ATUAQQISSAAGASSAQ 51
Jehovap nikallungasut annaattarpai
“Naalakkap qanippai sequmissimasumik uummatillit, annaattarpai aserortersimasumik anersaallit.” – TUSS 34:19.
ERINARSUUT 28 Jehovamik ikinnguteqarneq
QILANAARTUUT *
1-2. Allaaserisami matumani suut sammineqassappat?
INUUNEQ sivikitsuinnaavoq ‘eqqissinaatsorsiornarlunilu’, tamannalu pillugu nikallungasarsinnaavugut. (Job 14:1) Aamma itsaq Jehovap kiffai arlallit taamatut misigisarsimapput. Allaallumi ilaat toquinnarusussimapput. (1 Kng 19:2-4; Job 3:1-3, 11; 7:15, 16) Jehovalli tatiginnitsini taakku tuppallersarlugillu nakussatsittuarsimavai. Misigisaat ilinniarfigalugillu tuppallersaatiginiassagatsigit Biibilimi ilanngunneqarsimapput. – Rom 15:4.
2 Jehovap kiffaasa aalajaatsut ilaat atugarliuuteqarsimasut – soorlu Jaakup ernera Josefi, uillarneq No’omi ukuaalu Ruthi, tussiaasiortoq Levikkuusoq, kiisalu apustili Petrusi – allaaserisami matumani sammineqassapput. Jehovap qanoq nakussatsippai? Misigisaat qanoq ilinniarfigisinnaavavut? Apeqqutit taakku akissutissarsigutsigit paasissavarput ‘Jehovap sequmissimasumik uummatillit qanikkai aserortersimasumillu anersaallit annaattarai’. – Tuss 34:19.
JOSEFI EQQUNNGITSULIORFIGINEQARPOQ
3-4. Josefi inuusuttuulluni qanoq misigisaqarpa?
3 Josefi 17-it missaannik ukioqarluni Guutimit marloriarluni sinnattortinneqarpoq. Sinnattumini paasitinneqarpoq pingaarutilimmik akisussaaffilerneqarnini pissutigalugu ilaquttaminit ataqqineqangaalerumaarluni. (1 Mos 37:5-10) Josefi angutaavoq ataataminit iluarisaasoq, sinnattortinneqarnermili kinguninngua qatanngutaasa inussiatut tunivaat. Kingusinnerusukkut Potifarimut, Egyptenimi kunngikkormiumut Guutimillu nalusumut, inussianngorpoq. (1 Mos 37:21-28; 39:1) Josefip inuunera allanngorujussuarpoq.
4 Josefilli atugai ajorsineruinnarput. Potifarip nulia sallulluni oqarpoq Josefip pinngitsaalilluni atoqatiginiarsarisimagaani. Unnerluutit misissoqqaarnagit Potifarip Josefi parnaarussaatippaa isigaalu kalunnernik pitullugit. (1 Mos 39:14-20; Tuss 105:17, 18) Eqqunngitsumik unnerluunneqarnini pillugu Josefi qanoq misigisimassasoq takorlooruk. Tamatuma saniatigut pisoq tamanna pillugu Josefip Guutia, Jehova, inunnit ajortumik eqqartorneqartarsimassaaq. Qularnanngitsumik Josefip tamakku nikallungassutigingaartarsimassavai.
5. Josefi nikallungajunnaarumalluni qanoq iliuuseqarpa?
5 Josefip inussiatut parnaarussatullu pissutsit atukkani aqussinnaanngilai. Qanorli isumalluartuarsinnaasimava? Iliuuserisinnaanngisani eqqarsaatigiuarnagit imminut suliassiissutigineqartut ulapputigiuarpai. Pingaarnertulli, Jehovamit iluarisaajuarnissani noqqaassutigaa. Josefip iliuusii pissutigalugit Jehovap pilluaqquaa. – 1 Mos 39:21-23.
6. Sooq Josefip sinnattuni tuppallersaatigisarsimassavai?
6 Josefip Jehovamit sinnattortinneqarsimanini tuppallersaatigisarsimassavaa. Eqqarsaatigigaangamigimmi eqqaasinneqartarpoq ilaquttani takoqqikkumaarlugit pissutsillu atukkani ajunnginnerulerumaartut. Taamatorluinnarlu pisoqarpoq! 37-t missaannik ukioqartoq Josefip sinnattui tupinnaqisumik eqquukkiartulerput. – 1 Mos 37:7, 9, 10; 42:6, 9.
7. Petrusip allagai siulliit 5:10 naapertorlugu misilinneqarnitsinni qanoq aalajaattuarsinnaavugut?
7 Oqaluttuaq qanoq ilinniarfigisinnaavarput? Nunarsuarmi peqqarniisaarfiusumi inuuvugut. Taamaattumik inoqatitsinnit, Tuss 62:7, 8; 1 Petrusi 5:10 atuaruk). Aamma maluginiarsinnaavarput Josefi Jehovamit sinnattortinneqarami 17-inik ukioqarunartoq. Tassa Jehovap kiffani inuusuttut tatigai. Nalitsinni inuusuttorpassuit Josefitut Jehovamut upperluarput. Allaammi taakkua ilaat Guutimut ilumoorfiginninnertik pissutigalugu parnaarussaasimapput. – 1 Joh 2:14.
allaallumi uppeqatitsinnit, ajortumik pineqarsinnaasarpugut. Jehovali qimarnguffigisarutsigu nikallungagaluarluta kiffartorfigiunnaarnavianngilarput. (ARNAT MARLUK ALIASUNGAARTUT
8. No’omi Ruthilu qanoq misigisaqarpat?
8 Judami kaannersuaqalermat No’omi, uia Elimeleki ernerilu marluk Moabimut nunasipput. Elimeleki Moabimi toquvoq. Kingorna ernerisa Ruthi Orpalu, arnat Moabikkuusut, nuliartaaraat. Ukiut qulit missaat qaangiuttut erneri toqummata No’omi kisimiilerpoq. (Ruth 1:1-5) Takorlooruk arnat pingasut taakku qanoq aliasutsigisimassasut. Ruthi Orpalu uineqqissinnaapput, kialli No’omi utoqqalisimasoq isumagissavaa? No’omi nikallungangaarnermini ima oqarpoq: “No’omimik taananga Maramik taasalerniarsinga Ajugaqanngitsup narrutsatsissimammanga.” No’omi isumatsassimaqaaq. Taava aalajangerpoq Betlehemimut uterniarluni, Ruthillu ilagaa. – Ruth 1:7, 18-20.
9. Ruthi 1:16, 17, 22-milu allassimaneratut Ruthip No’omi qanoq tuppallersarpaa?
9 No’omip suna tuppallersaatigaa? Ilumoorfigineqarlunilu asaneqarnini. Assersuutigalugu Ruthimit najorneqartuarpoq. (Ruthi 1:16, 17, 22 atuakkit). Ruthi Betlehemimi ilungersungaarluni suaasiassanik katersuisarpoq No’omilu nerisassaqarniassagamik. Sivitsunngitsoq Ruthi sullarissutut tusaamaneqalerpoq. – Ruth 3:11; 4:15.
10. Jehova piitsunut qanoq asannittuliorpa, tamannalu No’omimut Ruthimullu qanoq sunniuteqarpa?
10 Jehovap piitsunut, soorlu No’omimut Ruthimullu, misiginneqataangaarnera Israelikkunnut inatsisaanit erserpoq. Piitsut nerisassaminnik katersuisinnaaniassammata innuttani peqquai “[narsaatimik] avammut killinga tikivillugu” katersuisassanngitsut. (3 Mos 19:9, 10) Tassa No’omi Ruthilu qinnuulooqqaaratik nerisassarsiorsinnaapput.
11-12. Boazip No’omi Ruthilu qanoq nuannaalerseqqippai?
11 Ruthip katersuiffigisartagaa angutip pisuup Boazimik atillip narsaatigaa. Ruthip sakiminut, No’omimut, ilumoorfiginnilluni asanninnera Boazip maluginiarpaa. Tamanna killitsissutigalugu Ruthip katinneratigut narsaat No’omip ernerisa kingornussassaraluat utertillugu pisiaraa. (Ruth 4:9-13) Aappariit taakku ernertaarput Obedimik atilimmik, taannalu kunngip Daavip siuaasaraa. – Ruth 4:17.
12 Takorloorsinnaaviuk No’omip Obedi kissumiaqqaaramiuk qanoq nuannaartigisimassasoq? Qularnanngitsumik qinunikkut Jehovamut qujasimassaaq. Siunissamili Ruthilu makititaagunik annerusumik nuannaarutissaqassapput. Taamanikkussamummi paasissavaat Obedi Missiarsimut neriorsuutigisamut, Jiisusimut, siuaasanngorsimasoq.
13. No’omimik Ruthimillu oqaluttuaq qanoq pingaarutilimmik ilinniarfigisinnaavarput?
13 Oqaluttuaq qanoq ilinniarfigisinnaavarput? Misilinneqarnitsinni isumatsallutalu nikallungalersinnaavugut. Immaqa misigivugut ajornartorsiutivut aaqqinneqarsinnaanngitsut. Taama misigigaangatta Ataatarput qilammiusoq tatigilluinnarlugulu qatanngutivut qanittuartariaqarpavut. Imaassinnaavoq Jehovap ajornartorsiutivut aaqqinniapallanngikkai, Uss 17:17.
soorlu No’omip uia ernerilu uummarteqqinngikkai. Pinertusaarniassagattali ilumoorfiginnilluni asanninnini ersersissavaa, ilaatigut qatanngutit aqqutigalugit. –ANGUT LEVIKKUUSOQ UPPERNIKKUT SANNGIILLIORTOQ
14. Sooq tussiaasiortoq Levikkuusoq nikallungangaalerpa?
14 Tussiaat 73-imik tussiaasiortoq Levikkuugami Jehovamik pallorfiginnittarfimmi kiffartorpoq. Taamaakkaluartoq nikallungalerpoq. Sooruna? Inuit ajortut anneruniartullu ajortuliortarnerat sinngaginngikkaluarlugu inuulluataarpasinnerat pillugu sinngagileramigit. (Tuss 73:2-9, 11-14) Taakku pisuujupput, inuunerminni iluatsitsilluarpasipput isumakuluuteqarpasinnatillu. Amigaateqarpasinnginnerat nikallungassutigalugu tussiaasiortoq ima allappoq: “Uummatiga minguitsuutinniarsimavara asuliinnaasumik, pinngitsuutinniarlungalu assakka asattarsimallugit.” Ersarippoq anersaakkut navianartorsiortoq.
15. Tussiaat 73:16-19, 22-25 naapertorlugit tussiaasiortoq Levikkuusoq qanoq nikallungajunnaarpa?
15 Tussiaat 73:16-19, 22-25 atuakkit. Tussiaasiortoq “Guutip illernartuutaanut”, immaqa aamma uppeqatimi akornannut, pigami eqqissilluni kiffartuutini qinunikkut eqqarsaatigeqqissaarpaa. Kingunerisaanik paasilerpaa eqqarsartaatsini kukkusuusoq allanngortinngikkuniullu Jehovamut attaveqarnerminut innarliutaasinnaasoq. Aamma paasilerpaa ajortut ‘aqqutiniittut quasartuni annilaarnersuarmillu nungutitaassasut’. Aap, sinngajunnaarumalluni nikallungajunnaarumallunilu tussiaasiortup Levikkuusup Jehovap isiginnittaasia pigiliuttariaqarpaa. Taamaaliorami isumakuluuteqarunnaarluni nuannaaqqilerpoq. Tussiaasiamini Jehova pillugu ima allappoq: “Ilinniikkuma nunamiittumik sumilluunniit kissaatigisassaqanngilanga.”
16. Tussiaasiortoq Levikkuusoq qanoq ilinniarfigisinnaavarput?
16 Oqaluttuaq qanoq ilinniarfigisinnaavarput? Inuit ajortut inuunerminni iluatsitsilluarpasittut sinngaginngisaannarisigit. Oqal 8:12, 13) Sinngagigutsigit nikallungaliinnassaagut anersaakkullu navianartorsiulerluta. Taamaattumik inuit ajortut sinngageqqajaagukkit tussiaasiortutut iliuuseqarit. Guutip asannittup siunnersuutai maleruakkit piumasaanillu iliorusuttut ilagisarlugit. Jehova allanit tamanit asanerugukku pillualivissaatit ‘inuunivillu pigilersinnaalissallugu’. – 1 Tim 6:19.
Pilluarnerat ilumuunngitsuuvoq sivikitsuinnaallunilu. Inuit taakku ataavartumik siunissaqanngillat. (PETRUSIP SANNGIISSUTINI NIKALLUNGASSUTIGAI
17. Petrusip suut nikallungassutigisimassavai?
17 Apustili Petrusi angutaavoq ilungersornikkaaq, ilaatigulli eqqarsaqqaarani iliuuseqartarpoq misigissutsinilu oqaasinngortipallattarlugit. Tamannalu pissutigalugu peqqissimissutigisaminik iliuuseqarlunilu oqaaseqartoortarpoq. Assersuutigalugu Jiisusi apustiliminut oqarmat anniartitaallunilu toqusussaalluni Petrusip avoqqaaraa oqarfigalugu taamatut pineqarnavianngitsoq. (Matt 16:21-23) Jiisusillu Petrusi naqqippaa. Pisumi allami inuppassuit Jiisusi tigusariartormassuk Petrusip eqqarsaqqaarani palasiunerup kiffaa panarlugu siutaarpaa. (Joh 18:10, 11) Jiisusillu Petrusi naqqeqqippaa. Aamma Petrusi anneruniarluni oqarsimavoq apustilit allat Jiisusi qimakkaluarpassulluunniit nammineq taamaaliunngisaannassalluni. (Matt 26:33) Imminulli tatigivallaarnini nakkassutigalugu inunnut qunulerpoq Jiisusilu pingasoriarlugu miserratigalugu. Petrusi aliasungaalerluni “anilluni qiangaalerpoq”. (Matt 26:69-75) Isumakuluutigisimassavaa Jiisusip isumakkeerfigisinnaaneraani.
18. Jiisusip Petrusi qanoq nikallungajunnaarnissaanut ikiorpaa?
18 Petrusi nikallungangaaraluarluni Jehovamut kiffartortuarpoq. Kukkussutini aporfiginagit apustileqatini ilagisarpai. (Joh 21:1-3; ApS 1:15, 16) Petrusi suut iluaqutigalugit nikallungajunnaarpa? Eqqaamavaa Jiisusip uppertuujuaqqulluni qinnussimagaani kajumissaarsimagaanilu qaqeqqikkuni qatanngutiminik nakussatsitsissasoq. Jehovap qinnut taanna akivaa. Kingorna Jiisusi Petrusimut saqqummerpoq, qularnanngitsumik tuppallersarumallugu. (Luk 22:32; 24:33, 34; 1 Kor 15:5) Aamma apustilit unnuk tamaat susaarlutik aalisareersut Jiisusip saqqummerfigai. Taamaasilluni Jiisusi asanerarlugu oqarnissaminut Petrusi periarfissinneqarpoq. Jiisusip ikinngutini asasani isumakkeerfigisimavaa sulilu annerusumik akisussaaffilerlugu. – Joh 21:15-17.
19. Kukkusarnitsinnut tunngatillugu Jehovap isiginnittaasia Tussiaat 103:13, 14-imilu qanoq erserpa?
19 Oqaluttuaq qanoq ilinniarfigisinnaavarput? Jiisusip Ataatamisut nallittuingaartuunera Petrusimik pinnittarneranit erserpoq. Taamaattumik kukkugaangatta eqqarsartassanngilagut isumakkeerfigineqarsinnaanata, Saatanimmi taamatorluinnaq eqqarsalersikkusuttarpaatigut. Paarlattuanik eqqarsaatigilluartariaqarparput Jehovap qanoq asatigineraatigut pisinnaasattalu killeqarnerat ilisimagaa. Taava qularissanngilarput isumakkeerfigerusuttaraatigut, tamannalu killinneqaatigalugu ajuallatsinneqaraangatta isumakkeerfiginnikkusuttassaagut. – Tussiaat 103:13, 14 atuakkit.
20. Allaaserisami tulliuttumi suut sammineqassappat?
20 Josefip, No’omip, Ruthip, tussiaasiortup Levikkuusup kiisalu Petrusip misigisaannit erserpoq ‘Jehovap sequmissimasumik uummatillit qanikkai’. (Tuss 34:19) Misilinneqartarnissarput akuerigallarpaa paasisinnaallugulu ilaatigut nikallungasartugut. Ikiuinerali iluaqutigalugu misilinneqarnitsinni pinertusaaraangatta uppernerput nakussatsinneqartarpoq. (1 Petr 1:6, 7) Tamanna allaaserisami tulliuttumi samminerussavarput. Paasissavarput Jehovap kiffani aalajaatsut nikallungasut, immaqa naammalluinnanngitsuunertik atugarliornertilluunniit pissutigalugu, qanoq ikiortarai.
ERINARSUUT 7 Jehova, nakuussuterput
^ imm. 5 Josefi, No’omi Ruthilu, angut Levikkuusoq aamma apustili Petrusi inuunerminni atugarliuuteqarsimapput. Nikallunganeranni Jehovap qanoq tuppallersarlugillu nakussatsissimagai allaaserisami paasissavarput. Aamma taakkua maligassiaat Guutillu asannilluni ikiuisarnera qanoq ilinniarfigisinnaanerlugit sammissavarput.
^ imm. 56 ASSIMI MALUGISASSAT: No’omip, Ruthip Orpallu uimik toqunerat aliasuutigingaarpaat. Kingorna Obedi inunngormat Ruthi, No’omi Boazilu nuannaangaarput.