aatsaal­li Jehovamut aalajaat­tuaruni akis­sarsis­saaq. Petrusip taman­na ima nas­suiar­paa: “Taamaat­tumik qatan­ngutit, suli ilungersor­nerul­lusi qaaq­quneqar­nersi qiner­neqar­nersilu aalajangersar­niarsigit; taamaaliorussi naak­kiutin­ngisaan­nas­saasi. Taavalu Naalak­kat­ta an­naas­sisit­talu Jiisusi-Kristusip naalagaaf­fiata it­tuin­nar­tup matua qiversimal­luni ilis­sin­nut am­majuaan­nas­saaq.” (2 Petr 1:10, 11) Tas­sa kristumiup tanitap sunaluun­niit Jehovamut kif­far­torun­naas­sutigis­san­ngilaa. Qilaliar­nis­samut qaaq­qusaagaluaruniluun­niit aalajaat­tuan­ngik­kuni akis­sarsis­san­ngilaq. – Hebr 3:1; Saq­q 2:10.

8, 9. (a) Sooq inuit amerlanersaasa Guutimit tanitan­ngor­tin­neqar­neq paasiuminaatsip­paat? (b) Inuup qanoq nalun­ngis­sin­naavaa qilaliar­nis­samut qaaq­qusaal­luni?

⁸ Guutimit tanitan­ngor­tin­neqar­neq ul­lumik­kut Guutip kif­faasa amerlanersaasa paasiuminaatsip­paat. Taman­na tupin­nan­ngilaq nam­min­nermi tanitaan­ngil­lat. Guutip inuit nunami, qilam­miun­ngitsoq, naas­saan­ngitsumik inuusus­satut pin­ngor­tip­pai. (1 Mos 1:28; Tus­s 37:29) Jehovali qilam­mi kun­ngiul­lutil­lu palasiusus­sanik toq­qaasimavoq. Taamaat­tumik tanik­kaangamigit neriuutaat eq­qarsar­taasial­lu al­lan­ngor­tit­tar­pai qilaliar­nis­samin­nik qilanaarin­nilersil­lugit. – Efesosimiut 1:18 atuaruk.

⁹ Inuul­li qilaliar­nis­samut qaaq­qusaanini qanoq nalun­ngis­sin­naavaa? Paulusip qatan­ngutinut tanitanut Romamiit­tunut “il­ler­nar­tooq­qul­lugit qaaq­qusaasunut” al­latai uku malugik­kit: “Tunineqarsiman­ngilasimi anersaamik inus­siaatitsisumik kingumut siooralersitsisumik, tunineqarsimavusili anersaamik qitor­naas­suseqar­titsisumik taas­sumuunalu ima torlulavugut: Abba, Ataataq! Anersaaq nammineq uagut anersaarput peqatigalugu nalunaajaavoq Guutip qitornarigaatigut.” (Rom 1:7; 8:15, 16) Guutip anersaaq il­ler­nar­toq atorlugu inuk paasitit­tar­paa Jiisusip qilam­mi kun­ngioqatiginis­saanut qaaq­qusaasoq. – 1 Th 2:12.

10. Kristumiut tanitat al­lanit ajoqersor­neqar­tariaqan­ngin­neran­nik Johan­nesip al­lagai siul­liit 2:27-mi al­las­simanera qanoq isumaqar­pa?

 ¹⁰ Guutimit qaaq­qusaasut inun­nit al­lanit oqalut­tuun­neqar­tariaqan­ngil­lat tanitaalersimaner­tik pil­lugu. Jehovamim­mi qularun­naarsil­luin­nar­neqar­tar­put. Apustilip Johan­nesip kristumiut tanitat ima al­laf­figai: “Il­ler­nar­tumit tanin­neqarsimavusi tamas­silu ilisimas­sum­mik pigisaqarlusi.” Aam­ma ima al­lap­poq: “Tar­nul­li taas­suman­nga pisarsi ilis­sin­niit­tuas­saaq, kimil­luun­niil­lu ajoqersor­neqar­nis­sarsi pisariaqan­ngilaq.” (1 Joh 2:20, 27) Kristumiut tanitat al­latul­li Jehovamit ajoqersor­neqar­tariaqar­put. Tanitaaner­til­li pil­lugu kimil­luun­niit up­per­narsaavigineqar­tariaqan­ngil­lat. Jehovam­mi nukik sak­kor­tuner­paaq, anersaani il­ler­nar­toq, atorlugu qaaq­qusaaneran­nik qularun­naarsil­luin­nar­tar­pai!

11, 12. Kristumiu tanitaq qanoq eq­qarsarsin­naava, sunali qularutigin­ngilaa?

¹¹ Kristumiut tanitan­ngoraangamik al­lan­ngorluin­nar­tarmata Jiisusi oqar­poq ‘er­nioq­qis­simasut’. (Joh 3:3, 5) Imalu nas­suiaavoq: “Tupigusuutigis­san­ngilat ima oqarfigigak­kit: Er­nioq­qit­tariaqar­pusi. Anorip sam­mivigiumasani sam­mivigisar­paa. Siorsup­palua tusaasar­pat nalul­luguli sumit pinersoq sumul­lu ingerlanersoq. Anersaamit er­niusimasoq kinaluun­niit taamaap­poq.” (Joh 3:7, 8) Erseq­qip­poq tanitaalersut qanor­piaq misiginer­tik tanitaan­ngitsumut nas­suiarsin­naan­ngik­kaat. ^[2]

¹² Tanitaasoq im­maqa ima eq­qarsar­poq: ‘Sooq al­la pin­nagu Jehovap uanga toq­qar­paanga?’ Al­laat taamatut akisus­saaf­feqar­nis­samut ajuk­kus­sin­naavoq. Jehovamil­li toq­qagaal­luni qularin­ngil­luin­narlugu tunis­sutisiaq taman­na nuan­naarutigingaarlugulu qujamasuutigeqaa. Tanitat Petrusitut ima al­lat­tutut misigip­put: “Un­nersiutigineqarli Guuti Naalak­kat­ta Jiisusi-Kristusip Ataataa, naak­kin­nin­nersuani naaper­torlugu Jiisusi-Kristusip toqusunit makin­neratigut er­nioq­qis­sik­kamisigut neriugisamut uumasumut – kingor­nus­sas­samut aseror­tus­saan­ngitsumut, mingutsin­neqar­tus­saan­ngitsumut toqulior­tus­saan­ngitsumul­lu qilan­ni paarineqar­tumut pisas­sarititaal­luni ilis­sin­nut.” (1 Petr 1:3, 4) Tanitap oqaatsit taak­ku atuaraangamigit Ataatami oqaluuk­kaani qularineq ajor­paa.

13. Inuk anersaamik il­ler­nar­tumik tanin­neqaraangami eq­qarsar­taasia qanoq al­lan­ngor­tar­pa, aam­ma sooq?

¹³ Kristumiut taak­ku qilaliar­nis­samut Jehovamit qaaq­qusaan­ngik­kal­laramik nunami naas­saan­ngitsumik inuunis­samik neriugisaqar­put. Jehovap nunamik paratiisin­ngor­titsif­fis­saa ajus­suseerutsitsif­fis­saalu qilanaarisimavaat. Im­maqa ilaqut­tamik ikin­ngutimil­lu toqusunit makititaap­pata tikil­luaq­qunis­saat  takorloor­tar­paat. Il­lulior­nis­sar­tik or­pis­sanik ik­kus­suinis­sar­tik inerititaanil­lu nerinis­sar­tik qilanaarisimavaat. (Es 65:21-23) Sooq al­latut eq­qarsar­taler­pat? Naal­liuuteqaramik misigis­sutsik­kul­luun­niit ar­torsaateqaramik al­lan­ngor­pat? Nunami naas­saan­ngitsumik inuunis­saq pik­kunaas­sasorileramik­ku pil­luas­san­ngitsorileramil­lu al­lan­ngoriataar­pat? Qilam­miin­nis­sarluun­niit misigerusuleramik­ku? Naagga. Guutil­li aalajangiis­sup­pai. Qaaq­qugamigit anersaani il­ler­nar­toq atorlugu eq­qarsar­taasiat neriuutaal­lu al­lan­ngor­tip­pai.

14. Tanitat nunami maani inuuner­tik pil­lugu qanoq misigip­pat?

¹⁴ Taavami imaap­pa tanitat toqorusut­tut? Paulusip tanitat qanoq misiginersut al­laatigaa. Inut­tut timer­tik tupermut as­sersuup­paa, timimin­nil­lu iperaajuman­ngik­kaluar­ner­tik pil­lugu ima al­lap­poq: “Tupermiitil­lutami naner­tugaal­luta anersaarulup­pugut atisaajar­neqaruman­ngin­nat­ta atisalersugaajumal­lutali toqujasoq inuunermut eeq­qul­lugu.” (2 Kor 5:4) Kristumiut taak­ku toqorusun­ngil­lat. Inuuner­tik nuan­naarutigalugu ilaqut­tatik ikin­ngutitil­lu peqatigalugit ul­lut tamaasa Jehova kif­far­torfigaat. Sulerigaluarunil­luun­niil­lu Jehovap siunis­samut neriorsuutigisaa eq­qaamajuar­paat. – 1 Kor 15:53; 2 Petr 1:4; 1 Joh 3:2, 3; Saq­q 20:6.

15. Anersaamit il­ler­nar­tumit tanin­neqarsimanermut suna up­per­narsaataan­ngila?

¹⁵ Im­maqa eq­qarsaatigaat Jehovap il­lit qilam­mut qaaq­qusimaneraatit. Qaaq­qusaasimasoriguit apeq­qutit pingaarutil­lit uku eq­qarsaatigik­kit: Misigivit oqaluus­sinermi im­mik­kut aal­lus­sil­luar­tuul­lutit? ‘Guutip itis­susii’ ilin­niarumal­lugit Biibilimik atuaq­qis­saar­neq nuan­naarutigingaar­tar­piuk? (1 Kor 2:10) Misigivit oqaluus­sinin­ni Jehovap nuan­ningaar­tunik angusaqar­tik­kaatit? Jehovap kis­saatigisai sunit tamanit iliuusererusun­ner­paavigit? Inuit al­lat asangaar­pigit Jehovamul­lu kif­far­tuleq­qul­lugit ikior­nis­saat akisus­saaf­fit­tut pimoorus­sas­satut isigalugu? Inuunin­ni arlalip­pas­suar­tigut Jehovap im­mik­kut it­tumik ilin­nik ikiuisar­nera up­per­narsinikuuiuk? Apeq­qutit taak­ku angeruk­kit imaap­pa qilam­mut qaaq­qusaasimasutit? Naamik, taamaan­ngilaq. Sooq? Guutip kif­fai tanitaagaluarunik tanitaan­ngik­kaluarunil­luun­niit tamarmik taamatut misigisin­naam­mata. Jehoval­lu anersaani il­ler­nar­toq atorlugu kif­fani qanorluun­niit akis­sarsisus­saagaluar­pata pis­saanermik as­sigiim­mik tunisin­naavai. Tas­sa qilaliar­tus­saanerlutit nalor­nis­sutigiguk­ku qaaqqusaasimanavianngilatit. Jehovamit toq­qar­neqarsimasut qaaq­qusaasimaner­tik nalor­nis­sutigin­ngilaat – qularin­ngilaat!

16. Qanoq nalun­ngilar­put Guutip anersaavanik tunineqar­tut ilaan­naat qilam­mut qaaq­qusaasimasut?

¹⁶ Inuit aalajaatsor­pas­suit Jehovap anersaavanik il­ler­nar­tumik ikior­neqar­tar­tut, qilaliar­tus­saan­ngitsul­li, Biibilimi oqalut­tuarineqar­put. Ilaatigut Johan­nesi Kuisisoq. Jiisusi oqar­poq inum­mik Johan­nesimit ‘an­nerusoqan­ngitsoq’, nangil­lunili oqar­poq taan­na qilam­mi kun­ngius­san­ngitsoq. (Mat­t 11:10, 11) Aam­ma Daavi anersaamit il­ler­nar­tumit siulersor­neqar­poq. (1 Sam 16:13) Anersaaq  il­ler­nar­toq ikior­tigalugu Jehova pil­lugu itisuunik paasisaqar­poq Biibilil­lu ilaanik isumas­sarsisin­neqarluni al­lal­luni. (Mark 12:36) Taamaak­kaluar­toq apustili Petrusi oqar­poq Daavi ‘qilam­mut qangat­tan­ngitsoq’. (ApS 2:34) Jehovap anersaani il­ler­nar­toq atorlugu angutit taak­ku tupin­nar­tulior­tip­pai, qilam­mul­li qaaq­qun­ngilai. Imaap­pa taak­kua qilam­mi naalak­kersuis­sagunik aalajaan­nerusariaqar­tut? Naamik. Imaagin­nar­poq Jehovap taak­ku nunami paratiisiusumi inuulerseq­qis­sagai. – Joh 5:28, 29; ApS 24:15.

17, 18. (a) Ul­lumik­kut Guutip kif­faasa amerlanersaat qanoq neriugisaqar­pat? (b) Al­laaserisami tul­liut­tumi apeq­qutit suut akineqar­pat?

¹⁷ Ul­lumik­kut Guutip kif­fai amerlanerit qilalias­san­ngil­lat. Taak­kua Aaperaatut, Daavitut, Johan­nesi Kuisisutut aam­ma angutitut ar­natul­lu Biibilip nalaaneersutut Guutip naalagaaf­fianit qilam­miit naalak­kersor­neqarlutik nunami inuunis­sar­tik qilanaaraat. (Hebr 11:10) Qilam­mi Jiisusimik naalak­kersueqatigin­nit­tus­sat 144.000-up­put. Naggatis­sal­li nalaani tanitat ‘kinguaas­saasa amiak­kui’ suli nunamiis­sasut Biibilimi al­laatigineqar­poq. (Saq­q 12:17, 1936) Tas­sa 144.000-t amerlanersaat toqoreer­put qilam­miilereerlutil­lu.

¹⁸ Tanitaanerar­toqar­pal­li nunami inuunis­samik neriugisal­lit qanoq qisuarias­sap­pat? Ilagiis­sin­ni eq­qaaniaal­luni nal­liut­torsior­nermi timiusar­torlunilu viin­nisor­toqar­taler­pat taan­na qanoq pis­susilersorfigis­saviuk? Tanitaanerar­tul­lu amerliar­tor­pata isumakuluutigineqas­sava? Apeq­qutit taak­ku al­laaserisami tul­liut­tumi akis­sutis­sarsis­savavut.